- සියතු පියාපත් - [▪︎COMPLETED▪︎]

40

"පොඩි එකාට කොහොමද මල්ලි? "

බැද්දගානෙ පාක් එකේ පොඩි පාරක ඇවිදන් යන ගමන් මන්සිළු අයියා මගෙන් ඇහුවෙ ඉස්සරහින් සෂේන් අයියා එක්ක යන ඉෂේක්ව ඇස් වලින් පෙන්නලා. ඉෂේක් සෂේන් එක්ක එකතුයි ටිකක් හරි. සමහරවිට සෂේන්ව එයාට දැනෙනවා ඇති. සෂේන් අයියත් ඉෂේක් වගේමයි කියලා හිතෙනවා.

"කලින්ට වඩා හොඳයි අයියෙ. දැන් අඩුම තරමෙ වචනයක් දෙකක් හරි කතා කරනවනෙ. ඩොකා කිව්ව විදිහට මොකක් හරි ෂොක් එකක් ඇවිත් හොඳට ඇඬුවොත් හොඳ වෙයිලු.."

"මං කියන්නද බං එහෙනම්. ඔන්න ඔය විලට අපි මූව තල්ලු කරලා 'හයියෝ අපේ එකා වැටුනා.. ඌ නම් කිඹුලොම කාපිය. නෑ නෑ හයියෝ මූ වැටුනාහ්.. නිවන් සුව බොක්ඛ' කියලා කෑ ගහමු. එතකොට නියම ෂොක් එක. නැද්ද භල්ලො.."

"දෙකේ දෙකේ පොල්ලක් අරන් ඇයි මට මූට ෂොක් වෙන්න එකක් දෙන්න හිතෙන්නෙ. ඊටත් කලින් කියපන් අයියෙ ඇයි අපි හතර දෙනා විතරක් එන්නෙ නැතුව මේ කාපිරියෝ දෙන්නා එක්ක ආවේ කියලා..? "

මම මන්සිළු අයියට කෑ ගැහුවෙ අපිට පිටිපස්සෙන් කරට අතදාන් නූල පස්සෙ එන ඉඳි කටු වගේ ඉන්න අනුල අයියයි විකුම් අයියයි දිහා බලලා. ඇත්තටම ඇයි දෙයියනේ මුන් දෙන්නා අපි එක්ක ආවේ? එනකන් කියන්නෙ කුප්ප කතාමයි.

මගෙ කෑ ගැහිල්ලටම ඉස්සරහින් යන ගමන් හිටිය ඉෂූයි සෂේන් අයියයි නැවතිලා අපි එනකන් හිටියා. මම ඉෂූව ඉණෙන් ලඟට අර ගනිද්දි සෂේන් අයියා මන්සිළු අයියගෙ එහා පැත්තට ගියා. අඩියක් යන්න ඇති ආපහු අනුල අයියා කට ඇරියා.

"පල පල යන්න. යකෝ කපල් වලට විතරද හොඳ පාක් ගානේ එන්න.."

"ඔව් යකුනෙ..!! " මායි මන්සිළු අයියයි දෙන්නම එකට කියද්දි අරුන් දෙන්නගෙ මූණූ දෙක වුනා.

"අඩෝ පොඩි පගයො දෙන්නා මේ දියවන්නාවෙ ඉන්න කිඹුලොම කාපිය. හා කපල් නම් අපිත් කපල් තමා. නැද්ද විකුමා. උබ මට කැමතිද කියපන් වස්තුව...."

අනුල අයියා විකුම් අයියගෙ කම්මුලට අතක් තියන් හෙනම ලව් එකෙන් අහද්දි මගෙ නම් බඩත් එක්ක මොකද්ද වුනා. සැක් මුන් දෙන්නගෙ කිසිම ගැලපීමක් නෑ. හෙණ්ඩුවයි පොල් බෑයයි වගේ.