لهيب عشقك محرم ( كاملة)

Part 11

كاتبة :: Samira rd

*اصبحنا واصبح الملك لله

ناعسة ففراشها حالة عينيها كتشوف في سقف ناضت بكري باش تمشي عند اروى ولكن لقات صقر بايت عندها ورجعت.. كان كيبان قدام بنتو انه اروع واحسن اب فاش شافتو ناعس ديك نعسة شكت واش هو لي دار ليها ديك لحالة ومزال كيدير كانت 12 ديال صباح ومشات عند اروى مع 9... خافت تمشي وتلقاه مزال داكشي علاش قررت ماتمشيش دبا كرشها كتغرغر بجوع.. ومافيها لي ينزل تنهدت وتقادات فجلستها كانت لابسة كسوة فالابيض حد ركبتها كانت هاد لمرة سخونة لكسوة قادات شعرها فوق كتافها وناضت خارجة من لبيت .. بخطوات وبطيئة كتمشا ناحية لباب حطت يدها على لمقبض حالاه مدخلة راسها بانت ليها اروى كتنغنغ فوق فراشها وغير بوحدها ابتاسمت وسدت لباب ودخلت

جوديا : [ تمشات ناحيتها واقفة حدا ناموسية محدورة عندها ] صباح الحب صباح زوينات.. [ شدت اروى صبع جوديا ضحكت جوديا وباستها فيدها] هانا على يدين نملة.. اش هاد نشاط فايقة بيه همم

هزتها فيدها حاطاها فوق طابلة لي كيبدلو عليها دراري صغار .. حلت لمجر بانت ليها ليكوش هزتها حاطاها فوق طابلة

جوديا: [ كتحيد في سروال اروى وضحك معاها] انبدلو لكوشة.. ونزلو نفطرو ياك

حيدت ليها ليكوش مسحت ليها وبدلت ليها حوايجها بحوايج سخان .. لاحت لكوشة وهزتها منزلاها.. مشات ديريكت لكوزينة كتشوف في لخدامات كيطيبو جلست فوق لكرسي لي حدا طابلة وفيدها اروى عيطت على وحدة من لبنات لي جات عندها كتجري

جوديا : جيبي ليا لفطور.. وجيبي لاروى بيبغون

اومات لبنت راسها بإيجاب ومشات وقفت اروى على رجليها كتبوس فيها

جوديا [ بابتسامة] انعمرو لكريشة...

جابو ليهم لفطور كتاكل وتشرب لحليب لاروى حتى شبعو وناضو خرجو من لكوزينة .. كتمشا وتهضر مع اروى حتى وقفت عاقدة حواجبها باستغراب وهي كتشوف شي وحدين داخلين مع غيث ماعرفتهمش شكون بخطوات بطيئة توجهت ناحيتهم رافعة حاجبها كانت امرأة مزال كتبان صغيرة في ملامحها صرامة في وجهها.. شعرها اصفر قصير عويناتها فلون اسود بشرتها بيضا كانت كتبان عليها لهيبة .. حداها بنت مزال فالعمر العشرين شعرها اسود حد كتفها .. بشرتها حنطية وعيونها سود كانت كتشبه لصقر .. كتشوفهم جايين ناحيتها بخطوات بطيئة

غيثة :[ رفعت حاجبها كطلع وتنزل فيها نطقت بصوت صارم ] نتي هي جوديا مربية اروى [ اومات جوديا براسها كانت حشمانة منها مدات ليها يديها نطقت ] عطيها ليا

عطاتها ليها عنقاتها غيثة كضحك معاك

غيثة : [ كتبوس فيها] ميمة توحشتيني

باستها وعطاتها ليها التافتت غيثة ناحية غيث غمزاتو وطلعت فدروج.. كتشوف في لبنت لي جات معاها وقفت امامها مادة ليها يدها

اسماء : [ بابتسامة ] انا اسماء . وهاديك ماما
جوديا :[ شافت فيها وفيدها سلمات عليها ونطقت بهدوء] جوديا
اسماء : [ شافت اروى باستها ونطقت كتشوف في جوديا ] تهلاي ليا فيها بزاف

