destiny

37

ශොප් එක ඕපන් කරා උනත් මේ වෙලාවට ඒ තරම් සෙනගක් ගවසෙන්නෙ නැති නිසා මං ඉයුන්හා වාඩි වෙලා ඉදපු ටේබල් එකට ගියෙ කෙල්ල මං එනවා දැකලා ලස්සන හිනාවකින් මට පිළිතුරු දෙනකොට.

" මොකෝ මේ ළමයට අපිව මතක් වෙලා?.. "

හිනාවකින්ම එයාටත් සංග්‍රහ කරන ගමන් මං ගිහින් එයා වාඩි වෙලා ඉදපු පුටුවට ඉස්සරහින් වාඩි උනේ ඉයුන් හුරතල් මූණක් මවාගෙන මට බොරුවට රවනකොට..

Eyunha - " යාහ්.. ඔන්නි මං ලාස්ට් වීක් එකෙත් ආවා ඔයාව බලලා යන්න.. "

" අයිගො හරි හරි පිස්සි.. විහිළුවක්නෙ කලේ.. ඉතින් මොනවද බොන්නෙ?? උනුම උනු කොෆී එකක්?? "

මං එහෙම කියනකොට එයා දිලිසෙන ඇස් එක්ක හා කියන්න ඔලුව වැනුවම මං ආයෙම නැගිටලා ගිහින් කොෆී කප් දෙකකුත් උස්සන් ඇවිත් ටේබල් එකෙන් වාඩි උනා..

ටික වෙලාවක් යනකන් අපි දෙන්නගෙන් එක්කෙනෙක්වත් කතා කලේ නෑ. ඇත්තටම ගොඩක් වෙලාවට අපි කතා කරලා තිබ්බෙ අවශ්‍යම දෙයක් විතරයි. ඒ කිව්වෙ ඒක මේ ආගන්තුකයො දෙන්නෙක් වගේ කරන කතා බහක් නෙමේ. හිතට දැනෙන ඕනෙම දෙයක් ශෙයා කර ගන්න තරම් ළඟ යාලුකම් අපි දෙන්නා අතරෙ තිබ්බා. ඒත් ගොඩක්ම වෙලාවට අපි දෙන්නම කරේ උනු කෝපි කෝප්පයක් තොල ගාන ගමන් ටිකක් එහායින් ගලන් යන හන් ගග දිහා බලන් ඉදපු එක. ඉතින් අදත් එහෙමයි.. තවම බැහැල නොගියපු ඉර මුලු අහසම එකම පේන්ටින්ග් එකක් කරලා තියෙද්දි රත්තරං පාටට ඇදුනු ඒ පේන්ටින්ග් එකේ ඉරි ටිකෙන් ටික රතුපාට වෙන දිහා බලන් ඉන්න එක හිතට ගේන්නෙ පුදුම සීතලක්..

Eyunha - " ම්ම්.. ඔන්නි. මං හෙට එයාට කියනවා.. "

" අහ්?! "

Eyunha - " මං ආදරේ කරන කෙනා.. "

" හ්ම්ම්.. මගෙන් සුබ පැතුම් දරුවො.. මට හොදටම විශ්වාසයි එයා ඔයාගෙම වෙනවා කියලා.. ඉතින් ඊළග පාර මාව බලන්න එනකොට එයාවත් එක්කන් එන්නකො එහෙනම් ම්ම්... මටත් ආසයිනෙ අපේ ඉයුන්ගෙ හිත හොරකන් කර ගත්තු කෙනා මොන වගේද කියලා බලන්න.. "