အပိုင်း (၁၀၈) စပျစ်သီးဝိုင် ပြုလုပ်ခြင်း
"စိတ်မရှိပါနဲ့ညီအကို ဒီအိမ်က နန်ချောင်းရွာက ပိုင်လီတို့အိမ် မဟုတ်ဘူးလားဗျ"
ချောင်ရန်က ဒါကိုကြားတော့ နန်ချောင်းရွာကလူတွေ မဟုတ်လောက်တာကို သတိထားမိသွားခဲဲ့ပြီး...
"ဟုတ်တာက ဟုတ်ပါတယ် ပိုင်လီကို ဘာလုပ်ဖို့လာရှာကျတာလဲ "
ဤအိမ်က ပိုင်လီ၏အိမ် ဟုတ်တယ်ဆိုသောအခါတွင် ထိုလူများက စိတ်သက်သာသွားကျပုံရသည်။ သူတို့ထဲမှ ခုနကမေးခဲ့သည့်လူကပဲ...
"ဒါကဒီလိုပါ နန်ချောင်းရွာကပိုင်လီက ကျွန်တော်တို့ဆီက အိုးတွေမှာထားလို့ပါ အဲတာလာပို့ပေးတာပါ"
တခြားတစ်ယောက်ကလည်း....
"ကျွန်တော်တို့ဆီကလည်း သကြားတွေ မှာထားလို့ပါ ဒီနေ့ အရောက်ပို့ပေးရမယ်ဆိုလို့ လာပို့တာပါ"
ချောင်ရန်သည် ဒါကိုကြားတော့ ပြဿနာတစ်ခုခုမဟုတ်၍ စိတ်အေးသွားသော်လည်း အံသြတော့သွားခဲ့သေးသည်။ ဒီပိုင်လီဆိုတဲ့ကောင်က မနေ့ကမှ စပျစ်သီးတွေကို ဘာလုပ်မယ်ဆိုပြီး ဖွင့်ပြောခဲ့တာပေမယ့် အကုန်လုံးကို ကြိုစီစဥ်ထားခဲ့တာပဲ။ သူကနောက်ဆုံးမှာ သူ့မိသားစုက သဘောတူရမှာ ကြိုသိထားသလိုနဲ့ အိုးတွေနဲ့ သကြားတွေကိုတောင် မှာထားခဲ့တယ်။
သို့သော် ချောင်ရန်က ထိုလူများ၏နောက်တွင် ဘာမှမမြင်၍ ပစ္စည်းများပါလာပြီလားဟု မေးတော့မည့်အချိန်တွင် ပိုင်အိမ်မှလူများလည်း ရောက်လာခဲ့ကျပြီး သူတို့ အချင်းချင်း ပြောဆိုလာကျကာ...
"အဲဒီ အိုးတွေတင်ထားတဲ့လှည်းတွေက ဘာလုပ်တာလဲမသိဘူး"
"အများကြီးပဲ ဒုတိယရဲ့အိမ်ကို လာတာများလား"
ပိုင်မိသားစုက ပိုင်လီပဲဟုထင်သည်မှာ အဓိပ္ပါယ်မရှိတာတော့မဟုတ်ပေ။ ဒီရွာမှာ ပစ္စည်းတွေကို စုပြုံဝယ်နေတာက သူတို့အိမ်က သားတစ်ယောက်ပဲရှိတာလေ။
ဒါတွေကိုကြားမှ ချောင်ရန်သည် ဤပစ္စည်းလာပို့သည့်လူများက လှည်းများကို လမ်းထောင့်အကွယ်တွင်ထားခဲ့မှန်း သဘောပေါက်သွားပြီး အကုန်လုံးအားအိမ်ထဲခေါ်ခဲ့လိုက်တော့၏။
VOUS LISEZ
အမှိုက်ကောင်လေး၏ ပျော်ရွှင်ဖွယ်ဘဝ (Completed) အမွိုက္ေကာင္ေလး၏ ေပ်ာ္႐ႊင္ဖြယ္ဘဝ
Fantasyအမျိုးသားကိုယ်ဝန်ဆောင် "ကော"များပါဝင်သည်။ အမ်ိဳးသားကိုယ္ဝန္ေဆာင္ "ေကာ"မ်ားပါဝင္သည္။
