🖤
ဖြန်း!!
" မိုင်း....!!!! မင်း....!!! "
သျှန် ခန္ဓာကိုယ်တစ်ခုလုံးဆတ်ခနဲတုန်ယင်သွားတဲ့အထိ လန့်ဖြန့်သွားကာ တဒင်္ဂဆွံ့အသွားခဲ့သည် ။ အကြောင်းကတော့ ခုံပေါ်ပက်လက်လန်ကျသွားတဲ့သူ့ရဲ့ရှေ့ကနေကြားဝင်ပိတ်ရပ်ပြီး မိုင်းအား စူးစူးဝါးဝါးအော်ဟစ်ပစ်ရင်း ရိုက်လိုက်တဲ့မေမေလေးကြောင့်ဖြစ်၏။ ပြီးတော့ သျှန့်ရင်တစ်ခုလုံးကိုတုန်လှုပ်သွားစေတဲ့ မိုင်းရဲ့ပါးဖြူဖြူလေးပေါ်ကနီစပ်စပ်လက်ဝါးရာကြီး။
" ရိုက်တယ် ။ အဟက်!...အမေက ကျွန်တော့်ကို ၊ တစ်ခါမှလက်တောင်မရွယ်ခဲ့ဖူးတဲ့အမေက အခု သားအရင်းဖြစ်တဲ့ဒီကောင့်ကို ရိုက်...ရိုက်တယ်...ဟုတ်လား! "
" အေး ရိုက်တယ် ဘာဖြစ်လဲ! မင်း ဒီလောက်ရိုင်းနေရအောင် ငါကမဆုံးမခဲ့လို့လား ဟမ်! မင်းက မိမဆုံးမဖမဆုံးမသားလားလို့ မိုင်းရဲ့!! "
" အမေ့!!! "
စူးခနဲထွက်လာတဲ့အသံသေးသေးလေးမှာ တုန်ခါသံတွေပါနေတော့ သျှန်မနေနိုင်တော့ဘဲ လဲနေရာမှကုန်းထကာ မေမေလေးရဲ့လက်ကိုဆွဲကာတားမိတော့၏။
" သား ဘာမှမဖြစ်ပါဘူး မေမေလေးရဲ့။ Mineကို...."
" မင်း စောက်ပေါက်ပိတ်ထား! "
ဖြန်း!! ဖြန်း!!...
" အဲ့ဒါရိုင်းစိုင်းချင်အုံး! "
ဘေးနားမှလေထုအငွေ့အသက်ဟာ ပို၍ပြင်းထန်သွားပြီးနောက် သျှန် မေမေလေးရဲ့လက်ကိုလွှတ်ပြီး အလယ်မှာဝင်ကာ မိုင်းရှေ့ကနေပိတ်ကာထားလိုက်ရင်း
" သား တောင်းပန်ပါတယ် မေမေလေးရယ်။ Mineကိုမရိုက်ပါနဲ့။တကယ်လို့ မေမေလေးရိုက်ချင်သေးတယ်ဆိုရင် Mineအစားသားကိုသာရိုက်လိုက်ပါတော့ဗျာ "
" ဖယ်! ငါနဲ့အမေ့ကြား ဝင်မပါနဲ့! "
" မဆိုးနဲ့Mineရာ ။ ငြိမ်ငြိမ်လေးနေပေးစမ်းပါ Please "
တုန်ခိုက်အက်ကွဲနေတဲ့စကားအဆုံး သျှန့်ရဲ့ကျောပြင်ကို အနောက်မှဆောင့်တွန်းနေတဲ့မိုင်းရဲ့လှုပ်ရှာမှုတွေက တုံ့ခနဲ ။ သျှန့်မှာ မေမေလေးရဲ့ဒေါသတွေပိုဆိုးလာမှာကြောက်၍ အလယ်မှာရပ်နေမိပေမဲ့ စိတ်ထဲမှာတော့ မိုင်းအရမ်းနာသွားမှာပဲဆိုတဲ့အတွေးနှင့် ရင်တစ်ခုလုံးပူလောင်ကာ ငိုချင်လာရ၏။ မေမေလေးကလည်း ယခုထိ သူ့နောက်က မိုင်းကိုသာ ဒေါသတကြီးနှင့်အံကြိတ်ကာကြည့်နေဆဲ။
VOUS LISEZ
Black Heart [ အနက်ရောင်နှလုံးသား🖤] [ Completed]
Roman d'amourနှလုံးသား အနီရောင်မဟုတ်တဲ့ နှလုံးသား အမုန်းတရားတွေနဲ့ နှလုံးသား သူတို့ခေါ်တာက အနက်ရောင်နှလုံးသားတဲ့လေ🖤 Uke strong/ Marriagelife / Mature on/ rebirth Start date>>> 8.3.2023(Wed) End date >>>> 18.1.2024 pic from pinterest
![Black Heart [ အနက်ရောင်နှလုံးသား🖤] [ Completed]](https://img.wattpad.com/cover/336360517-64-k233501.jpg)