အမှိုက်ကောင်လေး၏ပျော်ရွှင်ဖွယ်ဘဝ/ အမွိုက္ေကာင္ေလး၏ေပ်ာ္႐ႊင္ဖြယ္ဘဝ

တောဝက်ကြီးများအားရောင်းရန် ဆိပ်ကမ်းမြို့သို့အလည်တစ်ခေါက်-2

အပိုင်း (၇) တောဝက်ကြီးများအားရောင်းရန် ဆိပ်ကမ်းမြို့သို့အလည်တစ်ခေါက်-2

ထိုအချိန်တွင် ပိုင်အိမ်၌နေခဲ့သော ပထမချွေးမနှင့် တတိယချွေးမသည် သတင်းကြားကာ ရောက်လာခဲ့ကျပြီး ပိုင်အမေကအိမ်ထဲရှိသည်ဆိုတာနှင့်ဝင်လာခဲ့ကျ၏။ ပိုင်မိန်လေးက အစကတော့ တခြားရွာသားတွေနည်းတူ တောဝက်အားစပ်စုနေတာပေမယ့် သူမရဲ့ယောင်းမတွေကိုမြင်လိုက်တဲ့အခါ သူမကလည်းအိမ်ထဲလိုက်ဝင်လာခဲ့သည်။

သူမရဲ့ပထမယောင်းမက အပျင်းကြီးပြီးစကားပြောကြမ်းတဲ့မိန်းမမျိုးဖြစ်ပြီး တတိယယောင်းမမှာ ရှောင်ဟန်ကဲ့သို့ ကောတစ်ယောက်ဖြစ်သော်လည်း သူသည်ရှောင်ဟန်နှင့်မတူချေ။ တတိယယောင်းမက မြေခွေးလိုညာဏ်များပြီး သူ့ရဲ့အစဥ်မြဲတွက်ချက်တတ်တဲ့မျက်လုံးတွေက ကျောချမ်းစရာပင်ကောင်း၏။

ပိုင်မိန်က ထိုနှစ်ယောက်နဲ့သိပ်မတည့်ဘူး။ ဘာလို့လည်းဆိုတော့ အဲဒီနှစ်ယောက်က သူမရဲ့ဒုတိယအကိုကို အိမ်ကနှင်ထုတ်ဖို့ ဖိအားအပေးဆုံးလူတွေဖြစ်ခဲ့လို့ပဲ။ ပိုင်မိန်က သူမရဲ့ဒုတိယအကိုကိုချစ်တဲ့အတွက် ပိုင်လီကိုအမြဲမကောင်းတာတွေပဲပြောတဲ့ ဒီနှစ်ယောက်ကို မုန်းပါတယ်။

အထဲမှ အမျိုးသမီးကြီးနှစ်ယောက်စကားပြောနေတုန်းမှာ ရှောက်ဟန်က အသေးလေးတွေကိုရင်ခွင်ထဲထည့်ထားပြီး ဘာမှဝင်မပြောပဲတိတ်တိတ်လေးပဲနားထောင်နေတာဖြစ်သည်။ သူ့ခင်ပွန်းရဲ့ငွေတွေကို ယောက္ခမသိမ်းသွားလည်း သူကမကျေမနပ်ဖြစ်မှာမဟုတ်ဘူး။ အဲဒါကသူတို့အတွက်ပဲဆိုတာ သူသိနေလို့ပါပဲ။ အနည်းဆုံးတော့ သူ့မှာ ယောက္ခမကောင်းတွေရှိနေသေးပြီး ယောက္ခမက သူ့ကလေးတွေကိုလည်း ချစ်တယ်လေ။ ပြီးတော့ သူ့ယောက္ခမက တရားမျှတတဲ့လူမျိုးဖြစ်တာကို သူသိထားသည်။

ထိုအချိန် အိမ်ငယ်လေးထဲကို ပိုင်အိမ်ရဲ့တခြားချွေးမတွေဝင်လာပြီး ချွေးမကြီး ကျိုးရှီက...

"အမေ သမီးတို့သတင်းကြားလို့လာခဲ့တာ"

တတိယချွေးမ စုရှီသည် ကျိုးရှီနောက်မှ ပြုံးပြလာပြီး သူ့မျက်လုံးတွေက အိမ်ငယ်လေးထဲဝေ့ဝိုက်သွားပြီးနောက် ရှောင်ဟန်နှင့်ကလေးများအပေါ်ရပ်ကာ အထင်သေးမှုများဖြတ်ပြေးသွား၏။