لهيب عشقك محرم ( كاملة)

Part 25

كاتبة :: Samira rd

كانت راكبة فطموبيل وفوق فخاضها بلاستيكة كانت ابتسامة لانتصار على ملامحها .. وهي كتشوف كفاش قدرات تخليه يسمع لكلامها.. ماهمتهاش لكسوة كتر ما همها انه سمع لكلامها وخلاها تاخدها..

جوديا : [ التافتت ناحيتو نطقت بهدوء ] وقف طموبيل حدا شي حانوت بغيت قرعة لما

اوما بإيجاب .. ماشي بزاف وكان وقف جنب واحد لحانوت نزل وسد لباب قاطع شانطي لجهة تانية .. كانت كتشوف امامها بشرود والبرد كيدي خصلات من شعرها من شرجم لي محلول..

فجأة داز واحد من جنب طموبيل بسرعة ولاح ورقة من شرجم عقدت حواجبها باستغراب حالاها كتقرا شنو مكتوب فيها وعيونها كيتوسعو فكل حرف كتقرا بسرعة حلت طموبيل خارجة منها كتشوف في زنقة كتفحص بعينيها كيف شي حمقة باغا تعرف شكون لاح هاظ لورقة خشات يدها في شعرها واليد تانية فيها لورقة متبتاها امامها وكتعاود تقرا حتى فيقها صوت مهاب

مهاب: [ رافع حاجبو باستغراب وفيدو قرعة لما ] شنو مخرجك ؟

جوديا: [ نفات براسها كتخشي لورقة في جيبها] والو غير تخنقت

طلعت لطموبيل سادة لباب خادت من عندو لقرعة شربت شوية وحطتها مرجعة راسها لور كتفكر فهادشي لي قرات وتنهد.. ماكانش عارف مالها باين على ملامحها تعب والارهاق بسرعة كسيرا متوجه لقصر.. دازت ساعة وكانو واقفين امام لباب لي تحل ودخل من بلاصا طموبيل وخرجت داخلة لقصر بقا متبعها بعينيه ومستغرب من حالتها..

التافت ناحية لكارد كيأمرو يطلع ليها بلاستيكات وتبعها داخل لقصر.. ماكنش اتارها لتحت يعني طلعت لغرفتها كانت غير غيثة واسماء واروى جالسين فصالون لي كان لوسط مضور بالفوتويات والوسط طابلة دزاج مشا اتجاههم سلم عليهم وخاد اروى من عند غيثة جالس حداهم

غيثة[ حاطة رجل فوق نطقت بهدوء] امضرا تقبلت ؟

مهاب : [ كيبوس فأروى ] اممم غدا دوز لامتحان وتقبل

• عند جوديا

كانت جالسة فوق الارض مسرحة رجليها وفيدها لورقة .. مزال صدمة على وجهها قلبها كيضرب بوتيرة سريعة.. مايمكنش تيق هادشي لي مكتوب وفنفس لوقت تيقت .. شنو لي عندو مصلحة يكدب عليها فهادشي.. جمعت رجليها عندها لاوية يديها على رجليها خاشية راسها

جوديا: [ نطقت بتعب] ياربي براكة عيت ...

• عند جوديا

كانت جالسة فوق الارض مسرحة رجليها وفيدها لورقة .. مزال صدمة على وجهها قلبها كيضرب بوتيرة سريعة.. مايمكنش تيق هادشي لي مكتوب وفنفس لوقت تيقت .. شنو لي عندو مصلحة يكدب عليها فهادشي.. جمعت رجليها عندها لاوية يديها على رجليها خاشية راسها

جوديا: [ نطقت بتعب] ياربي براكة عيت

بقات تواني وهي على ديك لوضعية هزت راسها وعاودت قرات لورقة وكأنها مزال ماتيقت