❤️🔥كاتبة :: Samira rd
لن تستطيعي ان تمحي دوري من ذاكرتك "انا بطل الرواية "
الفصل التاني: شفاه ممنوعة
اوما براسو بإيجاب توجه ناحية دروج طالع لبيتو.. وقف امامو حط يدو على لمقبض حالو كيبان ليه لبيت مضلم وجوديا ناعسة فوق لفراش مغطية تنهد ماباغيش تقلق عليه ولا تهز فخاطرها من جيتو.. سد لباب توجه ناحيتها جالس جنبها
مهاب [ كيدوز اطراف صباعو على بشرتها بحنان ] جوديا
كان صمت من جيهتها تحنا عندها طابع قبلة على خدها التافتت ناحية تانية مغطية وجهها
مهاب [ سكت تواني ونطق] الله يهديك اتكبري لموضوع من والو
كان صمت من ناحيتها عرف ماغاداش تجاوبو.. شخصية جوديا معقدة شوية فهي تهزك فوق راس ونهار تقول ليها شي حاجة اتنخلك.. عرف مزوج بوحدة لي ماشي ساهلة وماشي بكلمة يقدر يصالحها.. تنهد وقف داخل لحمام دوش وخرج نشف لحمو لبس .. تمشا ناحية لفراش كانت عاطياه بضهر .. تخشا وسط لفراش جارها عندو حتى لصق ضهرها مع صدرو
خشا يدو فكرشها باسها في رقبتها ونعس .. كانت هي حالة عينيها بشرود .. مقلقة منو وما عجبتهاش لهضرة لي قال ليها وكفاش ماباغيش يولد معاها ضروري غادي يكون شي سبب تنهدت وغمضت عيونها كتحاول تنعس
• اصبحنا واصبح الملك لله
بدات تحل فعيونها التافتت جهة تانية كتقيس فبلاصة مهاب كانت خاوية وباردة عرفت ايكون خرج بكري .. تقادت فجلستها كتحك فعويناتها .. حيدت لفراش متاجهة لحمام قضات حاجتها غسلت وجهها وخرجت بالبيجامة لي لابسة .. نازلة من دروج كتشوف غيثة امامها بيسي خدامة توجهت ناحيتها سلمت عليها وجلست
جوديا [ بهدوء ] صباح الخير اخالتي
غيثة [ بابتسامة كتشوف فيها ] صباح نور الغزالة كيف صبحتي
جوديا [ اومات راسها بإيجاب نطقت بهدوء] حمد لله فين دراري ؟
غيث : غيث خرج يدير سبور .. مهاب ماعرفتش [ هبطت عيونها لتيليفون ابتاسمت ] عمرو طويل [ حطت تيليفون فوق ومنها ونطقت ] الو حبيبي .. [ شافت في جوديا ] اه اتكون نساتو لفوق .. واخا [ مدات ليها تيليفون ] بغا يهضر معاك
تأفافت خادتو من عندها وقفت طالعة لفوق
جوديا [ مزال مقلقة ] اممم
كان مهاب فطموبيل مكسيري .. فجنابو غير غير شجر ولخلا
مهاب [ بابتسامة ] مزال حبيبي فگعان
جوديا [ وقفت نطقت نافخة ريشها] شنو بغيتي امهاب
مهاب [ بلل ريقو ونطق ] بغيتك نتي .. وجدي راسك فالعشية غادي نجي نديك
جوديا [ قلبت عينيها] ماقادراش نخرج ..
مهاب [ رفع حاجبو] ماكاينش ماقاداش [ شاف امامو مجموعة من رجال كانو واقفين بكرارس كيبعيو ]
أنت تقرأ
لهيب عشقك محرم ( كاملة)
Historical Fiction°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
