لهيب عشقك محرم ( كاملة)

Part 16

كاتبة :: Samira rd

بسرعة وخوف هزت اسماء تيليفون كتعيط على طبيب لي كيكون ديما فالقصر.. كان صقر جالس مرتاح كياكل ومرة مرة يهز فيها عينو بابتسامة خبيثة وكأنه منتاصر فشي معركة.. اما غيث فكان تالف ماعارفش شنو يدير بسرعة خشا  يدو تحت خصرها واليد تانية تحت ضهرها اما هي فكانت قريبة تغيب عن الوعي .. وقف جنب صقر وهو هازها

غيث: [ نطق تحت سنانو بحقد وغضب رمقو بنضرة جانبية حادة] الى وقعت ليها شي حاجة اتشري لعداوة بيناتنا

طلعها لبيتها بسرعة مادازتش دقيقة وكان دخل عندها طبيب فحصها دگ ليها حقنة ماكانوش اعراض خطيرة حيت ما تعطلش عليها جمع اغراضو ووقف كانو امامو غيث اسماء وغيثة وخوف على ملامحهم

طبيب :[ باطمئنان] ماتخافوش عليها دگيت ليها حقنة ماكانوش اعراض خطيرة حمد الله كنصحكم تخليوها بعيدة على شي حاجة فيها حساسية ليها

خرج طبيب تنفسو بإطمئنان كيشوفو فيها بحزن.. من نهار جات وهي غير كتعدب .. عض غيث على لسانو وعيونو تعماو كيف ريح خرج من داك لبيت نازل لتحت وغيثة تابعاه بخوف نازل من دروج بسرعة كيشوف في صقر گعما مسوق

غيث: [ بصوت مرتفع غاضب] صصصقققرر

ابتاسم صقر ووقف كيشوف فيه خاشي يديه فجيابو بسرعة مشا غيث قاجو من فيست ديالو

غيث: [ نطق بغضب تحت سنانو] علاش درتي ليها هكا كنتي عارف عندها حساسية منو
صقر: [ نطق بهدوء كيشوف فيه بحدة] حيد يدك [ نطق بصوت مرتفع غاضب] حييييد يددددك

خنزر فيه غيث ونتر يدو بقوة كيدوز يدو على رقبتو محاولة يكتم غضبو

صقر: [ تبت عينيه عليه نطق بحقد ] باغي تعرف علاش داير ليها هكا [ هز عينو في غيثة ] باها.. قتل لواليد بسباب داك ولد ل**بة ديال باها ترزيت فالواليد وانا صغير [ أشار لنفسو بصبعو نطق بحدة وغضب ] بسبابو ترزيت فطفولتي وصيفطوني لتجنيد [ ضحك بفقصة مزير على يدو خابط طبلة بقوة حتى تهزو لكيسان] كفاش بغيتي نخليها مرتاحة وانا ماعشتش مرتاح ختي ماعاشتش حنان لاب عمرها شافتو وبسباب من [ أشار ليه ناحية دروج وعيونو لامعين بحقد ] بسباب باها
غيثة : [ عاضة على شفايفها وعيونها دمعو نطقت بحزن ] شنو دنبها هي ؟ علاش تعدب فبلاصتو
صقر : [ سرط ريقو وكأنه فيه شوك ] دنبها بنتو .. حتى انا ماكان دنبي والو ولكن تعدبت.. [ عطاهم بضهر خارج من لباب نطق بحقد ] فا من هنا لقدام ماتعاتبونيش الى درت ليها شي حاجة

زير غيث على يدو وهو كيشوف صقر خارج من لقصر رجع بلور طالع لفوق.. تنهدت غيثة مشات جلست فوق لكرسي حاطة راسها على يدها

غيثة :[ نطقت بصوت خافت ] شنو اندير اسيدي ياربي مع هاد لولد وهاد لحقد ديالو

*عند جوديا

كانت ناعسة وماحساش بشنو ضاير بيها كان جالس جنبها كيشوف وجهها كيف صفر .. كتنفس ببطء ماعندو ما يقول هضرة واحلة ليه فحلقو باغي يخرج داكشي لي فقلبو ولكن ماقادرش.. بقا دقائق وهو جالس جنبها متبت عينو عليها تنهد وقف حاط شفايفو فوق شعرها بايسها فراسها غطاها مزيان وخرج..

