Your First Glance (အကြည့်တချက်) (U&Z) - Completed

YFG 28 (U&Z)

(Unicode)

*ကျန့်ကော...ထတော့လေ...ညစာ စားရအောင်...ကျွန်တော်တောင် ရေချိုးပြီးနေပြီ...ထတော့နော်...

Hotel ရောက်ပြီး အခန်းထဲကို ဝင်မိတာနှင့် အိပ်ရာပေါ် အပြေးတက်ကာ တချိုးတည်း အိပ်တော့တဲ့ ရှောင်းကျန့်ကို ဝမ်ရိပေါ်က နှိုးလိုက်သည်။

*ဘယ်အချိန် ရှိသေးလို့လဲလို့...နားဦးမယ်လေ...ဗိုက်လည်း မဆာသေးဘူးဟာကို...အိပ်ချင်သေးတယ်လို့...

ရှောင်းကျန့်က မျက်လုံး မဖွင့်ပဲ ကလေးတယောက်လို ဂျီတိုက်သည်။ ဝမ်ရိပေါ်က အဝတ်လဲနေရာမှ ပြုံးလျက်ကြည့်နေသည်။

တကယ့် ကလေးဆိုးပဲ...

*ညစျေးက အကင်တန်းမှာ ပုဇွန်ကင်နဲ့ ဟော့ပေါ့ သွားစားမလို့နော်...အာလူးချောင်းကြော်ရောပဲ...နောက်ကျရင် မရတော့ဘူး...

*အာ...စားမယ်...စားမယ်...ကောကို ထူပါဦး...

အိပ်နေရာမှ မထပဲ လက်နှစ်ဖက်ဆန့်ကာ အော်နေတဲ့ ရှောင်းကျန့်ကို ဝမ်ရိပေါ်က ပွေ့ထူလိုက်သည်။

*မွ...

စူထော်ထွက်နေတဲ့ ရှောင်းကျန့်ရဲ့ နှုတ်ခမ်းပါးကို ဝမ်ရိပေါ်က ထိကပ်လိုက်သည်။ ရှောင်းကျန့်က ကျေနပ်စွာ ပြုံးရင်း ပြန်လည် ဖက်တွယ်လိုက်သည်။

*ကော ရည်းစားလေးက အရမ်းချစ်ဖို့ ကောင်းတာပဲ...ဒီလိုလေး ဖက်ထားရရင် အရမ်း နေလို့ ကောင်းတယ်...မင်းရင်ခွင်လေးက အရမ်းနွေးနေရောပဲ...သိလား...

*တော်တော့...အကြီးဖြစ်ပြီး ခင်ဗျားပဲ ချွဲနေတယ်...ထ...ရေချိုး...အပြင်သွားရအောင်...

*ဟင်...မင်းက ရေတောင် ချိုးပြီးပြီလား...ကောကိုတောင် မစောင့်ဘူးပေါ့...တော်ပြီ ရေမချိုးတော့ဘူး...ဒီအတိုင်း သွားတော့မယ်...

နှုတ်ခမ်းစူကာ အိပ်ရာမှ မကျေမနပ်နဲ့ ထထွက်သွားတဲ့ ချစ်ရသူကို ဝမ်ရိပေါ်က ပြုံးစစနဲ့ လှမ်းဆွဲလိုက်သည်။

*ဟေး...အဲ့လောက် မညစ်ပတ်နဲ့လေ...လာ...ရေချိုးဆို...

*ဘာဖြစ်လဲ...ငါ့ဘာသာ ညစ်ပတ်တာ...မကျေနပ်ရင် ငါနဲ့ လာမအိပ်နဲ့ပေါ့...သွား...