لهيب عشقك محرم ( كاملة)

Part 12

كاتبة :: Samira rd

كانت كتشوف فيهم وكيف دايرة علاقتهم مع بعضياتهم.. ماتقولش هاد لوحش هو نفسو لي داير هادشي كامل .. تنهدت وهبطت راسها عمرها حست بالاهتمام من شي واحد ديما معولة على راسها حاضنة راسها ومفرحة راسها ..
جات لخدامة كتعلمهم لغدا واجد هز صقر اروى من عند جوديا وتمشاو ناحية طابلة كانت لام مترأسة طبلة ولادها فجنبها جوديا جنب اسماء وغيث وصقر مقابلين معاها.. كان كل واحد وطبسيلو فيه لماكلة كلهم نزلو راسهم على طابلة كياكلو من غير جوديا لي كتشوف في اروى مامقاداش فجلستها دفعت لكرسي واقفة.. كلهم هزو فيها راسهم تمشات ناحية صقر واقفة امامو

جوديا : [ مدات يديها] عطيها ليا نهزها راك عنكشتيها

تواني وهو متبت عينيه على عينيها لي كيجدبو اي واحد بلونهم عطاها ليها عنقاتها كتبتاسم ورجعت لبلاصتها كتاكل وضحك معاها

غيثة : [ هزت راسها مربعة يديها فوق طبلة نطقت بهدوء] ولدي

هزو كاملين فيهم راسها .. من بينهم جوديا لي كتسنا واحد في دراري يتكلم ليها

صقر : [ التافت ناحيتها نطق بتساءل] نعم الواليدة
غيثة: [ بهدوء نطقت] غادة نرجع نقري فالجامعة
صقر : [ عقد حواجبو باستغراب] ولكن الواليدة علاش باغا تخدمي وكلشي عندك
غيثة :[ نفات براسها ] عارفني ماكنبغيش نبقا جالسة فدار [ شافت فاسماء لي مامسوقاش وكتاكل ] وحتى ختك غادة تقيدها تكمل في نفس لجامعة لي انقري فيها
صقر [ رفع حاجب ونزل حاجب شاف فغيث ورجع شاف في غيثة ] على شحال ناوييين تجلسو
غيثة: [ ابتاسمت ] ديما [ التافتت ناحية جوديا لي كتاكل فهدوء ] جوديا[ هزت جوديا راسها كتسناها تكمل ] كتقراي
جوديا: [ اومات براسها بإيجاب وهي كتشوف في صقر بحقد ] كان ايكون اخر عام ليا فلافاك

كانت غيثة كتحول نضراتها مابين صقر وجوديا كانو عيونهم متبتين على بعضياتهم نضراتهم حادة والحقد باين فيهم.. كانت عارفة واقعة شي حاجة شي لي خلا ولدها يدير هادشي.. هي ماشي مكلخة باش ما تعرفش شنو طاري فغيابها..

غيثة: [تنحنحت التافت ناحيتها صقر نطقت ببرود ] تبعني...

دفعت لكرسي وناضت طالعة فدروج .. حط راسو على جبهتو.. عارف غيثة كيف دايرة.. كيحتارمها بزاف ماكيقدرش يرفع صوتو ولا عينو فيها.. ماكيقولش ليها لا على اي حاجة .. عارف بلي باعت شبابها على قبلهم.. صبرت لاهانة على قبلهم.. كفاش غادي يقدر يهز عينو ولا يهز صوتو عليها وهي كون طلب روحها تعطيها ليه تنهد وتبعها طالع فدروج مشا ديريكت لمكتب ديالو كان عارفها تم حل لباب ودخل لقاها جالسة فوق لفوتاي بخطوات بطيئة تمشا ناحيتها جالس جنبها

غيثة : [ مفيكسية عينيها عليه بهدوء ] علاش خطفتيها [ قاطعاتو هازة صبعها امامو ] ماتكدبش عليا

تنهد صقر وبقا يعاود ليها من اول ما شافتو حتى شنو قرا في لملف وهي كتشوف فيه مصدومة

غيثة : [ بعدم تصديق] كفاش قدرتي دير ليها هكا؟
صقر: [ زير على عينيه بصباع يديه ] لواليدة
غيثة : [ عاقدة حواجبها بغضب نطقت بصوت مرتفع] هادشي علاش ربيتك .. باش تعدب بنات ناس
صقر : [ هز فيها عينو بحقد نطق] هي ماشي بنت ناس
غيثة : [ وقفت كتمشي وتجي كارزة على شعرها بغضب] دازت 23 عام .. 23 عام [ التافتت ليه] حدرتك تبعد منهم وماتقلبش عليها
صقر: [ رجع بضهرو لور نطق باستهزاء] جات برجليها تاحد ما قلب عليها
غيثة: [ حطت يد على جنبها ويد فوق رقبتها ] ماتعصبنيش .. داكشي ماضي انت ماشي سوقك فيه
صقر : [ وقف نطق بصوت مرتفع غاضب] ماشي ماضي..
غيثة [ هزت صبعها امامو بتحدير ناطقة بعصبية] ماترفعش عليا صوتك
صقر: [ تنهد شاد وجهها وسط يدو متبت عينيه عليها نطق ] لواليدة تفكري شنو دار باها لواليد
غيثة :[ حطت يديها على يديه كطبطب عليه ] وشنو دنبها هي؟
صقر :[ بعد عليها عاض على سنانو نضراتو حاقدة]
دنبها هي بنتو
غيثة: [ نطقت بجدية ] انت ماعارف والو [ سكتت تواني مكملة ] وماخاصش تعرف..

تبت عينيه عليها بلاما ينطق خرج ساد وراه لباب.. خلاها جلست على لفوتاي حاطة راسها على يديها كتفكر فهادشي نفات براسها كتفكر فالماضي.. وشنو دوزت تنهدت مرجعة راسها لور بتعب

هابط من دروج وعيونو متبتهم عليها هي لي جالسة كضحك مع اروى .. تمشا بخطوات سريعة ناحيتها واقف امامها

صقر :[ نطق بغضب نطق تحت سنانو] وقفي
جوديا :[ هزت عينيها فيه عاقدة حواجبها باستغراب] شنو؟
صقر: [ مزير عليها من كتفها نطق بصوت مرتفع غاضب حتى بدات تبكي اروى] قلت ليك وقفي
جوديا :[ نترات منو عاقدة حواجبها بعصبية معنقة اروى كتسكتها] خلعتي لبنت [ خنزرت فيه وهبطت راسها عند اروى نطقت بحنان ] صافي اماما ماتخافيش
صقر : [ تقاد فوقفتو نطق بغضب ] اسماء.. هزي اروى

قفزت اسماء بخوف دفعت كرسي بسرعة غادة عند جوديا هازا من عندها اروى بسرعة عقدت جوديا حواجبها وهي كتشوف فيها مبعداها عليها تنهدت بغضب مطلعة راسها في صقر

جوديا: [ وقفت كتشوف فيه بحقد ] شنو.. لاش هاد لغوات ؟ اش واقع؟

هز يدو حتى لسما باغي ينزل عليها لحنك حتى حس بيدو مشدودة التافت لقا غيث كيشوف فيه بنفس نضرات نتر ليه يدو واقف امام جوديا وهي وراه

صقر: [ بنفاد صبر ] غيث حيد من قدامي
غيث: [ رفع حاجب ونزل لاخر نطق بهدوء كيشوف فيها بحدة] ماانخليكش تقرب ليها
صقر : [ نطق بصوت خشن مليئ بالبرود] مزال اطيحي فيدي وماايكونش هو
غيث : بدل ساعة باخرى...يتبع