အမှိုက်ကောင်လေး၏ ပျော်ရွှင်ဖွယ်ဘဝ (Completed) အမွိုက္ေကာင္ေလး၏ ေပ်ာ္႐ႊင္ဖြယ္ဘဝ

အပိုင်း (၁၃၇)

အပိုင်း (၁၃၇) အိမ်အသစ်ဆောက်ခြင်း-2

ဒီနေ့ ရှင်းလုနဲ့ကျူးလင်က အပင်တွေ ရေလောင်းထားတာမလို့ အသေးလေးတွေက ကြက်တွေကိုပဲ အစာကျွေးစရာ လိုတော့ပေသည်။ ဒါပေမယ့် သူတို့လေးတွေက သူတို့ကိုယ်တိုင် စံပါယ်ပင်လေးကို ရေမလောင်းရတဲ့အတွက်တော့ စိတ်မကောင်း ဖြစ်သွားကျပါတယ်။ ဒါကြောင့် ရှင်းလုတို့လည်း နောက်ဆို သခင်ငယ်လေးတွေနဲ့အတူတူမှသာ ဒါတွေကိုလုပ်ဖို့ တွေးလိုက်တော့တယ်။

ကြက်တွေကို အစာကျွေးပြီးတော့လည်း ကြက်ဥများရှိနေ၍ ကောငယ်လေးတွေက ကြက်ဥလေးများကိုကောက်ခဲ့ကျသေးပေသည်။ ရှင်းလုတို့က ဘေးကနေခြင်းတောင်းနဲ့စောင့်နေပြီး သူမတို့သခင်လေးတွေကောက်ထားတဲ့ ကြက်ဥလေးတွေကို ကိုင်ထားပေးခဲ့ကျပါတယ်။

တကယ်တော့ ပိုင်လီနဲ့ရှောင်ဟန်က သူတို့သားလေးတွေက ဒီမိန်းမငယ်လေးတွေကို သဘောမကျမှာ အနည်းငယ်စိုးရိမ်ခဲ့ကျပေမယ့် အခုကြည့်ရသလောက်တော့ အလွန်သဟဇာတဖြစ်နေပုံပါပင်။

နောက်တော့ သူတို့တွေ ရွာအပြင်က မြစ်ဆီကို ငါးဖမ်းဖို့ထွက်လာခဲ့ကျတော့တယ်။

အဲဒီမှာ ပိုင်လီတို့အိမ်က စူးစူးကြီးလည်း ပါဝင်ခဲ့ပြီး အဲဒါက အသေးလေးတွေက ၎င်းကျွဲကြီးကို စီးပြီးသွားချင်နေတယ်ဆိုလို့ပါပဲ။ ဒီကျွဲက ပိုင်လီပထမဆုံးဝယ်ထားတဲ့ ကျွဲဖြစ်ပြီး ကျွဲအိမ်ဆောက်အပြီးမှာ အဲဒီမှာ ပေါင်းထားချင်ခဲ့ပေမယ့် ရှောင်ဝူက ကန့်ကွက်တာကြောင့် ပိုင်လီက ဒီတစ်ကောင်ကိုတော့ သူ့အိမ်မှာ ထားထားခဲ့ရတယ်လေ။

ကောသေးသေးလေးတွေက ကျွဲပေါ်မှာ ပျော်ရွှင်နေကျပြီး ပိုင်လီက ကျွဲကိုထိန်းကာ ၎င်းတို့အား မြစ်စီကို ခေါ်သွားခဲ့လိုက်သည်။ နောက်မှာတော့ ဝါးခြင်းတောင်းကိုလွယ်ပြီး လိုက်လာတဲ့ ကျူးလင်နဲ့ ဖုပင်း ရှိနေခဲ့ပါတယ်။ ဖုပင်းက ပိုင်လီဝယ်လာတဲ့ အဲဒီမသန်စွမ်း ကတုံးလေးပါပဲ။

ဖုပင်းကိုခေါ်လာတာက ငါးကူကောက်ခိုင်းဖို့ ဆိုပေမယ့် ကျူးလင်ကိုခေါ်လာတာကတော့ ရွာရဲ့အခြေနေတွေနဲ့ အလျှင်မြန် အသားကျသွားစေချင်လို့ပင်ဖြစ်သည်။ တကယ်တော့ပိုင်လီက ရှင်းလုကိုရော ခေါ်လာချင်တာပေမယ့် သူ့ဇနီးလေးကို ကျားယန်နဲ့ထားခဲ့ရမှာ အနည်းစိတ်မချဖြစ်နေလို့ ရှင်းလုကိုပါ ထားခဲ့လိုက်တာပင်။