🍂كاتبة :: Samira rd
ورَأيته فأَورَقت من سُرور القَلب أفنَاني".
الفصل :: 1
اوما لكارد راسو بإيجاب تمشات بخطوات بطيئة ناحية لفيلا.. كانت صغيرة نوعا ما .. كلها شراجم ووراها لبحر.. وقفت امام لباب صغير حالاه.. ابتاسمت فاش شافت لورد احمر فوق الارض كيدي حتى لباب وكأنه سجادة حمراء ..
بخطوات بطيئة تابتة ورزينة توجهت ناحية لباب.. وقفت امامو حطت يدها عليه وتدفع .. عيونها توسعو وهي كتشوف داخل لڤيلا.. ورد وشمع فكل بلاصة .. تلفازات فكل جهة فالحيط وفالارض .. كيدوزو صورها.. تعجبت من صور لي كانت كتشوفهم مرة ضاحكة ومرة ناعسة مرة مخنزرة ومرة معنقة اروى كضحك معاها.. ماعرفتش امتى صور هادشي .. وسط كانت طابلة مربعة متوسطة لحجم..
فوقها شموع فلون احمر والورد فنفس لون جوج كراسة مترأسين طبلة .. هزت عينيها فالحيط امامها كتبان ليها صورتها معاه فتلج على شكل قطع كيتلصقو.. موسيقى خفيفة ورومنسية مسموعة .. لحيط لي جنب لباب كان مراية كبيرة ... قلبها دقاتو مسموعين خدودها توردو وعيونها كيبريو..
بخطوات بطيئة توجهات لامام واقفة امام طابلة حيدت لمونطو حاطاه فوق لكرسي تواني وتبسمت فاش حست بيديه تلواو على كرشها.. قبلات متفرقة فوق كتفها.. حطت يديها فوق يديه ميلت راسها.. تبورشت فاش حست بقبلاتو سخونة فوق رقبتها.. التافتت ناحيتو.. ويديه على خصرها.. عيونهم متبتين على بعضياتهم ..
مهاب: [ طلعها ونزلها بعيونو لي كيبريو قرب عندها نطق بصوت خافت جنب ودنها حتى تبورشت] لهيب عشقك يحرق كوني ، انا مفتون لون احمر على جسدك والفتنة اشد من القتل...
سرطت ريقها وهي كتسمع ليه.. مشاعر متراكمة داخلها.. يديها كيرجفو.. بعدت عليه غير شوية.. حط يديه فوق خدودها كيدوز ابهامو على خدها لمتورد
مهاب: [ بنبرة رجولية بابتسامة ] جيتي كتفتني
تمشات ناحيتو ببطء تعلات حتى وصلت امامو لوات يديها على رقبتو.. حاطة شفايفها فوق شفايفو مغمضة عينيها.. لوا يديه على خصرها بإحكام مطلعها عندو وشفايفهم مع بعضياتهم.. تواني وفصلت لقبلة مصت شفايفها ومزال معلقة ناحيتو ويديه تحت مؤخرتها كارز عليها
جوديا :[ سرطت ريقها بابتسامة نطقت ] شكرا.. شكرا بزاف على هاد لمفاجأة
مهاب: [ حط جبهتو فوق جبتها ونيفو فوق نيفها نطق بخفوت ] مزال لمفاجأة لكبيرة..
حطت شفايفها فوق شفايفو بلاما تحركهم.. قلبهم كيضرب بقوة.. احساس واحد مقاسمينو بجوج.. بجوج اول مرة يجربو لحب بهاد طريقة.. مهاب كان مزوج ولكن ماكانش قلبو كيضرب بهاد سرعة لي معاها هو.. ماكانش عارف واش كان كيبغي مراتو ولا لا.. اما دبا تأكد بلي اول مرة يدق قلبو ليها
مهاب: [ كيهضر وسط شفايفها ] كون نعرف لاوطيل غادي يلاقيني بيك كون جيت ليه شحال هادي
جوديا :[ ابتاسمت وعيونها مغمضاهم ] كل حاجة بوقتها زوينة
أنت تقرأ
لهيب عشقك محرم ( كاملة)
Historical Fiction°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
