لهيب عشقك محرم ( كاملة)

Part 56

❤️‍🔥كاتبة :: Samira rd

لن تستطيعي ان تمحي دوري من ذاكرتك "انا بطل الرواية "

الفصل التاني: شفاه ممنوعة

•واقفة امامو خلاتو حتى سالا

غيث : [ عاقد حواجبو كيضحك باستغراب ] شنو سبب هاد ضحيكة على صباح فرحيني معاك

جوديا :[ ابتاسمت عيونها متبتاهم عليه ] بقا غير 8 شهور وتهز وليد صغير ولا بنيتة فيدك

غيث :[ عقد حواجبو كيفكر ] ولكن انا مامزوجش فين انلقا هاد لولد ولا بنت

جوديا :[ خنزرت فيه ونطقت ] اتلقاه فجيبك .. [ قلبت عينيها بملل مكملة حديثها بضحكة ] قريب تولي خال

غيث : [ اوما براسو بإيجاب] اوى مبروك [ وسع عينو بصدمة ] شنو .. ؟

جوديا :[ كتشوف فيه رافعة حاجبها باستغراب ] واش واكل ربيع ؟

بدا يضحك بصوت مرتفع جارها عندو معنقها كيبوس فراسها بفرحة وهي كدفع فيه

غيث :[ مزير عليها نطق بضحكة ] احسن خبر على صباح

جوديا :[ كدفع فيه مخصرة ملامحها بعدت عليه كتشوف فيه مخنزرة ] صافي براكة ريحتك خانزة

غيث: [ عقد حواجبو كيشوف فراسو بدا يضحك فاش تفكر ] لوحم جاك عليا

جوديا: [ قلبت وجهها عليه ] صافي سير تعوم .. اه قبل ما نسا مابغيت حتى واحد يعرف

اوما براسو بإيجاب كيضحك بغا مزال يعنقها وهربت منو مخلياه كيضحك .. قاطعهم صوت تيليفون غيث لي بدا يصوني شاف نمرة ولقا نمرة صوفيا

غيث: [ دوز لخط] لواليدة [ اوما براسو بإيجاب] شوية نكونو عندك

جوديا: [بهدوء ] مالها ؟

غيث: [ خشا تيليفون فجيبو ونطق ] بغات تهضر معانا فشي موضوع

سبقها وتبعاتو لطموبيل طلعو مكسيرا.. ساعات وكانو وصلو لدار جالسين فصالون عاقدين حواجبهم باستغراب وهوما كيشوفو صوفيا جالس جنبها راجل غريب عليهم

غيث: [ رفع حاجبو باستغراب كيطلع وينزل فيه ] شكون هدا الواليدة ؟

صوفيا :[ سرطت ريقها بصعوبة ونطقت ] باكم..

صدمة كانت على وجههم.. قنبلة وفرگعتها عليهم شنو كتقول هادي كفاش باهم وهو مات هادي 23 عام شكون هداك لي مات وفين كان هاد لوقت كامل .. التافتت جوديا ناحية غيث لي كان كيشوف فيها وصدمة على ملامحهم بجوج ..

• عند سلمى

كانت جالسة فكافي امامها شخص حاطة رجل فوق رجل فيدها كاس دالعصير.. متبتة عينيها على شخص لي امامها لي حاط رجل فوق رجل فيدو گارو وابتسامة خبيثة على وجهو

****[ بصوت خشن نطق] ماشي من مصلاحتك تلعبي ورا ضهري

سلمى :[ رفعت حاجبها كتشوف فيه ] واش عارف شنو قلتي ؟ كفاش نقتل مهاب مايمكنش