❤️🔥كاتبة :: Samira rd
لن تستطيعي ان تمحي دوري من ذاكرتك "انا بطل الرواية "
الفصل التاني: شفاه ممنوعة
غيثة [ بابتسامة نطقت كتشوف في غيث ] اوى اسي غيث جينا طالبين راغبين فيد ختك جوديا لولدي مهاب
غيث [ ابتاسم ليها وتحنا عندو جوديا نطق بهمس ] بلاما تقبلي بقاي معانا ماعندك ما ديري بشي زواج
جوديا [ هزت فيه عينيها كضحك نطقت بهمس ] شوف وراك [ شافو بجوج فمهاب لي وجهو حمار وعيونو متبتهم عليهم كيف قرطاس ] غادي يتيري فينا
غيث [ ضحك عليه ونطق بصوت هادئ] موافقة ؟
جوديا [ ابتاسمت وعيونها عليه اومات راسها بإيجاب] اه
عاد رتاح مهاب وابتاسم .. بدات تزغرت صوفيا وتصلي على نبي وقفت جوديا توجهت ناحية مهاب واقفة جنبو .. هزت صوفيا صينية لي فيها لخواتم هزو بجوج لخواتم مدت صبعها ركب ليها لخاتم وهو كيتحسس رطوبية يدها.. مد حتى هو صبعو ركبت ليه لخاتم .. حط يديه على خدودها مقربها عندو حط شفايفو فوق راسها بايسها مغمضين عينيهم بجوج.. فرحانين بجوج من بعد هاد صراعات كاملة خطوبتهم ليوم .. شكون قال من بعد عداب ليهم بجوج غادة تكون ليه غادي يبغيها وتبغيه عمرها طاحت عليها فكرة انها تولي زوجة عدوها.. بعد عليها ويدو مزال على خدودها
مهاب [ بصوت رجولي خافت نطق عيونو لامعين ] مبروك علينا
جوديا [ ابتاسمت بهدوء بللت شفايفها ونطقت ] اخيرا
غيثة [ مبتاسمة بإنسجامهم] مبروك احبيباتي
جوديا [ التافتت ناحيتها مبتاسمة ] الله يبارك فيك الالة غيثة
غيثة [ تمشات ناحيتها شدت يدها كطبطب عليها بابتسامة] قولي ليا ماما غيثة
من بعد ما سلمو عليهم وباركو ليهم .. مشات جوديا لكوزينة جابت اتاي تبعتها صوفيا جابت لحلوة حطوهم فوق طابلة كانت غادة تجلس حدا مهاب جرها غيث ليه
مهاب [ فيدو كاس دأتاي نطق بصوت رجولي ] ان شاء الله غدا يكون لعقد
جوديا [ رفعت حاجبها نطقت بهدوء ] مزال ما وجدنا والو ..
مهاب [ حول عينو ناحيتها ] غدا يكون لعقد طولنا مافيه لكفاية وانا مابقيتش صابر [ حول عينو ناحية غيثة لي بدات تنحنح بحشمة كاملين حشمو من غير جوديا لي كتبتاسم ] انمشيو سيمانة نسافرو فيها من بعد شهر لعرس
جوديا [ التافتت ناحية ماماها نطقت عاقدة حواجبها] شنو بان ليك اماما
صوفيا [ بابتسامة حاطة يدها فوق رجل جوديا ] احسن اماما بلاما تعطلو فالعقد
جوديا [ اومات براسها بإيجاب ونطقت متبتة عينيها عليه] صافي غدا لعقد
ابتاسم مهاب وعينو ما حيدوش عليها.. كيف كضحك وفرحانة وتشوف فالخاتم.. دوزو داك نهار مليئ بالفرحة وضحك كانو مرتاحين جو عائلي بامتياز جو دالفرحة شدوهم حتى تعشاو
أنت تقرأ
لهيب عشقك محرم ( كاملة)
Исторические романы°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
