❤️🔥كاتبة :: Samira rd
لن تستطيعي ان تمحي دوري من ذاكرتك "انا بطل الرواية "
الفصل التاني: شفاه ممنوعة
بعدت عليه جلست فوق لكرسي حاطة راسها على يديها وتنهد دازو دقائق طويلة وهوما كيتسناو.. تحل لباب خرج طبيب .. حيد بافيط.. وقف امامهم هوما غير شافوه وتجمعو عليه
غيثة [ مسحت دموعها ونطقت كترجف] كيف بقا ولدي ادكتور
طبيب [ تنهد ونطق بملامح حزينة] لحادثة كانت خطيرة بزاف ونجا منها بأعجوبة ولكن مع الاسف وقع ليه ارتجاج فدماغ شي لي غيأثر عليه ولكن منقدر نقولكم دابا والو تايفيق ونديرو ليه ليزاناليز لازمة
غيث [ شاد غيثة لي كانت مصدومة نطق ] امتى يقدر يفيق؟
طبيب [ هو كتافو نطق بجدية وتعب على ملامحو ] مزال ما عرفنا امتى يقدر يفيق .. ضربة جاتو قاصحة فراس .. لا قدر الله يقدر يدخل فغيبوبة [ تنهد وهو كيشوف في فينا كتبتي بحرقة ] حنا انديرو لي فجهدنا ولكمال لله
اوما غيث راسو بإيجاب وهو شاد غيثة لي كانت حاطة عليه راسها توجه بيها ناحية لكرسي جالسة وهو جالس قفازي شاد فيدها
غيث [ بحزن نطق ] ماديريش فراسك هاد لحالة غادي يتشافا ويرجع مهاب كيف كان وحسن
غيثة [ نفات براسها كتبكي بحرقة ] ولدي ما عندو زهر فلول دوك لعصابة ودبا كسيدة امتى ايتهنا ولدي امتى
غيث [ هز يدها باسها ونطق] ان شاء الله غادي يفيق ديري امانك فالله حنا عارفين مهاب قوي ومايقدرش يخلينا بهاد سرعة
•كانت اسماء عاطياهم بضهر وكتبكي .. حست بشي واحد حط يدو على كتفها التافتت ولقاتو غيث مبتاسم بتعب.. غير شافتو تلاحت عليه معنقاه
اسماء [ كتشهق ودموع شلال من عيونها ] ماغاديش يموت ياك؟ ماغاديش يخلينا كيف خلانا بابا
غيث [ طبطب على ضهرها ونطق بحنان ] ماتبقايش تقولي هكا .. ماغاديش يخلينا وغادي يفيق ان شاء الله
كانت جوديا كتراقبهم فصمت ملامحها كتبان عليهم لبرود ولكن نار لي شاعلة فقلبها محال تكون شاعلة فقلوبهم.. تنهدت وعطاتهم بهضر خارجة من ديك لبلاصة صوت لبكا والحزن كيخليوها تفكر فشي حاجة خايبة .. بهدوء بخطوات بطيئة نزلت من دروج خارجة من لمستشفى ..
كان ديك ساعة جوايه 9 دليل .. واقفة بعيدة شوية على لباب .. ناس داخلين خارجين .. دقائق وهي واقفة تم كيضربها لبرد حتى حست بنغزات في ضهرها.. ضنت انه غيث التافتت ولكن ماكانش غيث
جوديا [ عقدت حواجبها باستغراب وهي كتشوف فشخص غريب واقف امامها ] وي ؟
شخص [ بابتسامة ] كنت فديك طموبيل [ أشار ليها ناحية طموبيل مكمل حديثو] وشفتك واقفة هنا كنقول واش هي ولا ماشي هي.. [ صغر عينو ] جوديا ياك ؟..
أنت تقرأ
لهيب عشقك محرم ( كاملة)
Historical Fiction°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
