لهيب عشقك محرم ( كاملة)

Part 55

❤️‍🔥كاتبة :: Samira rd

لن تستطيعي ان تمحي دوري من ذاكرتك "انا بطل الرواية ".

الفصل التاني : شفاه ممنوعة

غيث :[ عقد حواجبو بصدمة متبت عينيه عليها ] سلمى عندها يد فهادشي

جوديا :[ اومات راسها بإيجاب] اه .. سمعتو قال ليها باش تعطيه شي سم ولكن هي مابغاتش.. [ تنهدت مكملة حديثها] صدق هو لي معيط ليها تجي خاصنا ضروري نعرفو شكون هدا

قاطعو صوت تيليفون لي كيصوني هزو امامو كيشوف نمرة مهاب بقا يشوف فيها تواني وقف خارج من لكوزينة مجاوب.. اما هي هزت اروى جلستها فوق رجلها كتوكلها دقائق وكان رجع غيث جلس امامها

جوديا :[ رفعت حاجبها بتساءل كتشوف فيه] شكون عيط ليك ؟

غيث : مهاب

غير سمعت سميتو قلبت عينيها بملل ماباغاش تسمع عليه شي خبار .. نزلت راسها لطاجين كتاكل فهدوء.. كملو ماكلتهم في صمت جمع غيث روينة وكلها مشا لبيتو يرتاح

• اصبحنا واصبح الملك لله

واقفة فالكوزينة كطيب لفطور فاقت شوية معطلة.. مالقاتش غيث عرفت ايكون خرج ومشا لقصر جمعت لبيوتة .. كانت اروى وراها جالسة فوق الارض كتلعب .. سمعت صوت لباب تحل وتسد عرفاتو غيث قادات طبلة ودخل سلم عليهم وجلس

جوديا :[ بهدوء] كنتي خارج

غيث: [ اوما براسو بإيجاب نطق بنبرة هادئة] مشيت لقصر

جوديا :[ بللت ريقها رخفت حواجبها ونطقت ] خاص نرجع لقصر مايمكنش نبقا هنا وديك خيتي مع مهاب

غيث :[ تنهد حط كاس دأتاي متبت عينيه عليها ] هادشي لي كنت بغيت نهضر معاك فيه نتي اتكوني قريبة منو

اومات راسها بإيجاب كملو فطور جمعت طابلة هزت اروى ومشات لبيتها تبدل من بعد دقائق خرجو ركبو فطموبيل.. دازت ساعتين وكانو وصلو لقصر هازة فيدها اروى متاجهة ناحية لباب داخلة بانت ليها لخدامة اشارت ليها ناحية صالة تمشات جيهتها لقاتهم كيتغداو فصمت

جوديا: [ بابتسامة كتشوف فيهم ] مساء الخير

غيثة [ بابتسامة وقفت تمشات ناحيتها معنقاها] جوديا [ وقفت امامها كدوز يدها على شعرها بحنان ] غيث عاود ليا كولشي الله يرضي عليك ماتقلقيش من مهاب راه مريض ..

جوديا: [ كانت بغات تدوي ولكن قررت تسكت حسن تنهدت اومات براسها] مامقلقاش اماما غيثة ماديريش فبالك

غيثة :[ هزت من عندها اروى كتبوس فيها ] عطيني هاد لكبيدة لمعاودة

تمشاو ناحية طابلة جلست غيثة مترأسة طبلة كيف ديما سلمى جالسة جنب مهاب واسماء جنب سلمى جا غيث وجلس حدا جوديا مقابلين مع مهاب .. كانت كتشوف فيه غير بنص عين .. كتلقاه مرة مرة كيخطف منها شوفة عاقد حواجبو..