لهيب عشقك محرم ( كاملة)

Part 51

❤️‍🔥كاتبة :: Samira rd

لن تستطيعي ان تمحي دوري من ذاكرتك "انا بطل الرواية "

الفصل التاني: شفاه ممنوعة

جوديا :[ التافتت ناحية زاجة كتشوفو جالس مرتاح كيهضر مع سلمى نطقت بهمس] مااتبقاش فيك امهاب غير صبر

غيث :[ عقد حواجبو باستغراب وهو كيشوفها كتخطي خطوات] فين غادة ؟

جوديا :[التافتت ناحيتو مبتاسمة ابتسامة زائفة] طليقة خوك رجعات خاصنا نضايفوها ونقادو ليها بيتها ولا لا

نفا براسو بلا حول كيضحك عارف ختو ماشي اي وحدة لي تنوض تبدا تبكي فاش تغير عارفها مرأة وقادة .. التافت حتى هو يكمل اجراءات لخروج.. خارجة من لمستشفى بخطوات بطيئة ضربت فيها شمس حتى غمضت عينيها.. صغرت عيونها  وهي كتشوف هيتم واقف امام طموبيتو قدام لباب نضاضر على عيونو مربع يديه مبتاسم .. بادلاتو ابتاسمة توجهت ناحيتو واقفة

هيتم: [ مد ليها يدو مبتاسم نطق بصوت رجولي] جوديا عاش من شافك

جوديا: [ مدت ليه يدها مبتاسمة] هيتم شنو جابك هنا؟

هيتم: [ تقاد فوقفتو حيد نضاضر تبت عينيه عليها ] كنت دايز من هنا نشوف صاحبي وعرفتك مزال هنا قلت علاش ما نشوفكش عاد نمشي [ رفع حاجبو باستغراب] كنضن خارجة

جوديا :[ اومات راسها بإيجاب] اه غادة لدار .. راجلي غادي يخرج ليوم

هيتم: [ أشار ليها ناحية طموبيل ] طلعي نوصلك

جوديا :[ نفات براسها كتشوف امامها ] لا لا بلاما نعدبك

هيتم :[ بابتسامة] ماكاين لا عداب لا والو غير طلعي

ابتاسمت ليه وداكشي لي كان بخطوات بسيطة توجهت ناحية طموبيل طالعة وطلع حتى هو مكسيري وهي كتوريه طريق

هيتم: [ التافت ناحيتها ورجع شاف امامو وابتسامة على تغرو] اوى الالة جوديا عاودي ليا شنو درتي من خرجتي من لخيرية

جوديا :[ حطت رجل فوق رجل طلعت اطراف شعرها فوق ودنها نطقت بهدوء] خرجت من لخيرية وجات داتني صاحبة ماما عندها جلست عندها شي ايامات لقيت خدمة فأوطيل ما دازش بزاف وخرجت كريت بقيت كنخدم ونقرا

هيتم  [ اوما براسو بابتسامة] تبارك الله عليك كنتي قادة براسك .. [ عقد حواجبو ونطق بتساءل ] لقيتي لواليدة ديالك؟

جوديا: [ اومات بإيجاب سكتت تواني ونطقت ] وي لقيتها ودبا راها معايا [ التافتت ناحيتو رافعة حاجبها] وانت واليديك ؟

هيتم: [ اوما براسو بإيجاب] لقيت للواليد وهو معايا دبا [ التافت ناحيتها بابتسامة حزن نطق] لواليدة توفات

جوديا: [ عضت على شفايفها بتأسف] الله يرحمها  [ التافتت ناحية زاجة ونطقت ] ضور على ليمن..