🖤
၁၀ နှစ်ခန့်ကြာပြီးနောက်>>
" ဘွန်စိုင်းတွေကို ချစ်လား Mine "
အညိုရောင်မြေဆွေးညစ်ညစ်တွေရှိနေတဲ့ စတုရန်းပုံစံအကြည်ရောင်ကန်သေးသေးလေးထဲက အစိမ်းရောင်ဘွန်စိုင်းပင်ငယ်ကို လက်ချောင်းတွေနဲ့အသာအယာတို့ထိရင်းမေးလာတဲ့စကားကြောင့် သျှန့်ရဲ့ကျောပြင်ကိုဖက်တွယ်ထားတဲ့မိုင်းမှာ နှာခေါင်းလေးရှုံ့ရင်း
" ဟင့်အင်း ပန်းမပွင့်တဲ့အပင်တွေကို မချစ်ဘူး"
" ဘာလို့လဲ "
" ဒီအတိုင်း ပန်းမပွင့််လို့လေ "
" ဒါဆို အချိုတွေကို ကြိုက်တာကရော"
" ချိုလို့ပေါ့။ ဒီကောင်လောက် အခါးကိုမုန်းတာ သိရဲ့သားနဲ့ ဘာလို့အထူးအဆန်းလုပ်ပြီးမေးနေတာလဲ ကိုကိုရာ"
သျှန့်ရဲ့ကျောပြင်နဲ့ ပူးကပ်နေတဲ့ မိုင်းရဲ့နှုတ်ခမ်းလေးဟာ စုချွန်သွားကာ ပြန်ဖြေလာသံက ခပ်ဆောင့်ဆောင့်။
သို့ပေမဲ့ နုနယ်သွယ်လျပြီးဖြူဖွေးနေတဲ့လက်တစ်စုံကတော့ သျှန့်ရဲ့ခါးကျစ်ကျစ်အပေါ်မှာပဲ ဆက်၍ရှိနေသေးဆဲ။
"လက်စသတ်တော့ Mineရဲ့ အကြိုက်တွေဖြစ်ဖို့အတွက်က သင့်တော်တဲ့အကြောင်းပြချက်တစ်ခုရှိနေမှ ရမယ်ထင်တယ် "
" ဟမ် ဘာကိုပြောနေတာလဲ "
" ကိုယ့်ကိုရော "
" ဟင် "
" Mine က ဘာလို့ချစ်တာလဲ "
" ဘာ! "
မိုင်းရဲ့အော်သံဟာ အနည်းငယ်ကျယ်လောင်သွား၏။
ရင်ထဲမှာလည်း ထူးထူးဆန်းဆန်းမေးလာတဲ့သျှန့်ကို နားမလည်မိ။
အရာဝတ္ထု ၊ပစ္စည်း၊တိရစ္ဆာန်နဲ့ အခြားသောဖြစ်တည်မှုတွေကို သဘောကျရာမှာ အကြောင်းပြချက်ဆိုတာ မရှိမဖြစ်လိုအပ်တဲ့အရာလား?
တကယ်လို့ လိုအပ်ခဲ့ရင်တောင် အဲဒီ့လိုအပ်ချက်ကရော တစ်စုံတစ်ယောက်ကို သဘောကျတဲ့ခံစားချက်အပေါ်မှာပါ သက်ရောက်နိုင်သလား?
အလုံးစုံနားမလည်ပေမဲ့ မိုင်း နည်းနည်းတော့စိတ်မကောင်းဖြစ်သွားရ၏။
မဟုတ်မှ..
သျှန်က သူ့အပေါ်ချစ်တဲ့ မိုင်းရဲ့အချစ်ကို အကြောင်းပြချက်တစ်ခုကြောင့်ဆိုပြီး ထင်နေတာများလား?
YOU ARE READING
Black Heart [ အနက်ရောင်နှလုံးသား🖤] [ Completed]
Romanceနှလုံးသား အနီရောင်မဟုတ်တဲ့ နှလုံးသား အမုန်းတရားတွေနဲ့ နှလုံးသား သူတို့ခေါ်တာက အနက်ရောင်နှလုံးသားတဲ့လေ🖤 Uke strong/ Marriagelife / Mature on/ rebirth Start date>>> 8.3.2023(Wed) End date >>>> 18.1.2024 pic from pinterest
![Black Heart [ အနက်ရောင်နှလုံးသား🖤] [ Completed]](https://img.wattpad.com/cover/336360517-64-k233501.jpg)