🖤
ဘုတ်!
" ဒီမှာ သားကြည့်ချင်တဲ့ဆေးမှတ်တမ်းတွေပဲ မိုင်း။ သျှန်ကတော့ လုံးဝပေးမကြည့်ဖို့ ကတိတွေအထပ်ထပ်တောင်းသွားပေမဲ့ အမေကတော့ဆက်ပြီး မျိုသိပ်မထားနိုင်တော့လို့"
အမေရဲ့စိတ်မသက်မသာအပြောနဲ့အတူ စားပွဲပေါ်ကျလာတဲ့ ဆေးမှတ်တမ်းတွေကိုကြည့်ရင်း မိုင်းရဲ့နှလုံးသားနေရာက ပြင်းထန်တဲ့ဝေဒနာတစ်ရပ်ကို ခံစားလိုက်ရသည်။ ဝေဒနာဟာပြင်းလွန်း၍ သူ့နှလုံးသားတစ်ခုလုံး ပဲ့ကြွေသွားမတတ် နာကျင်နေရ၏။
" တကယ်ပဲ....အဲဒီ့ကောင်ကတော့...အဟက်!.."
မှုန်ဝါးဝါးမြင်နေရတဲ့ဆေးမှတ်တမ်းစာရွက်တွေကို တို့ထိကြည့်ဖို့သတ္တိ သူ့တွင်လုံးဝမရှိခဲ့။ ထို့ကြောင့် ခပ်ဝေးဝေးကသာငေးရင်း ခြောက်ကပ်ကပ်ရယ်ရုံသာ တတ်နိုင်ခဲ့သည်။ ရုတ်တရက်လှစ်ဟာသွားတဲ့ခံစားချက်နောက်မှာ လုံခြုံခြင်းတွေလည်း မရှိတော့သလိုမျိုး။ ကမ္ဘာဟာ မိုင်းနဲ့လည်းမသက်ဆိုင်တော့သလိုမျိူး။
နှလုံးသားထဲကို စတင်ဝင်ရောက်လာတဲ့ နောင်တမုန်တိုင်းဟာ မိုင်းရဲ့မေ့လျော့နေခဲ့တဲ့ ချစ်ခြင်းမေတ္တာကို တဖြည်းဖြည်းပုံဖော်ပေးရင်း အမြင်အာရုံတစ်ခုလုံးကို ဝေဝါးဖို့လှုံ့ဆော်နေတော့သည်။
" ယုံပြီလား မိုင်း "
ခပ်လေးလေးထွက်ပေါ်လာတဲ့အသံလေး။
မိုင်း စကားကိုနားမလည်သလိုမျိုးတုံ့ပြန်ရင်း ခေါင်းမော့ကာရင်ဆိုင်မိတော့ သူ့အား နွမ်းလျလျငေးကြည့်နေတဲ့ အမေ့ကို နာကျင်စွာတွေ့လိုက်ရ၏။
" အမေက မင်းကို သျှန့်ထက်ပိုချစ်ခဲ့တာမျိုးမဟုတ်ဘူးဆိုတာ..."
" ယုံ..ယုံပါပြီ အမေ "
ဝန်ခံသံတို့မှာ အားအင်တို့မရှိ။
ထပ်ပြီးတော့ မျှော်လင့်ချက်မဲ့စွာ ရေရွတ်လိုက်မိတာဟာ
" ကျွန်တော် မှားခဲ့ပြီထင်တယ် "
အဖြူရောင်စာရွက်တွေကို ကိုင်မကြည့်ရပါဘဲ ခန္ဓာကိုယ်တစ်ခုလုံးမှာ ပြည့်လျှံလာတဲ့ပူလောင်ဆို့နင့်ခြင်းတွေဟာ တကယ်ကို နောင်တတရားပဲထင်ပါရဲ့။
တကယ်ပါပဲ! သူဟာ လောကကြီးရဲ့အလှပဆုံးနဲ့အကောင်းမွန်ဆုံးဖြစ်တဲ့ နှလုံးသားတစ်စုံကို ဖျက်ဆီးမိခဲ့လေပြီ။
YOU ARE READING
Black Heart [ အနက်ရောင်နှလုံးသား🖤] [ Completed]
Romanceနှလုံးသား အနီရောင်မဟုတ်တဲ့ နှလုံးသား အမုန်းတရားတွေနဲ့ နှလုံးသား သူတို့ခေါ်တာက အနက်ရောင်နှလုံးသားတဲ့လေ🖤 Uke strong/ Marriagelife / Mature on/ rebirth Start date>>> 8.3.2023(Wed) End date >>>> 18.1.2024 pic from pinterest
![Black Heart [ အနက်ရောင်နှလုံးသား🖤] [ Completed]](https://img.wattpad.com/cover/336360517-64-k233501.jpg)