🍂كاتبة :: Samira rd
اوما براسو كيبتاسم.. بقاو تواني ساكتين وهي كتشوف فالورد دقات قلبها شكت يكونو كيسمعهم احساس غريب استوطن قلبها هزت عينيها فيه كيبان ليها مركز مع طريق وجدية على وجهو فيه شي حاجة غريبة كتخليها تبقا تشوف فيها.. شي حاجة غريبة فملامحو كتخليها ترتاح ليه وباغا غير تشوف فيه وكأنه كتعرفو من شحال
جوديا: [ صغرت عويناتها متبتة عينيها عليه تنحنحت ونطقت ] علاش ديما كتوقف فوجهو على قبلي؟
غيث: [ التافت ناحيتها كيشوف فيها ورجع شاف في طريق ] شكون؟ صقر ؟؟؟ ماكنبغيش لحگرة وبالخصوص الى كانت محگورة بنت..[ وقف طموبيل حيد سمطة مبتاسم ] احنا الالة وصلنا
حل طموبيل نازل حال ليها لباب .. ابتاسمت .. ونزلت هزت عينيها فالمحل لي امامها.. كان محل ديال لحوايج التافتت ناحية غيث لي سد طموبيل تمشا امامها وهي تابعاه .. دخلو لمحل استقبلاتهم وحدة من لبنات بابتسامة ..
غيث: [ نطق بهدوء كيتفحص لمحل بعينيه ] بغيتك تهلاي فيها واي حاجة بغاتها جبديها ليا [ التافت ناحية جوديا ] خودي لي بغيتي .. انا غادة نرجع دبا شوية
اومات براسها وهي حشمانة منو.. ماباغاش يخلص عليها شي حد ولكن لضرورة احكام كتحس براسها بلي عيقت بزاف على غيث.. هو ضريف وهي ماخاصهاش تستغل طيبتو ليها تنهدت فاش شافت لبنت كتشير ليها ناحية لحوايج .. دازت ساعة فيها ختارت شنو بغات من حوايج وسبابط.. التافتت ناحية لباب كتسنا فيه حتى كتشوفو داخل وملامحو جدية وقف امامها كيتفحصه بعينيه
غيث: [ بصوت رجولي هادئ] ساليتي
جوديا :[ اومات براسها نقطت بابتسامة ] شكرا اغيث
غيث: [ طبطب على كتفها نطق عاطيها ابتسامة] مابغيتش نسمع منك شكرا مرة أخرى
ابتاسمت ليه عاضة على شفايفها .. جبد لكارط خلص هز بلاستيكات وخرجو طلعو فطموبيل وكسيرا عقدت حواجبها باستغراب من طريق لي دايز ماشي نفس طريق لي جاو منها.. مسافة طريق وكانو وصلو امام واحد لعمارة كان حي راقي بعض شيء ...
جوديا :[ عقدت حواجبها باستغراب كتشوف فيه ] علاش جينا هنا
غيث: [ بابتسامة حل لباب ] نزلي
نزلو بجوج واقفين امام باب لعمارة هزت راسها فالعمارة باستغراب التافتت ناحيتو هو لي كان متبت عينيه عليها
غيث: [ بصوت رجولي] جينا عند صوفيا
جوديا :[ وسعت عينيها بعدم تصديق] حلف
غيث [ بدا يضحك على نبرة صوتها ] كنكدبو هنا
بدات تبان ابتسامة عريضة على وجهها فجأة تلاحت عليه معنقاه بقا تواني وهو مصدوم من قربها ليها تنهد ولوا يديه على ضهرها مغمض عينيه كيستنشق ريحتها.. بعدت عليه ومزال ابتسامة على وجهها
جوديا :[ بإمتنان وعينيهت لامعين ] شكرا بزاف اغيث .. هادشي عمري نساه ليك
غيث [ خشا يديه فجيابو مبتاسم ] يله سيري عندها فطابق الاول
جوديا :[ رفعت حاجبها بتساءل] انت ماغاديش
غيث: [ نفا براسو ] لا غير سيري عندها بوحدك
أنت تقرأ
لهيب عشقك محرم ( كاملة)
Historical Fiction°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
