🍂كاتبة :: Samira rd
ورَأيته فأَورَقت من سُرور القَلب أفنَاني".
الفصل :: 1
بقات تواني واقفة فالبيت وخرجت هابطة لتحت ديريكت لكوزينة.. كانت كدندن بأغنية ..و مهاب حاضيها من صالون وكيضحك كان صوتها زوين ومستمتع معاها.. دقائق وهي فالكوزينة طاب طاجين ناض اتجاهها هزو وتبعاتو فيديها لخبز حطو فوق طابلة محيد لغلاقة
مهاب: [ غمض عينيه كيستنشق ريحة ] ريحة بنينة بقا غير لمداق
مدات ليه طرف دالخبز خادو وغمس دغمة خاشيها في فمو .. كانت حاضية ملامحو وكتسناه يقول ليها رأيو التافت ناحيتها وابتسامتو على تغرو
مهاب :[ تحنا هز يدها بايسها بابتسامة نطق] هاد ليديات كيخرجو غير زين.. الله يعطيك صحة
جوديا :[ ابتاسمت ] بصحتك
كياكلو ويهضرو ماعياش فكل مرة ياكل ويشكرها على طيابها وهي تحشم وضحك.. كملو فهاد لحضات هزت طاجين داتو لكوزينة مسحت طبلة وناضت ضلمت صالون طلعت لبيوتة نزلت مانطة سخونة كان مهاب كيتفرج فصالون تمشات ناحيتو جالسة جنبو تغطاو بجوج وهي راسها على كتفو مضور يدو على ضهرها وهي مخشية فيه حاطة رجلها فوق رجلو
جوديا :[ سكتت لحضة ونطقت] راس لعام قرب
مهاب: [ ابتاسم ونطق] عندي ليك مفاجأة فيه اتكون احسن مفاجأة
جوديا :[ عضت على شفايفها مبتاسمة] شنو هي هاد لمفاجأة؟
مهاب: [ نفا براسو نطق بهدوء] مااتبقاش مفاجأة الى قلتها
جوديا: [ مصت شفايفها ونطقت ] حتى انا ندير ليك مفاجأة؟
مهاب: [ نزل راسو عندها نطق بابتسامة ] ماتحتاجيش نتي كاملة احسن مفاجأة
جوديا: [ زادت تمخشت فيه كتر مبتاسمة ونطقت ] امتى انرجعو؟
مهاب: [ بهدوء] سخيتي دغيا[ نفات براسها] فهاد ليومين نرجعو
جوديا: [ هزت راسها فيه ونطقت ] توحشت اروى
مهاب: [ حيد شعرها من عينيها ونطق مبتاسم ] كتبغي اروى
جوديا :[ عضت على شفايفها وعيونها لامعين ] كنحس بيها بحال بنتي
مهاب: [ بابتسامة حط نيفو على نيفها] شنو بان ليك نجيبو ليها شي اخ ؟
جوديا: [ ضحكت على شفايفها بخجل ] بغيتي بصح خو لاروى؟
مهاب: [ بعد عليها قالب وجهو ناحية تلفازة ] صراحة .. لا مابغيتش
جوديا :[ عقدت حواجبها باستغراب ] علاش ؟
مهاب :[ التافت ناحيتها متبت عينو عليها تواني ونطق ] هكاك
هزت كتافها ورجعت حطت راسها على صدرو كيتفرجو ...
داز داك نهار عندهم عامر حب.. نهار كامل وهوما حدا بعضياتهم كيتفرجو ويضحكو كتعاود ليه على مغامراتها في لخيرية وهو كيضحك على هبالها ديال صغر.. طيبت ليباط لعشا ورجعو بلاصتهم مكملين سهرتهم حتى نعسو وهوما فحضن بعضياتهم
أنت تقرأ
لهيب عشقك محرم ( كاملة)
Historical Fiction°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
