كاتبة :: Samira rd
غيثة : فين مشيتي امُهَاب وديتي لبنت
مُهَاب: [ هز عينو في جوديا لي كانت كضحك مع اروى ] فاش نسالي شنو بغيت ندير .. غادين نرجعو
غيثة :[ بغضب] انا ساخطة عليك دنيا وأخرة الى قربتي لديك لبنت
مُهَاب: [ نطق تحت سنانو وعيونو متبتهم عليها] لواليدة
غيثة : ما مكش الى وصلتني لخبار درتي ليها شي حاجة.. عمرك تعتب باب لقصر
لخط تقطع.. تبت تيليفون امامو كيشوف فيه بشرود تنهد خارج من داك لبيت وجوديا تبعاتو بعينيها.. حل لباب دزنقة خاطبو وراه كانت دار صغيرة في لعروبية امامو كانو اراضي مزروعين ..الارض فازگة دليل على شتا لي صبات حط يد على جنبو واليد تانية في رقبتو محاولة يكتم غضبو.. گاع لخطط لي خطط ليهم جات غيثة ضربتهم ليه فزيرو بكلمة وحدة.. ماايقدرش يدير ليها شي حاجة من هنا لقدام بسبب سخط مو ماباغيش حتى لاخر لحضة وياخد سخطها.. بقا دقائق وهو غادي جاي فبلاصتو كيفكر مالقا حتى حل هو يخليها هنا شوية تفكر نضرات غيث لجوديا كيف كيشوف فيها اهتمامو ليها شك تكون بيناتهم شي حاجة داكشي علاش قرر يخليها هنا حتى يفهم.. التافت ناحية لباب داخل طلع نيشان لبيتو لي كان جنب بيت جوديا.. كان نفس شكل لبيت لاول تلاح ديريكت فوق ناموسية ناعس على ضهرو حاط يديه فوق راسو كيفكر حتى داتو عينو ...
كانت جوديا كتحاول تنعس اروى ولكن والو طلعت حتى هي لبيتها ضلمت لبيت باش تنعس اروى بقات دقائق قليلة واروى كتنغنغ حتى نعست .. ناعسة حتى سمعت صوت دقان مجهد فالباب لبراني عقدت حواجبها وهي كتحل عينيها ملامحها كتوحيي لاستغراب من هاد دقان.. نزلت عينيها ناحية اروى لقاتها ناعسة غطاتها مزيان وناضت خارجة .. خروجها كان مع خروج مُهَاب لي حتى هو كان مستغرب .. نزلو بجوج لتحت حالين لباب كيشوفو 4 رجال لابسين جلالب وعمامات فوق راسهم لجدية على وجههم لي فجأة تحولت لضحكة فاش شافو مُهَاب.. خرج عندهم وسلم عليهم وهوما كيسولو على احوالو.. كانو واقفين بعاد على جوديا لي كانت واقفة جنب لباب ومستغربة
حمد رجل لاول : [ بصوت خشن ] مرحبا بيك اسي مُهَاب في يلادك وسط حبابك
مُهَاب: [ مبتاسم حط يدو على صدرو ] الله يكبر بيك الحاج حمد
عبد العزيز 2 : واغبرتي اسي مُهَاب حتى توحشناك
مُهَاب [ خشا يديه فجيابو عاطيهم ابتسامة ] غير مع لخدمة كتيرة راكم عارفين
حمد : [ التافت ناحية جوديا لي كانت كتشوف فيهم والتافت ناحية مُهَاب ] مبروك اولدي من تزوجتي ودرتي دارك
عقد حواجبو والتافت فين كيشوف كتبان ليه جوديا عاقدة حواجبها ماكتسمعهم شنو قالو وزادت استغربت كتر فاش شافو فيها كاملين عرفت بلي كيهضرو عليها ابتاسمت ليهم بخجل
مُهَاب : [ ابتاسم ابتسامة صفرا ] الله يبارك فيك اسي حمد
ابراهي:م [ بابتسامة طبطب على كتافو ] مزيان اولدي من تزوجتي زواج زين هوما ولولاد..عندك شي ولاد بعدا؟
أنت تقرأ
لهيب عشقك محرم ( كاملة)
Historical Fiction°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
