အမှိုက်ကောင်လေး၏ပျော်ရွှင်ဖွယ်ဘဝ/ အမွိုက္ေကာင္ေလး၏ေပ်ာ္႐ႊင္ဖြယ္ဘဝ

ရှောင်ဟန်ကဆံထိုးလေးကိုဖွတ်ထားတယ်

အပိုင်း (၂၈) ရှောင်ဟန်ကဆံထိုးလေးကိုဖွတ်ထားတယ်

တရားသူကြီးက ရှောင်အိမ်က ပစ္စည်းတွေကိုပြန်ပေးရမယ့်အကြောင်း ထည့်မပြောသွားခဲ့သော်လည်း ရှောင်အိမ်နှင့်ပတ်သတ်ပြီး ရွာအကြီးကဲကျန်းကိုစီရင်ခွင့်ပေးထားသဖြင့် ပြောစရာမလိုတော့၍သာဖြစ်သည်။ အကြီးကျန်းကလည်း ပိုင်လီထံမှ ရှောင်မိသားစုယူထားသမျှကိုပြန်တောင်းပေးမှာဖြစ်ပြီး သုံးထား၍လျော့နေတာမျိုးရှိပါက တန်ဖိုးအတိုင်းပြန်လျော်ခိုင်းမှာပင်။

သူတို့သည် ရှောင်မိသားစု၏အော်သံများကိုကြားနေရသော်လည်း ရိုက်နှက်ခံရသည်အား သွားကြည့်ချင်စိတ်ရှိမနေပေ။ သူတို့တွေ မနေ့ညကအိပ်ရေးပျက်ခဲ့ပြီး ရွာကိုပြန်တဲ့လမ်းကလည်း ရှည်မှာဖြစ်လို့ ရွာကိုပြန်ကျတော့ဖို့သာ ဆုံးဖြတ်လိုက်ကျကာ ရွာသားများက ရှောင်မိသားစုကို ရွာမှမနှင်ထုတ်နိုင်သည့်အပေါ် စိတ်တိုကျသော်လည်း ဒါကသူတို့ရွာအကြီးကဲ၏ဆုံးဖြတ်ချက်ဖြစ်သောကြောင့် ငြင်းဆန်ခြင်းတော့မရှိခဲ့ပါချေ။

ရှောင်မိသားစုအတွက်ကတော့ သူတို့အပိုင်လှည်းရှိနေစဲဖြစ်တဲ့အတွက် ပြစ်ဒဏ်ခံယူပြီးရင် သူတို့ဘာသာဖြစ်တဲ့နည်းနဲ့ပြန်လာကျပါလိမ့်မယ်။ ရွာသားတွေက ဒါကိုဂရုစိုက်မနေပါဘူး။

ထို့ကြောင့် လှည်းနှစ်စီးသည် ရှောင်အိမ်ကလူများကိုချန်ထားရစ်လျက် နန်ချောင်းရွာလေးသို့ပြန်သွားခဲ့ကျသည်။ သူတို့တွေမြို့လေးသို့အရောက်တွက် ပိုင်လီက အားလုံးကိုကျေးဇူးတင်သည့်အနေဖြင့် ခေါက်ဆွဲဆိုင်တွင် အသားခေါက်ဆွဲများဝယ်ကျွေးခဲ့ပြီး ဒီရွာသားတွေက ငွေပေးရင်လည်းလက်ခံမှာမဟုတ်လို့ သူကဒီလိုနည်းနဲ့ပဲကျေးဇူးကိုပြန်ဆပ်နိုင်ခဲ့ပါတယ်။

အဲဒီနောက် သူတို့တွေရွာပြန်ရောက်ချိန်မှာတော့ ညနေခင်းအချိန်သို့ရောက်တော့မည်ဖြစ်ပြီး ပိုင်လီ၏ခန့်မှန်းချက်အရ ညနေငါးနာရီလောက်ဖြစ်လောက်မည်။ ရွာလေးရဲ့ထုံးစံအတိုင်း တစ်ခုခုဆိုပါက ရွာသားများဝိုင်းအုံလာတတ်သလိုပင် ရွာတွင်ကျန်ခဲ့သူများက ရုံးတော်သို့သွားရောက်သည့်လူများကိုမျှော်နေကျသဖြင့် လှည်းနှစ်စီးရွာလေးထဲပြန်ဝင်လာသည်နှင့် ကျွတ်ကျွတ်ညံကာ လှည်းများနောက်မှလိုက်ပါလာကျ၏။ လှည်းနှစ်စီးက ပိုင်လီ၏အိမ်တွင်ရပ်လိုက်သောအခါ ပိုင်လီအိမ်ဝန်းထဲ၌ ချက်ခြင်းပင်လူများပြည့်နှက်လို့သွားခဲ့တော့သည်။