🍂كاتبة :: Samira rd
كانت جالسة على جنب سرير في المصحة الامراض العقلية وبين يديها منديل مبتل بدموعها لي كتساقط من عينها الملتهبتين كالجمر على خدها الوردي لي حرقوه دموعها
بدأت تلقائيا كترسم على تغرها إبتسامة ملي شافت ساعة تشير الى 12 ليلا ناضت من سريرها بلبستها البيضاء وشعرها لي طايح على كتافها ولبسات بانطوفتها وتاجهات الشرجم لي واخا كان دايز ريدو ولكن قدرات تشوف شنو موراه.. بدات كاتبتاسم مرة أخرى وهي كاتشوفو جالس فواحد الكورسي من لكراسة لي كانو فجردة ديال المصحة
..يلاه بغات تدوز ريدو.. باش تطل وتشوف وجهو بوضوح..واخا هي عرفات شكون ولكن توحشات وتوحشات ريحتو..حطات يديها صغييرة باش تدوز ريدو..ولكن مداز بزاف وكان الباب تحل ودخلات طبيبة..لي غير شافتها خرجات تنهيدة وتحركات إتجاهها شداتها من يديها محاولة أنها ترجعها لسرير ديالها ولكن ملي شدات يديها فريدو عرفات ان صعيب تعاملي معاها .
.هي عارفة انها مريضة وشحال وحدة مقدراتش عليها..ولكن هي ماشي وحدة..من الوحدات لي مقدروش عليها..حطات يديها على شعرها..وبذات كدوز على شعرها بحنان ونطقات وهي راسمة إبتسامة صغيرة على تغرها
" علاش نضتي من بلاصتك ،الليل هدا او واجب عليك تنعسي "
كمشات ملامحها وردات على طبيبة لي مخاطباها
" علاش غانعس وهو هادي سيمانة ماجا..وكل الليلة توصل 12 نطل ربما يجي..ومكنلقاهش..واليوم ملي جاا ننعس أنا ياك "
بتاسمات ليها وهي مزال حاطة يديها على شعرها ومسايرها فكلامها
" شكون هدا لي كاتسنايه ،حبيبك "
بتاسمات إبتسامة واسعة وتبعاتها ضحكة بصوت مجهد نوعا ما ونطقات من بعد ماحبسات ضحكاتها ودمعة يتيمة هابطة من عينيها حارقة خدها الوردي
" أه روحي..مات ..كنا مخاصمين وخرج وهو معصب مني او وصلني خبارو انه دار حادت تمنيت كون غير رجع الوقت لور ومنخليهش يخرج ومانعصبوش "
قلبت طبيبة شفايفها بحزن من كلامها نطقت بابتسامة باغا تنسيها مجلساها فوق سرير وعينيها على كرشها لي كبيرة نوعا ما
"ما شاء الله كرشك كبيرة تقولي عندك توام "
حطت يدها على كرشها كدوز عليها فجأة بدات ضرب فيها بقوة نطقت بصوت باكي
"انا مابغيتهمش مابغيت حتى حاجة منو وهو ماكاينش... مابغيتش نكون فبلاصة مافيهاش هو .. بسبابهم انا عصبتو وخرج"
بخوف وبسرعة شدت يدها من على كرشها كتغوت بصوت عالي على صاحبتها بخطوات سريعة كتشوف صاحبتها جات وفيديها لبرا خشاتها ليها فدراعها بشوية بشوية لمريضة بدات تهدن وتقلبو عينيها قادوها فبلاصتها وغطاوها وخرجو غادين فداك لكلوار
أنت تقرأ
لهيب عشقك محرم ( كاملة)
Historical Fiction°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
