🍂كاتبة :: Samira rd
ورَأيته فأَورَقت من سُرور القَلب أفنَاني".
الفصل :: 1
نادية: [ بصوت هادئ] واش نتي جديدة لي اتقراي معانا
جوديا: [ التافتت امامها نطقت ببرود] اممم
نادية: [ بابتسامة مدت ليها يدها ] انا نادية ونتي
جوديا: [ التافتت ناحيتها كتشوف فيدها وملامحها بقات تواني وصافحتها حتى هي] جوديا
نادية: [ بابتسامة عفوية] غادي يكونو مشاو عليك بزاف دروس فاش نخرجو قوليها ليا نعطك دفتر
جوديا :[ تنهدت ماعزيزش عليها لهضرة بزاف مع لي ماكتعرفش نطقت بابتسامة صفرا ] شكرا انادية
سكتت فاش دخل لبروفيسور .. هزت جوديا راسها قلبت عينيها بملل فاش شافت مراد لي ابتاسم حتى بانو سنانو فاش شافها وقف لوسط كيشرح دروس مرة مرة كتمشي عينو لجوديا لي كانت قالبة وجهها عاطياه غير ودنها واخا مافهمتش درس مزيان ..
هكاك دازت لحصة صونات ساعة وخرجو خارجة من لونفي وجنبها نادية لي طبخت ليها راسها بالهضرة.. سمعت سميتها والتافتت عاقدة حواجبها.. كتشوف في مراد جاي وابتسامة على وجهو
مراد: [ عينو مفيكسيهم عليها] صدفة زوينة هادي.. بما انك ما حضرتيش لجميع لحصص شنو بان ليك نديرو شي وقيتة نفهمك شنو فاتك
جوديا :[ رفعت حاجبها طلعاتو ونزلاتو بعينيها نطقت ببرود] غير شكرا مامحتاجاش
قبل ما يرد عليها كانت عطاتو بضهر غادة لحصتها تانية .. دوزت جميع لحصص ودروس مافاهماهمش .. وصلت 12 صونات ساعة وكاع طلاب خرجو من بينهم جوديا وجنبها نادية .. 4 سوايع عرفت شخصيتها كيف دايرة.. لي فقلبها على لسانها حمقة وهارب ليها ماكتفكرش فالكلمة جوج مرات قبل ما تقولها ضحوكية بزاف وفيها لهضرة بزاف .. لي شافتو كتنمر عليه ولي ما شافتوش حتى هو كتنمر عليه
نادية: [ كانو هابطيو من دروج لافاك] هاد لعور ديال بروفيسور مراد ماكنحملوش.. كيجيني تقيل على لقلب كيف شي حجرة [ قلبت عينيها بملل مكملة حديثها] مافيه لا زين ولا مجي بكري .. وجهو كيف بطاطا قصبية ونص ديال بنات لكلية كيتعنب عليهم
كيتمشاو ناحية لباب جوديا درتها ودنها بالهضرة والكاسيطة ديال نادية مابغاتش تهدا من لهضرة لدرجة هضرت على گاع لاساتدة وديفوات لي فيهم وقفو امام باب لكلية.. التافتت جوديا ناحية تانية كتشوف في مهاب واقف على طموبيل كيشير عليها بيديه التافتت ناحية نادية لي كانت مخرجة عينيها في مهاب والاعجاب باين على وجهها
نادية :[ عضت على شفايفها وعيونها كيبريو] واو.. واش هدا معاك
جوديا: [ رفعت حاجبها باستغراب من حالتها] اه علاش؟
أنت تقرأ
لهيب عشقك محرم ( كاملة)
Historical Fiction°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
