لهيب عشقك محرم ( كاملة)

Part 36

🍂كاتبة :: Samira rd

ورَأيته فأَورَقت من سُرور القَلب أفنَاني".

الفصل :: 1

مهاب :[ ابتاسم ونطق بهدوء] خاصني ندوق طيابك حتى نتي

جوديا: [ عضت على شفايفها وهي كتسرط نطقت ] غادي تاكل عليه صباع يديك انا متأكدة

كياكلو وجوديا مرة مرة تلوح شي كلمة تخلي مهاب يضحك.. طول لجلسة ماسلمش من غرورها لي كل دقيقة مخرجاه

جوديا: [ تنهدت بحزن ] اوف توحشت اروى [ هزت عينيها في مهاب] كان علينا نجيبوها معانا

مهاب [ بنبرة رجولية هادئة] لبرد عليها وهي دغيا كتمرض دبا نعيطو ليها

اومات راسها بإيجاب وكملو ماكلتهم بقاو جالسين دقائق تم خلصو وخرجو كانو ناس قليلة بحيث تلج بدا يطيح وخافو طريق تحبس.. شد مهاب فيد جوديا وتمشاو ناحية طموبيل.. نيف جوديا مابقاتش حاسة بيه بالبرد وصلو فين مبلاصيين طموبيل لقاو تلج قليل فوقها طلعو ديمارا وكسيرا فهدوء ..

كانت جوديا ساكتة مضورة راسها ناحية زاجة كتشوف في ثلج كيطيح كانو طموبيلات شي غادي وشي جاي.. ساعة وهوما فطريق اخيرا وصلو كان ليل طاح بلاصة طموبيل امام دار وخرجو حل دار ودخلو كانت دار سخونة تمشاو ناحية صالون شعل شوميني وجلس جنبها

جوديا [ التافتت ناحيتو] عيط ليهم نشوف اروى

اوما براسو خشا يديه فجيابو مخرج تيليفون شعلو دوز ابيل فيديو لغيثة تواني وجاوبو كانت نيت معاها غير شافت جوديا اروى ابتاسمت وخادت من عندو تيليفون

جوديا [ كدير ليها باي باي بيديها نطقت بابتسامة ] حبيبتي توحشتك [ بدات اورى تشوف في لكاميرة وتنغنغ ] كون غير جبناها معانا تبدل لجو

غيثة[ ابتاسمت وباست اروى ] مزيان من بقات معايا مونساني كنبقا غير بوحدي

بقاو دقائق وهوما كيهضرو قطعو وناضت جوديا ..

طلعت ديريكت لبيت عيانة وسخونية طالعة معاها... سدت باب لبيت وراها حيدت حوايجها كاملين بقات بدوبياس فالاسود توجهت ناحية لفاليزة حالاها كتشوف شنو جابت معاها كانو كاع لحوايج سخان وديال لخروج شي بيجامات قلال مشاو عينيها ديريكت لحوايج لي جابت هزتهم سدت لفاليزة ولبستهم كانو عبارة على شورط فالابيض وديبرادور ماكنتش كتحس نهائيا بالبرد حرارة طالعة معاها تنهدت وتمشات ديريكت لبالكو حالاه وداخلة كان لبرد بزاف ولكن لحمها سخون واقفة فالبالكو مربعة يديها وتلج كيطيح كان جو بارد كلو بيض فبيض بسبب كتافة ثلج لي كيطيح..

لابسة شورط فالابيض لاصق على مؤخرتها فوقو ديبرادور مخلي شقة صدرها تبان.. دقائق وهي واقفة مغمضة عينيها والبرد كيدي ليها خصلات من شعرها  .. ابتاسمت فاش حست بيه لاصق ورا ضهرها.. خشا يدو في كرشها عضها عضة خفيفة في رقبتها ميلت راسها مبورشة.. يدو لخشنة كتسارا في انحاء جسدها مخلي شعر جسدها يشوك.. حط فكو فوق كتفها ويدو مزال كتسارا في جسمها