كاتبة :: Samira rd
فيكسات عينيها امامها بشرود كتفكر فهضرتو وكيفاش معنى يعني هي قدرات تفوت حدودها معاه وهو كيخلصها فاقت من شرودها فاش حست ببلاطو فوق فخاضها هبطت راسها لقات كاس دالعصير طبسيل ديال بيض اومليط طبسيل ديال فواكه مقطعة
جوديا : [ شبه ابتسامة ضهرت على شفايفها نطقت بصوت خافت ] تقتلو لميت وتمشيو فگنازتو
غيث : [ تقاد فوقفتو تنحنح ونطق ] غادي نمشي نجيب ليك دوا كولي ورتاحي حتى نجي
اومات براسها بإيجاب وهي كتاكل .. خرج ساد وراه لباب عينيه مشاو ديريكت لصقر لي واقف بعيد عليه امام لباب كان ديبو كبير فيه بزاف دالبيبان مسدودين من بينهم بيت جوديا.. تمشا ناحيتو وعينيه مصوبين على عينيه لحادة وقف امامو
صقر : [ رفع حاجبو نطق بصوت خشن] شنو قلت لك ؟
غيث : [ تبت عينيه عليه نطق ببرود ] الى كان قلبك ميت فأنا ماشي بحالك
صقر : [ مص شفايفو خاشي يديه فجيابو نطق ببرود ] عارف فاش كنقول لهضرة ماخاصش تعاود جوج مرات
غيث : [ سكت تواني وقف جنبو حاط يدو على كتفو مقرب ليه نطق بهمس] هادشي قولو ليها هي لي صيفطتني عندك
التافت كيشوفو عاطيه بضهرو خارج من داك ديبو.. رجع نضراتو لباب لي فيه جوديا تمشا ناحيتو والحقد بدا يبان في عينيه وقف امام لباب حاط يدو على لمقبض باغي يحل لباب لقاه مسدود
صقر : [ غمض عينيه نطق تحت سنانو بغضب ] غييييث...
دازت ساعة فيها صقر خرج جالس فطموبيلتو .. جوديا من شدة لالم وتعب نعسات .. التافت ناحية زاجة كيشوف في طموبيلة غيث وقفت بسرعة... حل صقر طموبيل نازل منها سادها وراه متكي عليها مربع يديه.. شمس كضرب في عينيه لي لونهم غريب كيخلي اي واحد ينجادب ليهم.. شافو غيث وقلب عينيه بملل متاجه ناحيتو واقف امامو
غيث : [ مد ليه يديه عطاه صاشي لي فيها دوا وساروت وعطاه بلاستيكة كبيرة ] هادو حوايج ليها
صقر : [ عطاه بضهر نطق ببرود ] غيرها مانبقاش نشوفك هنا
غيث : [ بصوت مرتفع باش يسمعو ] ماديرش شي حاجة تندم عليها
صقر : [ ابتاسم شبه ابتسامة ببرود ] صقر ما كايندمش
دخل لداك ديبو خطواتو هوما لي كيتسمعو فداك سقيل توجه ناحية لباب حالو دخل كيشوفها ناعسة ومغطية بديك لمانطة شعرها طايح على بشرتها كان تعب باين على وجهها لي صفر سد لباب وجلس قفازي حداها كيشوف فيها
صقر : [ تحدر كيحيد شعرها على وجهها نطق بصوت خافت هادئ] قلت فضول كيدي مولاه لقبر ونتي لسانك وفعايلك غادي يديك حتى ليه ويرجعك
حيد عليها لمانطة بشوية ولكن حسات بيها وحلت عينيها بسرعة جاو ديريكت فعينيه عقدتهم تقادات فجلستها مضرگة لحمها لي مزال معري
صقر [ ابتاسم باستهزاء كيحل في بوماضة ديال لحروق] كولشي شفتو علاش كتغطيه
قلبت وجهها كتزفر بغيض تعب مزال متمكن منها اما تعطيه علاش يقلب جبد بوماضة لحريق من بلاستيكة حالها .. جر لمانطة بجهد لايحها بانت كاملة معرية
أنت تقرأ
لهيب عشقك محرم ( كاملة)
Historical Fiction°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
