Your First Glance (အကြည့်တချက်) (U&Z) - Completed

YFG 29 (U&Z)

(Unicode)

Veee...Veee...

မနက်စောစော မြည်လာတဲ့ ဖုန်းသံကြောင့် ဝမ်ရိပေါ်က အလန့်တကြား ကောက်ကိုင်ပြီး ဖုန်းသံကို ပိတ်လိုက်သည်။ ရှောင်းကျန့်ခမျာ တညလုံး မိမိ နံဘေးမှာ ငုတ်တုတ်လေး ထိုင်စောင့်နေခဲ့ရတာ မဟုတ်လား။ အခု မနက် မိုးလင်းမှ အိပ်ပျော်သွားခဲ့ရတာလေ။

ဖုန်းကို ယူပြီး ခပ်လှမ်းလှမ်းဆီ ဝမ်ရိပေါ်က လျှောက်သွားလိုက်သည်။

*အင်း...ယွဲ့ဖန် ပြော...

*အဖွဲ့မှူး လိုချင်နေတဲ့...ဒေါက်တာခန်းလျှို အကြောင်း သိခဲ့ရပြီ...မထင်ထားတာတွေလည်း တွေ့ရတယ်...ဒါတောင် သူ့အိမ်မှာ...အိမ်အကူ လုပ်ဖူးတဲ့ လူဆီက သိရတာ...သူလည်း ကြောက်ပြီး အလုပ် ထွက်ခဲ့တာတဲ့...

ဝမ်ရိပေါ် အသံကြားသည်နှင့် ယွဲ့ဖန်က ဝမ်းသာအားရ ပြောတော့သည်။

*အင်း...ငါဆီကို ပို့လိုက်လေ...

*ဟုတ်ကဲ့...ဒါနဲ့ အဖွဲ့မှူးရော အဆင်ပြေရဲ့လား...

ယွဲ့ဖန်က ပူပန်စွာ မေးလိုက်သည်။ ဘာညာညာ ဖြစ်သည်ဟု ပြောလိုက်လျှင် ခေါင်းဆောင်ရှောက်မှ တဆင့် မိမိ မိခင်ဆီသို့ သတင်း ပြန်ရောက်မည်ကို စိုးသောကြောင့် ဝမ်ရိပေါ်က ဘာမျှ မပြောရန် ဆုံးဖြတ်လိုက်သည်။

*ပြေပါတယ်...သတိတော့ ထား ရတာပေါ့...သူ့ဘက်က စပြီး တိုက်ခိုက်လာနေပြီ...အဲ့ဘက်မှာရော အဆင်ပြေလား...

*ပြေပါတယ် အဖွဲ့မှူး...အဖွဲ့မှူး...ဒေါက်တာခန်းလျှိုကို မြန်မြန် ဖမ်းနိုင်မှ ဖြစ်မယ်...

*ဘာလို့လဲ...

*ဖုန်းထဲမှာ ရှင်းပြနေရင် ကြာနေမယ်...ကျွန်တော် ပို့တဲ့ အစီရင်ခံစာကိုသာ ဖတ်ကြည့်လိုက်...အဖွဲ့မှူး သေချာ နားလည်သွားလိမ့်မယ်...

*အင်း...ဒါဆိုလည်း ဖုန်းချလိုက်တော့မယ်...ငါ့ဆီကိုသာ ပို့ထားလိုက်...

*ကောင်းပါပြီ အဖွဲ့မှူး...

ယွဲ့ဖန်က တက်ကြွစွာ ပြောပြီး ဖုန်းချသွားသည်။

💉 💉💉 💉💉💉

*ဘယ်က ဖုန်းလဲ ရိပေါ်...

အသံကြောင့် ဝမ်ရိပေါ်က နောက်ကို လှည့်ကြည့်လိုက်သည်။