حتى هي تبعات غيثة وطلعت لبيتها شافت في غيث لي كان مفيكسي عينيه على دروج

جوديا: بس بس [ حول عينو ناحيتها أشارت ليه ناحية منين دازو ] شكون هادو
غيث: [ نطق بهدوء ] مامات صقر وختو
جوديا: [ صغرت عينيها كتفكر] ايكونو بحالو
غيث [ سكت تواني ونطق كيتمشا] ماتحفريش ورا ضهرها .. حيت هي كتر منو

ميقت فيه مشا وخلاها واقفة كتشوف فهاد لعائلة لي صلطهم عليها الله

جوديا :[ ميلت راسها لعند اروى نطقت بخفوت] كفاش قادرة تعيشي وسط هاد لعائلة [ بدات ضحك فاش فاش شافت اروى كضحك] كضحكي لمك [ عقدت حواجبها باستغراب] ولكن فين هي ماماك ؟...

دازت ساعة كانت جالسة جوديا في صالون مع اروى حتى كتهز عينيها من صوت لكعب كتشوف غيثة جاية اتجاهها داخلة لصالون جالسة امامها

غيثة: [ طلعتها ونزلتها نطقت رافعة حاجبها] غيث عاود ليا
جوديا :[ عقدت حواجبها باستغراب] شنو عاود ليك؟
غيثة [ حطت رجل على رجل متبتة عينيها عليها بهدوء] بلي ولدي كان خاطفك [ اومات براسها كملث غيثة حديثها] شنو درتي ليه حتى خلاه يخطفك؟
جوديا :[ سكت مدة ونطقت ببرود ] كنضن كون بغاوك تعرفي كان غيث غادي يقول ليك
غيثة : [ هزت كتافها رسمات ابتسامة على شفايفها] كنبغي نعرف راسي.. انا عارفة ولدي فاش كتعگرو شي حاجة كيحيدها من جدر
جوديا: [ نزلت راسها كضحك وعاودت هزاتو فيها ] ولدك فاش كتعگرو شي حاجة كيزيد يحفر فيها.. حتى كتگيح وهو لي كيضرر
غيثة: [ شافت في اروى لي كتلعب في شعرها نطقت مصغرة عينيها] تاق فيك لدرجة خلا بنتو فيدك.. وهو لي ماكيتيق حتى فخيالو
جوديا : [ شافت في اروى مبتاسمة ] انا ماشي اي وحدة ..

داخل من باب لقصر كان باب صالون قريب لباب لقصر .. عقد حواجبو باستغراب غمض عينيه عاض على سنانو كيتمنى داكشي لي سمع مايكونش بصح بان ليه غيث هابط من دروج أشار ليه باش يتبعو لبرا واقف امامو متبت عينيه عليه

صقر: [ بعدم تصديق] ماتقولش ليا جات [ اوما غيث براسو .. ضغط على عينيه بصباعو ] علاش جات ؟
غيث :[ بلل ريقو ونطق] عرفت شنو درتي وجات
صقر :[ نطق تحت سنانو] ماتقدرش دير لجام لفمك
غيث: [ سكت تواني ونطق] ماشي بوحدي لي كاين فجنبك
صقر :[ هز صبعو بتحدير] داكشي لي وقع فديبو يبقا فيه [ تنهد ونطق] عرفتها كاينة
غيث: [ اوما براسو حابس ضحكتو] راها معاها فصالون
صقر [ عض داخل فمو هز يدو كاتم غضبو ] كملات

تنهد بخطوات بطيئة دخل لقصر متاجه لصالون واقف امام لباب كانو كيهضرو وقفو من لكلام .. التافتت غيثة ابتسامتها بدات توساع فاش شافتو بسرعة مشات عنقاتو مزيرة عليه

غيثة: [ بفرحة ] ولدي حبيبي توحشتك
صقر: [ باس على راسها وهو كيشوف في جوديا ] حتى انا الواليدة علاش ماقلتيش ليا بلي راكي غادة تجي
غيثة : [ بابتسامة ] بغيت نخليها ليك مفاجأة

بغا يهضر قاطعو جسم فوق كتافو منقز عرفها هي ابتاسم هز يدها لي مضورة على عنقو باسها

صقر : سلطانة
اسماء :[ وقفت امامو معنقاه ] توحشتك
صقر :[ باس على راسها ] وانا ابنتي توحشتك...يتبع