🍂كاتبة :: Samira rd
مهاب: [ بانتصار] اخيرا طاحت فيدي [ دوز لسانو على سنانو وهو كيضحك بخبث] انشوفو هاد ماسة الامل اشمن لعنة اتصيبني بيها [ نطق كيضحك باستهزاء] متيق هاد تخاريف ؟ [ سكت للحظة ونطق]تهلا حتى ندوز
قطع تيليفون ومزال عينو على ماسة دوز اطراف صباعو عليها وهو مبتاسم
مهاب :[ سد بواطة ونطق] ماكاينش لي يحيدك من يدي
بخطوات بطيئة تمشا ناحية لخزانة لي كانت فلون اسود لاصقة فالحيط .. حلها حط فيها لبواطة وسدها هو مامحتاجش يسد عليها بي 20 قفل عارف بلي قصرو تحت لحماية وماكاينش لي يقرب ليه
.. كانت كتصنط سمعت صوت حداءو بسرعة حلت لباب لي حداها داخلة ليه .. كانت كتمسع صوت سوارت في باب لمكتب عرفاتو سد لمكتب بقات تسنا تواني حتى اختفى صوت وعرفت بلي مشا.. حلت باب بشوية مخرجة راسها خرجت وسدت لباب كتشوف امامها رافعة حاجبها
جوديا: [ بتساءل ] شنو هي ماسة الامل .. وعلاش كان كيهضر عليها هكا..
بقات تواني واقفة تم.. شافت في باب لمكتب والتافتت خارجة من داك لكلوار .. طالعة دروج
**:هيهو
عقدت حواجبها باستغراب التافتت ناحية صوت كتشوف في اسماء جالسة فوق لفوتاي حاطة رجل فوق رجل بتكبر التافتت جوديا يمين ويسار حطت يدها على صدرها كتعني واش هي اومات اسماء راسها بإيجاب.. تمشات ناحيتها جوديا جالسة فوق لفوتاي امامها وعيونها مفيكسياهم عليها
جوديا: [ رافعة حاجبها نطقت ببرود] شنو بغيتيني ؟
اسماء :[ رافعة حاجبها مربعة يديها كتشوف فيها بحقد] شنو بغيتي نتي من خويا ؟
جوديا: [ عقدت حواجبها باستغراب] مافهمتش؟
اسماء: [ عضت على سنانها ناطقة بغل] بلاما ديري فيها مكلخة انا عارفة لي بحالك شنو باغين؟
جوديا :[ رجعت ضهرها بلور مربعة يديها حاطة رجل فوق رجل ناطقة ببرود] اهاه وشنو باغين ؟
اسماء :[ نطقت باستفزاز] خويا مزال كيبغي مراتو لقديمة بلاما تلواي عليه [ سكتت لحضة كتشوف ردة فعل جوديا نطقت مكملة حديثها] سلمى .. بنت خالتي هي مراتو ومامات بنتو لي كان كيتسطا عليها لدرجة واشم سميتها فلحمو [ ابتاسمت باستفزاز وهي كتشوف جوديا تقادت فجلستها نطقت بتلاعب] ماانقولش ليك شنو دار على ودها باش ماتجيكش جلطة.. بغيت غير نوصل ليك بلي خويا ماغاديش يشوف فوحدة بحالك حيت عينيه وقلبو فيهم غير سلمى ...
جوديا: [ سكتت لتواني كتفكر نطقت بابتسامة جانبية] علاش كتعاودي ليا هادشي؟ خوك لي جايبني عندو .. ماشي انا لي جيت[ بدات تفحص بعينيها لقصر ] وفين هي هاد مراتو دبا ؟
غيثة: [ هابطة من دروج نطقت بحدة كتشوف في اسماء] طلقها
جوديا: [ نفات براسها كضحك باستهزاء وهي كتشوف في اسماء] طلقها ومزال كتعاودي عليها ؟
أنت تقرأ
لهيب عشقك محرم ( كاملة)
Historical Fiction°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
