لهيب عشقك محرم ( كاملة)

Part 60

❤️‍🔥كاتبة :: Samira rd

لن تستطيعي ان تمحي دوري من ذاكرتك "انا بطل الرواية "

الفصل التاني: شفاه ممنوعة

مهاب [ تنهد وعنقها] يتنقص من عمري ويتزاد فعمرك وما نشوفكش شي نهار فشي حالة خايبة

ابتاسمت بحب وغمضت عينيها وهي معنقاه .. تواني قليلة ودخلو سد لبالكو ضلمو لبيت وتوجهو ناحية لفراش ناعسينوهو معنقها وكأنها اتهرب

• اصبحنا واصبح الملك لله

واقفين كاملين امام طموبيل .. جوديا كتومي براسها بإيجاب من توصيات غيثة ليها ولجنين.. سلمو عليهم كاملين غيثة اسماء غيث اروى لي بدات تبكي ومابغاتش تفرق عليها.. وحتى ماماها وباباها لي كانو جاو صباح بكري.. ودعوهم طلعو لطموبيل وكسيراو اتجاه لمطار.. وصلو بلاصا طموبيل نزل ليفاليز وتوجهو داخل لمطار كملو لاجراءات ماتسناوش بزاف وكانو فطيارة.. جوديا جنب سرجم ومهاب جنبها كيشوف فيها بابتسامة كيف فرحانة

جوديا [ عضت على شفايفها وابتسامة ما خطاتش تغرها] انا فرحانة بزااف

مهاب [ بابتسامة هايم فيها] وانا فرحان لفرحك

جوديا [ كتشوف في سرجم وطيارات لي جنبها بابتسامة] حققتي ليا بزاف دالاحلام

مهاب [ باس راسها مبتاسم ] من حد الله زايد ليا فالعمر وانا نحقق ليك احلامك

جوديا [ التافتت ناحيتو متبتة عينيها عليه نطقت بحب] ماما غيثة كانت قالت ليا بلي عندك حلم واحد من صغرك وانا كتمناه .. من غا نرجعو غا نحقو ليك ان شاء الله

كان كيشوف فيها بتساءل عارف حلم لي كان باغيه فصغرو وتمنا يحققو فكبرو.. باغي يتيق انه اخيرا قريب يتحقق وخايف يكون شي حلم اخر عاوداتو ليها غيثة .. قاطع تفكيرو صوت لمضيفة.. قادو حزامهم .  تواني قليلة وبدات تقلع طيارة جوديا كانت لاصقة فشرجم كتشوف كيف طالعين وعيونها موسعاهم بفرحة وقلبها كيفرفر بالفرحة .. دازت تلاتة سوايع وهوما جالسين فطيارة.. جوديا ما حبستش من كل مرة غادة طواليط تقيا داكشي لي كالت.. عيات ووجهها دبل بتعب ..

مهاب كان خايف عليها .. من بعد ما خرجو من لمطار كان طموبيل امام لمطار كتسناهم طلعو وكسيرا مهاب بحكم انه ماشي اول مرة يجي ليها وعارفها مزيان .. داز شوية لوقت وكانو دايزين من وسط طبيعة خضراء .. كان جوديا حالة فمها فهاد كمية لجمال لي كتشوف فيه بلاصا طموبيل حلت لباب بسرعة وهي كتفحص بعينيها لبلااصة فين هي كانت دنيا كاملة خضراء وفيها اشجار ..

ديور على شكل كوخ صغير.. عين دالما نازلة والواد دايز من امام ديور.. عيونها فيهم لقلوبة..

جوديا [ التافتت ناحية مهاب بفرحة نطقت ] سبحان الله هادشي خيالي بحال جنة

سدت لباب توجه ناحيتها مهاب شاد فيدها غادي بيها ناحية واحد من دوك ديور لي كان امامهم لواد دايز .. في شفايفها فقط سبحان الله كمية لجمال لي شافت فديك لمنطقة عمرها شافتها فشي بلاصة .. وقفو امام دار حل مهاب لباب ودخلو .. ابتاسمت وهي كتشوف لكوخ كيف شي لعبة حمقها كان فوتاي واحد فجنب امامو طابلة صغيرة امام لفوتاي بوطاجي صغير فيه اتات.. جنبو كان دروج خشبي كيديو لفوق تحت دروج كان باب ديال لحمام .. طلعت بخطوات سريعة لفوق لقات ناموسية فوق الارض بغطا حريري شرجم على شكل متلت كيطل على ديك طبيعة .. جلست فوق لفراش وهي مبتاسمة.. التافتت ناحية دروج كتشوف مهاب طالع ابتاسم وجلس قفازي امامها