(Unicode)
"အား အခုချက်ခြင်း ကြိုးဖြည်စမ်း......."
မျက်ဝန်းသည် ခရမ်းရောင်တစ်လှည့် အနီရောင် တစ်လှည့် ပြောင်းလဲလို့နေသည် ။ ထို့အတူ အရေပြားသည်လည်း တဖြေးဖြေးနဲ့ မည်းညစ်ညစ် ဖြစ်လို့လာသည်။ဒါဟာ ကောင်းသော အခြေအနေမဟုတ် ။
"ငါ ဖြည်လို့ပြောနေတယ်မလား......."
မျက်ဝန်းတွေဟာ လုံးဝကို အနီရဲရဲတောက်သို့ ပြောင်းလဲလို့သွားလေပြီ။ မဖြစ်တော့ဘူး ။
"အား......."
နတ်ဆရာမသည် စတင်ကာ မန္တန်အချို့ ရွတ်ဆိုလိုက်သည် ။ မင်းသမီးလေး ကင်ထယ်ယောင်းလက်တွင် ဝတ်ဆင်ထားသော ပတ္တမြားအရောင်သည် တောက်ပလို့လာသည်။ နီရဲရဲမျက်ဝန်းသည်လည်း ပဂတိခရမ်းရောင်ပြန်ဖြစ်လာသည် ။ အသားအရေသည်လည်း ဝါဝါဝင်းဝင်းလေး ပြန်ဖြစ်လာသည် ။ သို့ပေမယ့် ဆံပင်အရောင်ကတော့ ပြောင်းလဲသွားခြင်းမရှိသေး ။
ထိုအခြင်းအရာသည်လည်း ခဏတာပင် ။ ပြီးရင် မူလအတိုင်း အသားအရည်ကအစ မည်းညစ်ညစ် ပြန်ဖြစ်လို့သွားခဲ့ပြန်သည်။နတ်ဆရာမသည် မန္တန်ကို အဆက်မပြတ် ရွတ်ဆိုလိုက်သည်။အနည်းဆုံးတော့ လက်စွပ်က ကာကွယ်ပေးထားသေးသည်မလား။
"အား နာတယ် ဟင့် အား ........"
နတ်ဆရာမသည် တစ်ချက်လေးတောင် ရပ်တန့်မသွားဘဲ မန္တန်အချို့ကို ရွတ်ဖတ်နေဆဲ ။
"အား ရပ် ရပ်ပေးပါ အား နာတယ် ......."
မင်းသမီးလေး လွန်စွာ နာကျင်မှန်းသိပေမယ့် သူမ မန္တန်ရွတ်ဆိုခြင်းကို မရပ်တန့်ခဲ့ ။ နာရီစက္ကန့်နဲ့အမျှ မင်းသမီးပုံစံဟာ ပြောင်းလဲနေတာ။ရပ်လို့လုံးဝမဖြစ်။
"အား ......."
စူးစူးဝါးဝါး အော်ပြီးနောက် မင်းသမီးလေးသည် သတိလစ်ကာ မေ့မြောသွားလေသည် ။ သူမလည်း မန္တဆိုခြင်းကို ရပ်တန့်လိုက်လေသည်။မင်းသမီးနားသို့သွားကာ အခြေအနေကြည့်လိုက်တော့
"မင်း အသေပဲ......."
အသံနက်နက်ကြီးက ပေါ်ထွက်လာပြီးနောက် ချည်ထားသော ကြိုးတွေလည်း အကုန်ပြတ်ထွက်သွားပြီး သူမသည်လည်း လည်ပင်းအညစ်ခံလိုက်ရသည်။
