အမှိုက်ကောင်လေး၏ပျော်ရွှင်ဖွယ်ဘဝ/ အမွိုက္ေကာင္ေလး၏ေပ်ာ္႐ႊင္ဖြယ္ဘဝ

ကျိုးရှီ၏အလိမ်ညာပြဇာတ်

အပိုင်း (၇၂) ကျိုးရှီ၏အလိမ်ညာပြဇာတ်

နောက်တော့ ပိုင်လီက ပိုင်စန်းအား ....

"တတိယ အကြီးဆုံးမရီးနဲ့ မင်းရဲ့ဇနီးကို သွားခေါ်လာခဲ့ ငါ့မှာသူမတို့ကိုမေးစရာတွေရှိပြှး တကယ်လို့မလာရင် ငါက ရုံးတော်ကိုတိုက်ရိုက်သွားမယ်လို့ပြောလိုက်ပါ"

ပိုင်စန်းသည် ဒါကိုကြားတော့ ဘာကြောင့် သူ့ရဲ့ဒုတိယအကိုက သူ့ဇနီးကိုရော ခေါ်ခိုင်းနေရသလဲဆိုတာကိုနားမလည်ပေ။ ဟုတ်ပါတယ် ပိုင်စန်းကနည်းနည်းတုံးတယ်။ ဒါပေမယ့် သူက သူမိသားစုရဲ့စကားကိုနားထောင်တဲ့လူဖြစ်ပြီး ပိုင်လီစကားဆုံးတာနဲ့ ပိုင်အိမ်ကို တဖန်ပြန်ပြေးသွားပြန်သည်။

ပိုင်လီက ကိုယ်ဝန်သည်တွေကို မညှာတာတော့မဟုတ်ပါဘူး။ ဒါပေမယ့် သူ့အိမ်မှာ သူ့မိဘတွေရောရောက်နေပြီဖြစ်ပြီး သူမတို့ကိုစကားပြောဖို့အတွက် သူတို့ကပြန်သွားတွေ့ရမှာက ရယ်စရာကောင်းတယ်လေ။ ထပ်ပြီး သူမတို့က အပြစ်လုပ်ထားတာဖြစ်ပြီး သူမတို့ရဲ့ကိုယ်ဝန်တွေကလည်း မွေးခါနီးအခြေနေမှာမဟုတ်ဘဲ ရွာချင်းခြားတဲ့ သူတို့ရဲ့ဇာတိရွာကိုတောင်ပြန်နိုင်သေးတာ တစ်ရွာထဲမှာရှိတဲ့ သူ့အိမ်ကို မလာနိုင်လောက်တဲ့ထိ အခြေနေဆိုးမယ်လို့တော့ သူတော့မထင်ပါဘူး။

ပိုင်ကျန်းနှင့် ပိုင်မိသားစုသည် ပိုင်လီထံမှ ရုံးတော်ဟူသည့်စကားကို ကြားလိုက်ချိန်တွင် အနည်းငယ်လန့်သွားကျသော်လည်း ဘာမှတော့ ဝင်မပြောခဲ့ကျပေ။ ရှောင်အိမ်ကိုဖြေရှင်းတုန်းက ပိုင်လီဘယ်လိုကိုင်တွယ်ခဲ့လဲဆိုတာကို သူတို့တွေ့ပြီးသားမလို့ သူတို့က ဒီပြဿနာကိုလည်း ပိုင်လီဘာသာ ကိုင်တွယ်ဖို့ ခွင့်ပြုထားလိုက်ကျတော့သည်။

ထိုအချိန် အိမ်ရှေ့ကစားပွဲမှာ ပိုင်မိသားစုကလူတွေစုနေပြီး တစ်ခုခုဖြစ်နေပုံရတာမလို့ ရှောင်ဟန်ကတည်သီးပင်အောက်ကနေထလာပြီး ပိုင်မိန်ကလည်းအသေးလေးတွေနှင့်အတူ အနားရောက်လို့လာခဲ့၏။

လူကြီးတွေအနားရောက်ချိန်မှာ အသေးလေးတွေက ပိုင်လီဆီမှာ ကပ်တွယ်ချင်နေကျပြီး ပိုင်ရှောင်ဖူက ပိုင်လီရဲ့လက်မောင်းပေါ်ရောက်တဲ့ထိ တွယ်တတ်လာကာ ပိုင်ရှောင်ဝူလေးကတော့ အပေါ်ရောက်ဖို့မကြိုးစားဘဲ ပိုင်လီ၏ခြေထောက်ကိုသာ ပြုံးပြုံးကြီးဖက်လို့ထားခဲ့သည်။ ပိုင်လီက သူ့ရဲ့သားလေးတွေက ခိုအားလားလေးတွေလို သူ့ကိုတွယ်ကပ်နေတာမျိုးကို သဘောကျပေမယ့် ကျိုးရှီ၏ရဲ့ပါးစပ်က ဆိုးတာကိုသတိရသွားတော့ ဒီနေ့ သူ့သားတွေကို လူကြီးတွေစကားများနေမည့်မြင်ကွင်းကို မမြင်တွေ့စေလိုချင်ပေ။ ဒါကြောင့် သူက စဥ်းစားလိုက်ပြီး...