အမှိုက်ကောင်လေး၏ပျော်ရွှင်ဖွယ်ဘဝ/ အမွိုက္ေကာင္ေလး၏ေပ်ာ္႐ႊင္ဖြယ္ဘဝ

တောဝက်ကြီးများအားရောင်းရန် ဆိပ်ကမ်းမြို့သို့အလည်တစ်ခေါက်-3

အပိုင်း (၈) တောဝက်ကြီးများအားရောင်းရန် ဆိပ်ကမ်းမြို့သို့အလည်တစ်ခေါက်-3

တောဝက်များရွာမှထွက်သွားပြီနောက်တွင် အလုပ်များနေသော ရွာသားများမှာလဲ အလျိုလျိုပြန်သွားကျပြီး အလွန်စပ်စုချင်သောလူများကသာ ပိုင်လီအိမ်၌နေရစ်ခဲ့ကျသည်။ ထိုလူများသည် မိန်းမများနှင့် ကောများသာလည်းဖြစ်၏။

ထို့ကြောင့် အသက်ကြီးသည့် တုရှီနှင့်မော့ရှီ(ပိုင်အမေ)က မပြန်သေးသည့်လူများကိုကြည့်ပြီး စားပွဲတွင်ထိုင်လိုက်ရသည်။ စားပွဲ၌ ခုံကငါးလုံးပဲရှိကာ တုရှီနှင့်မော့ရှီအပြင် ကိုယ်ဝန်ရှိနေသည့် ကျိုးရှီနှင့်စုရှီကလည်း ဝင်ထိုင်သဖြင့် ခုံတစ်လုံးသာအားတော့သည်။ ထိုခုံမှာနောက်ထပ် ဝင်ထိုင်လိုက်သူကတော့ နောက်ကျမှရောက်လာသည့် ရှောင်အိမ်က ရှောင်ဟန်ရဲ့မိထွေး လဲ့ရှီပါပဲ။

ရှောင်ဟန်က သူ့မိထွေးကိုကြောက်တာကြောင့် ပိုင်အမေ၏နောက်တွင်သာခေါင်းငုံ့၍ တိတ်တဆိတ်ရပ်နေပြီး ရှောင်ဖူနှင့်ရှောင်ဝူသည် မော့ရှီ(ပိုင်အမေ)နှင့် တုရှီတို့၏ရင်ခွင်များထဲ၌ အသီးသီးရောက်နေကျသည်။ ဒီကောသေးသေးလေးတွေကချစ်ဖို့ကောင်းလွန်းလို့ သူတို့ကမလွန်ဆန်နိုင်ဘူး။ အထူးသဖြင့် အိမ်တွင်ကောမရှိသည့် တုရှီကပိုဆိုးသည်။

လဲ့ရှီသည် အစောထဲကသတင်းကြားခဲ့သော်လည်း မယုံသဖြင့်မလာခဲ့ပဲ ပိုင်လီအိမ်ကပြန်လာသည့်လူများက အထပ်ထပ်ပြောနေမှယုံကြည်သွားကာ ရောက်လာသော်လည်း တောဝက်များကရွာကထွက်သွားဖြစ်၍ စိတ်ပျက်သွား၏။ လဲ့ရှီကလည်း တောဝက်တွေကိုလိုချင်တယ်။ သူမက ဖြစ်နိုင်ရင်ဆိပ်ကမ်းမြို့ထိလိုက်သွားပြီး တောဝက်တွေကိုတောင်းလိုက်ချင်းသေးတယ်။ ဒါပေမယ့် ရွာအကြီးကဲလည်း အဲဒီမှာရှိနေမယ့်အကြောင်းတွေးမိလို့ ဒီအကြံကို အကောင်ထည်မဖော်တော့ဘူး။

အဲဒီအစား ပိုင်လီရွာပြန်လာရင်သာ ငွေတောင်းဖို့နည်းမျိုးစုံနဲ့စဥ်းစားနေပေသည်။

မော့ရှီ(ပိုင်အမေ)က လဲ့ရှီကိုမကြည်ဘူး။ ဘယ်ကြည်မှာလဲ လဲ့ရှီက ရှောင်ဟန်အတွက် ငွေချောင်းတစ်ရာတောင်းခဲ့တယ်လေ။ တကယ်လို့ငွေချောင်းတစ်ရာမပေးရင် ရှောင်ဟန်ကိုစော်ကားလို့ ပိုင်လီကို ရုံးကိုတိုင်မယ်လို့ခြိမ်းခြောက်ခဲ့တယ်။ အဲဒါကြောင့်သာ ပိုင်အိမ်က ပိုင်ဝူရဲ့ကျောင်းစရိတ်အတွက် ခြစ်ကုပ်စုဆောင်းထားရတဲ့ ငွေချောင်းတစ်ရာကို ထုတ်ပေးခဲ့ရတာပေါ့။ နောက်တော့ ညာဏ်ကောင်းတဲ့ပိုင်ဝူက ကျောင်းထွက်လိုက်ရတော့တယ်။