لهيب عشقك محرم ( كاملة)

Part 34

🍂كاتبة :: Samira rd

ورَأيته فأَورَقت من سُرور القَلب أفنَاني".

الفصل :: 1

وصلو طموبيل طلعت .. طلع لبلاستيكات لور وطلع حتى هو مكسيري.. خدمت اغاني .. كتمايل معاهم وشعرها كيميل معاها.. مرة مرة مهاب كيلتافت ناحيتها ويشوفها .. هادشي ماكانش كيشوفو شحال هادي .. كيبتاسم فاش كتغني مع لاغنية بصوت مرتفع وضحك.. كانت ضحكتها حلوة ماساخيهاش تسكت من صوتها وضحكتها.. دوزو دوك سوايع هكاك ضلام لحال دخلو من باب لقصر مبلاصي طموبيل.. خرجو توجه ناحيتها وقف امامها

مهاب: [ بنبرة هادئة رجولية] طلعي رتاحي .. لحوايج ايطلعو حتى لعندك باش غدا نشدو طريق

جوديا: [ اوما براسها بإيجاب] واخا

دخلت لقصر وهو متبعها بعينيه.. حول عينو ناحية تانية كيشوف غيث جالس في فوتاي لي فجردة.. توجه عندو سلم عليه وجلس جنبو

غيث :[رفع حاجبو كيشوف امامو ] تعطلتو اصاحبي وانا باغي نمشي

مهاب :[ خاشي يديه فجيابو نطق ببرود] ديك ساعة سير علاش كتسناني

غيث :[ سكت للحظة ونطق بهدوء] بغيت نهضر معاك على جوديا..

مهاب: [ قلب وجهو كيحاول يكتم غضبو تجاهو نطق] نوض اصاحبي سير بحالك

غيث: [ رفع حاجبو كيشوف فيه بإستغراب] شنو كتلعب من ورا ضهري؟

مهاب: [ التافتت ناحيتو باستغراب] مافهمتش؟

غيث [ بنضرات حادة نطق ] باغي تخليها تبغيك وتبعد عليها باش تنتاقم

مهاب: [ سكت تواني ونطق بهدوء] حيد ديك لفكرة من راسك [ التافت ناحيتو ] ماكانش باها هداك .. صدقت ضالمها [ زير غيت على يديه بغضب وهو كيسمع لكلامو ] جوديا باغيها بصح [ شبه ابتسامة نطق بشرود وعيونو كيلمعو] ماشي كيف كنت كنتخيلها.

جوديا ماشي كأي بنت كيف كنتي كتقول [ تنهد ] انت خويا وعارف ما كنخبي عليك والو .. جوديا معاها كنحس براسي واحد اخر.. جوديا بدلت صقر لمهاب [ بدا يضحك بخفوت] فين عمر شي واحد عيط عليا بسمية مهاب حتى جات هي

كان كيشوف فيه بشرود كان اول مرة يشوفو كيهضر على شي بنت هكا.. حتى سلمى مراتو وماكانش كيهضر عليها بهاد نبرة.. تاق فيه وقدر يعرف بلي مهاب بصح بغا هاد لمرة

غيث :[ ابتاسم كيطبطب على كتفو] جوديا بنت فشكل ماانلقاوش بحالها

قبل ما يلتافت مهاب كان ناض غيث من بسرعة من حداه

غيث: [ أشار ليه بيدو نطق بصوت مرتفع] تهلا العشير

مهاب: [ قلب ملامحو لغضب] حتى تجي ونشوفو هاد ما نلقاوش بحالها...

جوديا :[ ردت عليه بابتسامة] دبا عاد رتاحيت [ التافتت ناحية زاجة كتشوف ثلج فجبال شوية قريب ] فين حنا