• قمر مضوي لبيت لمضلم ناعسة وملامحها هادئة بخطوات بطيئة تمشا ناحيتها كيشوف فيها خشا يدو تحت خصرها واليد تانية فضهرها حطت راسها على صدرو وخرج بيها وراه كان كارد هاز فيدو اروى وصاك صغير فيه حوايجها.. هبطو بخفوت حتى لبرا طلعها فطموبيل وحداها اروى في كرسيها طلع حتى هو ديمارا طموبيل وكسيرا

• اصبحنا واصبح الملك

كتحك فعينيها كتستاعد تفيق حلاتهم جاو ديريكت فسقف لي كان من لخشب عقدت حواجبها وتقدات فجلستها والاستغراب على ملامحها فين هي وشنو كدير هنا اخر حاجة عاقلة عليها هي فاش شربت لعصير خشات يدها فشعرها حاسة بتعب وعضامها مدگدگين .. تنهدت كتشوف فراسها مزال حوايج لبارح لابساهم كتفحص بعينيها لبيت .. كان خشبي ناموسية فلون اسود كوافوز امامها خاوية فوقو مراية كبيرة.. جنب كان بالكو متوسط حيدت لغطا حاطة رجليها لحافيين فوق لارض بخطوات بطيئة كتمشا حالة لباب تفحصت لكلوار كانو جوج بيوت فقط امامها دروج دالخشب نازلة منو وكتسمع صوت تنغنيغ رفعت حاجبها ودخلت لبيت لي مفرش بفوتاي كتشوف صقر جالس وهاز اروى فيدو كيضحك معاها وهي كتجر فلحيتو وضحك

جوديا :[ وسعت عينيها بصدمة نطقت بخفوت]صقر؟
صقر :[ كيتفحصها بعينيه مبتاسم بخبث ] صباح الخير
جوديا: [ جلست جنب لفوتاي امامو رافعة حاجبها نطقت بغضب] علاش جايبني هنا .. ماكفاكش داكشي لي درتي ليا لبارح؟
صقر: [ تبت عينيه عليها نطق بهدوء] راك مزال حية وكتجاوبي معايا
جوديا: [ نطقت تحت سنانها] شنو هاد لبغض والحقد لي فيك باغي تقتلني باش تفرح غرورك
صقر :[ شاف في بنتو كيلعب معاها] قلت ليك غادة نديك حتى لقبر ونرجعك منو

تبتت عينيها عليه مخنزرة فيه عمرها شافت شي واحد مسطي قدو كتفكر تخليه حتى ينعس وتخشي فيه شي جنوي تهنا منو وتهني لعالم منو

صقر :[ ببرود حاط رجل فوق رجل] نوضي طيبي لفطور
جوديا: [ ضحكت كتحاول تستوعب شنو قال] شنو ماسمعتش مزيان...

صقر :[ ببرود حاط رجل فوق رجل] نوضي طيبي لفطور
جوديا :[ ضحكت كتحاول تستوعب شنو قال] شنو ماسمعتش مزيان
صقر: [ ميل راسو باستفزاز مبتاسم] لفطور طيبيه
جوديا :[ عضت على شفايفها كضحك ] هادشي لي بقا ما درتوش
صقر :[ هز اروى مجلسها فوق رجلو متبتها امام جوديا لي غير شافتها مدات ليها يدها ] اروى فيها جوع عيب تخليها بلا فطور

شافت فيه ونزلت عينيها لاروى لي مادة ليها يدها باش تهزها.. خنزرت فيه قلبت عينيها بملل واقفة غادة اتجاه اروى هازاها من عندو

جوديا :[ كتهر فيها فعنقها واروى كضحك ] انا على مامي فيها جوع همم

خرجت وخلات صقر متبعهم بعينيه حتى خرجو .. بانت ليها كوزينة امامها تاجهت ليها .. كانت خشبية حتى هي فيها جميع لماعن.. بان ليها كرسي ديال دراري صغار جنب حطات اروى دارت ليها سمطتها باش ما طيحش وهي كضحك معاها وقفت حاطة يديها على جنابها توجهت لتلاجة حالاها

جوديا :[ رافعة حاجبها ] شنو انطيب ليه لقلب تلاجة خاوية

بان ليها بلاطو دالبيض نصو دارتو اومليط وحدة صلقتها على قبل اروى .. هزت لحليب فيضاتو وسخنات لخبز

• جالسين في طبلة امامهم لفطور.. هي لي كانت جالسة وفوقها اروى كتوكلها وضحك معاها ماكانوش مسوقين لصقر لي هو لاخير كان اول مرة غادي يشوف انسجامهم امتى بغاتها ورتاحت ليها وساكتة ليها.. مرة مرة يهز عينو في جوديا لي كان شعرها طايح عليها..يتبع