🖤
" Mine ရေ!! ကိုယ့်ဆီကို ပြန်လာခဲ့ပေးပါကွာ!! "
ဝိညာဉ်တစ်ကောင်လို ခရမ်းရောင်တွေပဲပိတ်လွှမ်းထားတဲ့ဧရိယာတစ်ခုထဲ နစ်မြုပ်နေစဥ်မှာပဲ ကြားလိုက်ရတဲ့ဆွေးမြေ့မြေ့အော်ဟစ်ငိုကြွေးသံလေး ။ ရုတ်တရက် တောင့်မတ်သွားတဲ့ကျောပြင်နဲ့အတူ ဘယ်ဘက်ရင်အုံတစ်ဝိုက်မှာ လှိုက်ခနဲခံစားလိုက်ရ၏။
" Mine ကလေး! "
တဖြည်းဖြည်းအချိန်တွေကြာလာလေ တိုးလျအက်ကွဲလာလေဖြစ်တဲ့ အနှီအသံရဲ့ပိုင်ရှင်အစစ် ရှာဖွေမိတဲ့အခါ ပတ်ဝန်းကျင်မှာခရမ်းရောင်မြူနှင်းတွေပဲ သိပ်သည်းလာသည်။
ဘယ်သူလဲ?
သူ့ကိုခေါ်နေတာ ဘယ်သူများလဲ?
" မဟုတ်မှ ကိုယ့်ရဲ့လူရှုပ်ကလေးက ကိုယ့်ဆီပြန်လာဖို့ လမ်းပျောက်နေတာလား "
ဟင်!
လူရှုပ်ကလေး?
" အချစ်ငယ် ။ မင်းဒီအတိုင်း ကိုယ့်ဝမ်းနည်းမှုတွေကို ဆက်ပြီးလျစ်လျူရှုနေအုံးမယ်ဆိုရင် ကိုယ် ဘယ်လိုများလုပ်ရတော့မလဲ ။ ဟင်...မင်းဆီကိုပဲ လိုက်လာခဲ့ရတော့မလား "
အများကြီးရင်းနှီးနေခဲ့သလိုခံစားရတဲ့ ဩရှနေတဲ့ဂရုဏာသံနူးနူးညံ့ညံ့လေးက ရင်ထဲကနှလုံးသားကို ဆုပ်ဖျစ်လာတဲ့အတိုင်း။
ရင်တစ်ခုလုံး ကြေမွစုတ်ပြတ်သတ်သွားသလိုခံစားလိုက်ရကာ ဒူးတွေပါခွေညွတ်ချင်လာ၏။ အဆုံးမှာတော့ လက်ချောင်းတွေကိုဆန့်ထုတ်ရင်း အားကိုးတကြီးရေရွတ်လိုက်မိတာက
" သျှန်...သျှန်လား "
ထိုအခါ တဒင်္ဂတိတ်ဆိတ်သွားတဲ့ ခရမ်းရောင်လွင်ပြင်ကျယ်။
" ကိုကိုရေ မိုင်း ဒီမှာလို့!! "
အားငယ်ဝမ်းနည်းစိတ်တွေနဲ့ မြူတွေကြားအော်ဟစ်အသံပေးကာ ပြေးလွှားနေမိတာ အရူးလိုမျိုး။
ရှာတွေ့လိုက်ပါ ကိုကို ငါ့ကိုရှာတွေ့လိုက်စမ်းပါ!
စောစောကတင်ကြားနေရတဲ့ခေါ်သံတွေဟာ အခုတော့ ရက်စက်လောက်စွာပဲတိတ်ဆိတ်လို့သာ။
" သျှန်!!! "
" ကိုယ် ဒီမှာပါ အချစ်ငယ်"
ဟင်!
YOU ARE READING
Black Heart [ အနက်ရောင်နှလုံးသား🖤] [ Completed]
Romanceနှလုံးသား အနီရောင်မဟုတ်တဲ့ နှလုံးသား အမုန်းတရားတွေနဲ့ နှလုံးသား သူတို့ခေါ်တာက အနက်ရောင်နှလုံးသားတဲ့လေ🖤 Uke strong/ Marriagelife / Mature on/ rebirth Start date>>> 8.3.2023(Wed) End date >>>> 18.1.2024 pic from pinterest
![Black Heart [ အနက်ရောင်နှလုံးသား🖤] [ Completed]](https://img.wattpad.com/cover/336360517-64-k233501.jpg)