لهيب عشقك محرم ( كاملة)

Part 46

❤️‍🔥كاتبة :: Samira rd

لن تستطيعي ان تمحي دوري من ذاكرتك "انا بطل الرواية ".

الفصل التاني : شفاه ممنوعة

واقفين امام لباب لمكتب .. خاشي صباعو وسط يديها شادها بقوة وكأنها اتهرب امامهم واقفة صوفيا وغيث لي كانو مبتاسمين بفرحة

غيث: [ طبطب على كتفو غامزو ] مبروك ادمي دخلتي لقفص دهبي

مهاب :[ رفع حاجبو مبتاسم ] باقا نوبتك

غيث: [ قاد لكول ونطق مبتاسم ] قريب قريب

صوفيا :[ بابتسامة كتفحصهم بعينيها ]مبروك عليكم اوليداتي بدرية صالحة ان شاء الله

جوديا :[ مبتاسمة بفرحة شافت في مهاب ونطقت ] امين اماما

غيث: [ عطا يدو لصوفيا شاد فيها ونطق ] يله العرسان نخليوكم

مهاب: [ عقد حواجبو باستغراب] فين غادين؟ طلعو نوصلوكم

غيث :[ نفا براسو ] بغيت نتمشا شوية انا والواليدة

اوماو براسهم بإيجاب .. مشا غيث وصوفيا مخلين جوديا ومهاب كيشوفو فيهم .. التافتت ناحيتو بابتسامة لي ما حيدتش من تغرها عيونها كيلمعو خدودها موردين

مهاب: [ هز يدها باسها نطق بصوت رجولي هادئ] مبروك امدام لهادي

جوديا: [ عضت على شفايفها كضحك] مبروك علينا اسي لهادي

مهاب :[ ابتاسم لوا يدو على كتفها جارها عندو كيتمشاو ناحية طموبيل ] شنو بان ليك غدا نسافرو راس فراس

جوديا :[ عضت على شفايفها مبتاسمة ] احسن حاجة نرتاحو من هاد لمشاكل لي دازو

مهاب: [ حل ليها باب طموبيل ونطق ] من هنا لقدام كاين غير لفرح ان شاء الله

طلع لطموبيل ديمارا وكسيرا فهدوء..

على بعيد شوية حدا شجرة كان واقف شخص عيونو مصوبهم عليهم نضراتو كانو كيوحيو لحقد ولكره

***** [ بصوت خشن كفحيح الافعى السامه] مبروك عليكم ..

• كانت حاطة رجل فوق رجل وفكرة كدور فبالها.. التافتت ناحيتو كتفحص فيه بعينيها تواني

مهاب :[ التافت ناحيتها غامزها ] مزال لحال على هاد نضرات

جوديا :[ نفات براسها كضحك نطقت بتساءل ] عندي واحد سؤال

مهاب : شنو هو ؟

جوديا :[ سكتت لحضة ونطقت عاقدة حواجبها] انت مافيوزي؟

مهاب: [ عقد حواجبو باستغراب كيضحك ] شكون قال ليك هاد لكلام ؟

جوديا: [ تقادت فجلستها هزت كتافها ونطقت ] عندك لقصورة والاملاك لي كارد طموبيلات.. منين جا هادشي ؟ من غير لمافيا ؟