لهيب عشقك محرم ( كاملة)

Part 54

❤️‍🔥كاتبة :: Samira rd

لن تستطيعي ان تمحي دوري من ذاكرتك "انا بطل الرواية ".

الفصل التاني : شفاه ممنوعة

دخلت لبيت بصدمة وهي كتشوف مهاب كيجمع ليها حوايجها في ليفاليز بنترة .. وقفت امامو كتشوف فيه وفي لحوايج

جوديا :[ رفعت حاجبها باستغراب] شنو كدير ؟ لاش كتجمع لحوايج ؟

مهاب :[ نطق ببرود ما كيشوفش فيها كيلوح فالحوايج ] لبيت بيتي اتجمعي عليا حوايجك وقلبي على بيت اخر

جوديا :[ شدت تريكو لي كان شاد حتى شاف فيها بتساءل] واش رجعت ليك داكرة ؟

مهاب: [ عقد حواجبو باستغراب] مافهمتش؟

جوديا :[ طلقت لحوايج وعنقت اروى نطقت رافعة شوكتها ] شفتك رجعتي فرعنتي.. ولا تفرعينك هو لي ما نسيتيش عليه

مهاب: [ خنزر فيها سد لفاليزة ولاحها ليها برجلو] خرجي من بيتي وعمرك ترجعي تعتبي ليه .. هاد لبيت ايولي ديالي وديال سلمى [ ورك عليها باستفزاز ] مراتي

جوديا: [ متبتة عينيها عليه نطقت بابتسامة باردة ] عرفتي درتي فيا واحد لخير.. بغيت نبدل حوايجي لقدام وهانتا جمعتيهم.. عيط على شي واحد يجي يهزهم يصدقهم

عض على شفايفو بغضب تمشا ناحيتها بهدوء كيعكز على عكازو وقف امامها شدها من كتفها بقوة وهي كتشوف فيه بلا تحرك ساكنا

مهاب :[ نطق تحت سنانو بغضب ] لعبي مع لي قدك.. ماتبرهشيش عليا اتخرجي هي اتخرجي

جوديا :[ هزت يدها حاطاها على خدو بابتسامة نطقت] انا ما كنتهددش [ دوزت صبعها على شفايفو متبتة عينيها عليه] لبيت انبقا فيه والى كنتي ساخي بطليقتك جيبها ليه

نترت يدها منو تمشات ناحية لفراش حاطة اروى حيدت لمونطو لايحاه جمعت شعرها كوب شوفال واروى كضحك وتلعب بيديها.. كان مهاب مزال واقف فبلاصتو مغمض عينيه شاد فراسو بقوة وكأنه كيتفكر شي حاجة.. تواني وحل عينيه لي كانو حمرين .. بلاما يشوف فيها كان خرج من لبيت .. تنهدت جوديا التافتت ناحية لباب

جوديا :[ نزلت عيونها لعند اروى مبتاسمة ] بابانا خاصو يرجع ياك ... اممم [ جلست امامها شاداها من كرشها كتهر فيها ] شنو بان ليك فشي خطة باش نخليو داكرتو ترجع

حطت يدها على معدتها ضاغطة عليها .. سخفة شدتها ودوخة

جوديا :[ شافت في اروى ] نزلو ناكلو شي حاجة

هزت اروى والتافتت ناحية لباب نازلة من دروج اتجاه لكوزينة كان كلوار شوية طويل كيدي لكوزينة.. كان بيت جنب لكوزينة محلول عقدت حواجبها من سمعت صوت هضرة بخطوات بطيئة تمشات ناحية لباب كتصنط

سلمى: [ بصوت خافت نطقت] انت داكشي لي درتيه ما دخلنيش معاك

*****..