- සියතු පියාපත් - [▪︎COMPLETED▪︎]

15

' Rash '

එතකොට කලින් ඉඳලම මගෙ නම්බර් එක මේකා ගාව තිබුනද? ඒත් කොහොමද? ඒකත් සේව් කරලා තියෙන්නෙ රෂ් කියලා..

ඕනි එකක්.මම උගෙ එකෙන් මගෙ නම්බර් එක ගහලා රින්ග් කර ගත්තෙ එකපාරයි. ඉක්මනට කට් කරලා උගෙ එකෙන් ඒක ඩිලීට් කරලා ඇප් ටික තිබුන විදිහටම හදලා මම ඒ මගුල තිබුන තැනින්ම තිබ්බා. ඉෂේකයා වැඩි කතාවක් නැතිවම නිදාගන්න යද්දි මමත් ඌව එච්චර ගණන් ගත්තෙ නෑ. මම විකුම් අයියගෙ නම්බර් එක දිහා බලාගෙන කල්පනා කලේ මෙහෙන් යනවද ඉන්නවද කියලා. කොළඹ කාමර කෑල්ලක් උනත් සෑහෙන ගානක් ඇති. හැබැයි මෙහෙදි මට වියදමක් ඇත්තෙම නෑ.

මම මටම කරුණු පැහැදිලි කලේ හිත මොකද්දො මූසල විදිහකට බැන බැන මෙහෙ ඉන්න බල කරද්දි.. මගෙයි අරූගෙයි කතාව එච්චර වෙනසක් නැති නිසා මට ඌ පව් කියලා හිතෙනවද දන්නෙ නෑ. මොකද මායි ඒකයි දෙන්නම තනිවෙලා ඉන්නෙ පවුලෙන්. ඇත්තටම ඒකද මෙච්චර හිත බර වෙලා?

හිත හිතම නින්දට වැටෙද්දි මට මතක් වුනේම ඉෂේකයාව. ඌට මම සලකන විදිහත් වැරදි වගේ දැනෙනවා. හිතනවට වඩා ඌ අහිංසක පොරක්.මට ඉක්මනටම නින්ද ගියා.. සැහැල්ලුවක් දැනෙනවා හැමදේම හොඳින් සිද්ධ වෙයි කියලා..

"රශ්‍ර මම බිඳගන්නවනෙ ඇයි ඇහැරන්? අද විතරයි නිදාගන්න තියෙන්නෙ..ඇරත් පොල් ඕනි නෑ ඊයෙ රෑ ඒවා රත් කලේ."

"උබට ඒ පැහිච්චකම් වැඩක් නෑනෙ.."

උදේ ඒකා කනට ඇහැන් නැති ගාණට වැඩ කරන් උයන්න ගනිද්දි මම ඇවිත් පොල් ගෙඩියක් බිඳලා ගත්තා. ඒත් ඒකටත් ඌ එනවා මගුලක් කතා කරන්න. මම සැර කරද්දි මූණ බෙරි කරන් ඊයෙ රෑ අපි නොකෑව මාලු පිණි රත් කරන්න ගත්ත ඒකා සැරින් සැරේ මං දිහා බලන්නෙ වැරදි කරන හොර පොඩි එකෙක් ගානට.

"උබටත් සෙනසුරාදා ඉරිදා නිවාඩු නේද? මගුලකටද මේවා හදන්නෙ? "

හෙමින් අයිසින් එක මිරිකන ගමන් ඌ කප් කේක් වල මල් හදද්දි මම බිඳපු පොලේ එතින්ම තියලා ගිහින් ඒක බලන් හිටියෙ පපුව උඩ අත් බැඳගෙන. මොනවා වුනත් ඌ හරි පරිස්සමට ඒක කරනවා.සුදු අයිසින් කරපු කප් කේක් එක උඩ ලා නිල් පාට ලොකු අයිසින් රෝස මලක් හදලා තැනින් තැන ලා රෝස පාටින් පොඩි පොඩි මල් තියලා. මූට හොඳ ඇහැක් තියෙනවා.

"කැෆේ එකේ වැඩ නැතුවට මේ ටික කඩ වලට දාන්න එපෑ.."

" එකක් කීයද? උබ කීය ගානෙද දාන්නෙ..? "

"එකක් සීයට විකුණන්නෙ. මම දාන්නෙ අසූවට. වැඩි ලාබයක් නෑ ඉතින්. බඩු වලට යනවා ගොඩක්. ඒත් මම ආසාවෙන් කරන දේනෙ."

"උබට පිස්සු. ආසාවට කියලා කරන දේවල් හරි අගෙයි. යකෝ කොල්ලෙක් වගේ හැසිරියන්කෝ... උබ මගෙ එකෙක් නම් හම ගහලා හදන්නේ හම! "

මම කියද්දි ඒකගෙ අත අයිසින් කරන එකෙන් නැවතිලා තිබුනා. අත ටිකක් වෙව්ලනවද මන්දා. 'යකෝ රශ්‍ර උබට වැඩක් නැති ඒවට කතා නොකර ඉඳපන්කෝඔත්ත..' මගෙ හිත මටම බනිනවා. මටත් කහනවනෙ ඉතින් සිරාවටම.

"මාව එහෙනම් හදාගන්නවද? "

"මොකක්? "

"මාව ඔය කියනවා වගේ කොල්ලෙක් කරනවද? මම දන්නෙ නෑ මම හැසිරෙන විදිහ ම.. මට තේරෙන්නෙ නෑ ඒක හද - න්න. මම උත්සාහ කරනවා. ඒත් බැහැනෙ.. ඉතින් ඔයාට පුලුවන් නම් මාව - කොල්ලෙක්..කරන්න..."

"උබට අමු කැවිලද මම කොහොමද උබව කොල්ලෙක් කරන්නෙ? උබම හිතලා එහෙම හැසිරියන්.."

මම පුදුමෙන් වගේ ඌට කියද්දි ඌ සම්පූර්ණයෙන්ම අයිසින් බෑග් එක මේසෙ උඩින් තියලා මං පැත්තට හැරුණා. ඌගෙ ඇස් වලින් පේන්නෙ නෑ ඌ විහිලුවක් කරනවා කියලා. එතකොට ඌ මේ ඇත්තටමද කියන්නෙ?

"මං හැසිරෙන්නම් රශ්‍ර. ඒත් ඔයා කියන.. සමාජේ කියන කොල්ලෝ කරන වැඩ මට කියලා දෙන්න.. මාව වෙනස් කරන්න.. ඔයාට පුලුවන්ද? "

_________________________________