لهيب عشقك محرم ( كاملة)

Part 50

❤️‍🔥كاتبة :: Samira rd

لن تستطيعي ان تمحي دوري من ذاكرتك "انا بطل الرواية "

الفصل التاني: شفاه ممنوعة

شاف فيها غيث وتنهد عارف ماايقدرش يقنعها مشا غيث وفجنبو غيثة واسماء خارجين .. مزال واقفة امام زاجة كتشوف فيه .. التافت ببطء متبت عينيه عليها .. تواني وقلب وجهو ببرود ..

التافتت فاش شافت لفرملية داخلة وفيدها معدات رفعت حاجبها وهي كتشوفها سادة لباب توجهات ناحية مهاب كضحك وتهضر .. كتشوف غير شفايفها لي كيتحركو اما مهاب كان مبتاسم ليها.. رفعت حاجبها وتوجهت ناحية لباب حاطة يدها على لمقبض حالاه بقوة

جوديا [ رفعت حاجبها كطلع وتنزل فيها] شنو كديري نتي ؟

روميساء [ طلعتها ونزلتها نطقت ] نتي شنو لي كديري هنا ؟ وقت زيارة سالا حتى لغدا

جوديا [ كتشوف فيها حطت يدها على يد مهاب باغا تبدل ليه لفاصمة] رصاي وخرجي انا غادي نبدلها ليه

ماداتهاش فيها روميساء .. حطت يدها لفاصمة كتحيدها.. حتى حست بمعصمها مزيرة عليه جوديا .. التافتت ناحيتها كتشوف في جوديا عيونها حمرين كتشوف فيها بنضرات حادة

جوديا [ زيرت على معصمها] جوديا كتهضر خاص كلامها يتنفد خرجي عليا من هنا 

ميقت روميساء في جوديا خنزرت فيها جوديا وخرجت سدت وراها لباب .. التافتت ناحية مهاب لي كان مبرد وگعما مسوق

جوديا [ رفعت حاجبها بغضب ] شنو حيت مريض دير مابغيتي وضحك مع من بغيتي

رفع حاجبو مستغرب من تصرفها ماباغيش يهضر ولا ينطق بشي كلمة معاها.. خنزرت فيه حطت يدها على لفاصمة محيداها كتبان يدو كاملة مجروحة .. عضت على شفايفها مبورشة .. كتداويها وتصايب ليه لفاصمة

مهاب [ شاف فيدو وشاف فجوديا لي كتشوف فيه بابتسامة ] فين سلمى ؟

جوديا [ عضت على شفايفها مبتاسمة ابتاسمة صفرا حطت يدها على يدو لي ضاراه ] اتعاود تنطق سميتها اتشوف شي حاجة ما اتعجبكش

مهاب [ قلب وجهو من عليها نطق ببرود ] الى ساليتي خرجي

اومات راسها بإيجاب .. تفحصت بعينيها لبيت مابان ليها والو .. وخرجت تنهد براحة انه خرجت وماتبقاش مبرزطاه .. حتى دخلت من لباب ووراها فرملي هاز فوتاي صغير

جوديا [ أشارت جنب مهاب مبتاسمة] صافي غير هنا شكرا ..

خرج لفرملي ساد لباب .. اما هي جلست فوق لفوتاي حاطة رجل فوق رجل مبتاسمة ليه ..

مهاب [ عقد حواجبو باستغراب] شنو كديري؟

جوديا [ غمزاتو مبتاسمة] حاضية رزقي

زاد عقد حواجبو كتب مافهمش شنو بغات تقصد .. حس براسو بدا يعيا قلب وجهو جهة تانية مغمض عينيه داياه عينو