كاتبة :: Samira rd
فيقها صوت طاكسي حلت عويناتها التافتت ناحية تانية لقات بلي وصلو لاوطيل خلصاتو حلت لباب وحلت لمضل سبقات رجليها بخطوات بطيئة كتمشا ناحية باب لاوطيل وشتا كتصب عليها .. داخلة وكتسد فالمضل كتلولب عينيها وسط لاوطيل .. مابغاش تشوفو عارفة راسها تعطلت وكان عليها تجي مع 7 ودبا 9 والى شافها غادي يغسلها توجهت ناحية لغرفة تغيير الملابس.. لقاتها خاوية جبدت ساروت حالة جيهتها جبدت لبسة كانت عبارة على صاية فالاسود مخليا مؤخرتها لبارزة تزيد تبان وتجمع.. قميجة فالابيض خلات صدرها يبان مهزوز حلت تلاتة صدافي.. شقة صدرها بانت ... ليبة فنفس لون سوداء رقيقة على لحم.. كعب عالي فلون اسود وطربوش فنفس لون هزت تيليفونها خشاتو في جيبها خشات حوايجها فصاكها حطاتو فبلاصتها سدات وخرجت اتاجهت نيشان كوزينة ديال لاوطيل كتشوفهم كلهم كيتجاراو ويطيبو بسرعة عقدت حواجبها باستغراب وقفت دري غادي خارج
جوديا [ رفعت حاجبها بتساءل كتشوف فيهم ] شنو واقع هنا ؟
يوسف [ بتوتر باين على ملامحو ] صقر جاي
مشا بسرعة من حداها تبعاتو بعينيها ولاستغراب على وجهها كفاش هاد صقر تاني وشكون هدا.. هزت كتافها عرفت غادي يدوز اكفس نهار وعلاش لا وهدا اكبر اوطيل كاين فكازا وكيجيو ليا شخصيات كبار .. ونهار كتقرر شي شخصية تجي لاوطيل كيكون ستريس فالخدمة وخاصهم يحمرو وجه مول شي هزت دفترها لي كتقيد فيه وخرجت بكعبها لعالي كتمشا بتوازن خصرها وشعرها كيميلو معاها فكل خطوة كتخطيها منزلة حاجب ورافعة لاخر .. ملامحها باردة لابعد حد.. فيها لهيبة لي ماكتخلي اي واحد يزعم عليها ماعندهاش صحابات ماكتعرفش ناس .. ماكتعاشرش.. كلامها قليل وموزون.. نضراتها حادة كيف سيف.. توجهات بخطوات بطيئة ناحية اول طابلة فيها جوج بنات لي كان لباسهم معري كتر من لمغطي وقفت امامهم كتشوف فيهم.. طلعتها ونزلتها وحدة من لبنات ناطقة بغرور
نورة [ حطت رجل على رجل هزت فيها راسها ونطقت بتكبر ] بغيت بلا ديال لفطور بكل انواعه .. وقرعة ديال الكونياك
هزت جوديا راسها فيها من دكرت اسم مشروب رفعت حاجبها كطلع وتنزل فيها كان باين نوعها بلي كتعاطا وكتشرب.. وهاد نوع دشراب غالي وقليل لي كياخدو .. ميلت راسها باستفسار كفاش قادرة تشربو على صباح ... التافتت ناحية صاحبتها باش تهضر
لارا [ ميلت شفايفها كدوز اطرافه يدها على صدرها] بغيت بحالها.. وشي قهوة كحلة
اومات جوديا راسها بإيجاب وعطاتهم بضهر صوت طقطقة كعبها هو لي كيتسمع دخلت لكوزينة كتشوفهم مزال على حالهم.. وكأنه لملك لي غادي يجي قلبت عينيها بعدم لمبالاة حطت دفتر صغير فوق طابلة جنب راجل لي كان مزال صغير فشكلو كيطيب بإتقان هز لكتاب كيقرا طلبات..
رشيد : [ عقد حواجبو باستغراب] الكونياك وعلى صباح كيف دار ليها هاد سيد؟
جوديا : [متكية على لبوطاجي مربعة يديها ماكتشوفش فيه نطقت ببرود] بنت
رشيد : [ وسع عينيه بصدمة] بنت؟؟
أنت تقرأ
لهيب عشقك محرم ( كاملة)
Historical Fiction°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
