لهيب عشقك محرم ( كاملة)

Part 57

❤️‍🔥كاتبة :: Samira rd

لن تستطيعي ان تمحي دوري من ذاكرتك "انا بطل الرواية "

الفصل التاني: شفاه ممنوعة

خالد  [ هز يدو حطها على خدودها مسح ليها دموعها مبتاسم ] ماشي هادشي لي عاودت ليا صوفيا وليتي بكاية بلا قياس

جوديا  [ بدات ضحك باست راحة يدو ونطقت] انا ديما بكاية حدا واليديا.. [ تنهدت هزت عيونها فيه ونطقت مبتاسمة ] عمرك مزال تمشي علينا حنا محتاجينك معانا

خالد :[ نفا براسو باس على راسها ونطق ] انا معاكم ابنتي ديما

هزت راسها في غيث لي كان وراها ابتاسمت ليه وقفها من لارض ومشات جلست جنب صوفيا معنقاها هي لاخيرة لي كانت كتبكي .. عنقو غيث عناق رجولي بلاما يهضر داكشي لي بغا يقولو قالتو جوديا .. دقائق وهو غير معنقو ودموعو على خدهم بجوج .. وقفت جوديا مابغاش تبقا وسط هاد لبكا تخنقت تمشات ديريكت لحمام دخلت ليه غسلت وجهها بقات تواني كتشوف في لمراية مبتاسمة .. جوج فرحات فنهار واحد ..

باقا ليها يرجع مهاب داكرة وتكمل فرحتها.. مصت شفايفها فاش تفكرت ريحتو سرطت ريقها عاودت غسلت وجهها وخرجت .. مشات لصالون لقات غيث وخالد كيهضرو.. تمشات ناحية لكوزينة لقات صوفيا كطيب فالغدا تمشات وراها نغزتها حتى قفزت صوفيا

صوفيا: [ مخنزرة فيها ] كنقول ليك شحال من مرة ماتهرينيش كنتخلع

جوديا :[ عنقتها من لور كضور فراسها ] اممم كتخلعي.. فرحانة حيت راجلك جا ويله اتشوفيه

صوفيا :[ لولبت عيونها بتوتر ونطقت كضحك ] امم فرحانة

جوديا :[ وقفت امامها مصغرة عينيها ] على ماكانش كيجي شحال هادي [ حبست ضحكة فاش شافت لخجل على مها ] بلاما تحشمي راني نهار سولتك عليه شكيت شي واحد معاك وماطاح فبالي غير بابا

صوفيا: [ التافتت ناحيتها عاقدة حواجبها باستغراب] باش عرفتيها ؟

جوديا: [ قلبت شفايفها مبتاسمة ] كانو جوج كيسان فوق طبلة وفيست فوق لمخاد كنت شاكة بلي كاينة شي حاجة تم

صوفيا :[ لولبت راسها مكملة شغلها] احياني عليك ما تفلتي والو

ضحكت جوديا وجلست فوق لكرسي.. دقائق وهوما كيهضرو طاب لغدا وحطوه دوزو داك نهار عائلي بامتياز عاودت ليه جوديا بلي تزوجت بمهاب خافت يتقلق ولكن لعكس فرح شرح ليها انه ماعندوش مشكل مع عائلة منصور عاود ليه غيث بلي غيثة هي لي رباتو .. مانعسوش داك نهار بضحك ولهضرة حتى بدا يجيها جوديا نعاس عاد مشات لبيتها وكلها مشا ينعس فبيت

• اصبحنا واصبح الملك

مجموعين على طبلة لفطور لي ناض غيث وجوديا بكري وجدوها طابلة عامرة بكل ما تشتهي نفس ..