《جمرة الحلال 》 ♡24♡
ناظهرها زين السمية وقبيح الفعال بعين قاتمة قتالة .. لابس جابادور صفر على هوى موو بديك القلدة يتحط وينزل وصدره مبندر .. نازل عليه سر العريس باس راس مو والعين على ديك لي حاذرة عينيها كاتبانلو غاطسة والسالف مع الشال ساتر النص من وجهها تكلم :
فطوري نبغيه في بيتي
لالة شامة ماتبغي تخسر خاطروو ولا تزيد معه اللغى عارفاه كلمتو هي الماشية.. حدها مسحت على صدرو بجنية وعطات الامر لسعاد :
سعااااااد خودي لفطور لسي ..
قبل ماتنهي الامر سبقها في امرو بصوت فاضح بطشو وطغيانه :
تزوجت بسعاد أناااا ..!!! 《قصح صوته الخشين كثر من خشونته والنبرة تخلع والشوفة فيه كثر وامره موجه لديك لي حانية راسها وضامرة همها 》 تهزي نتي وجدي الفطور وتبعيني ...
الفام تفتحو عارفينو تزوجها من فوق الخاطر ولكن باش يبدا حكامو في صباحهم الاول ويسمها بسموو وحقده وهي عاد قالت بسم الله في دارو ووسطهم هادي عطاتهم اشارة للي جاي وباين الكتاب من عنوانو
كرر الكلام رافع صوته والصدى يهزز جدران الدار خلا شامة تقفز من مكانها والبقية مفزوعين من وجهو الثاني :
كندوي مع الق***بة يمااااك
شهقوو شهقة وحدة من كلامه الماسخ ماغريبش عليه كلام الوسخ وهو باني حيوط الوسخ بفعايلو الزينة .. العمة حطت يدها على ظهر هاجر وتمسح وتحسبن في الخاطر دوات بنبرة خافتة :
نوضي ابنتي الله يجعل زواجك منو مغفرة للذنوب نوضي تبعي سعاد
لالة شامة قربت من هاجر ماعاجبها حال كانت فرحانة وتغير حالها الحمد لله الحاج جلال غايب وخداتو الخدمة اما كون طاحت الروح بفعايل ولدها نوضت هاجر من دراعها جرتها كيف البهيمة حتى طاح برنوسها وتكشف سالفها .. والعروسة المكروهة عينيها دمعوا من المذلة والمهانة وخدودها تحقن فيهم الدم من المعاملة تخطاتو كيف الريح ورا شامة وسعاد حانية الراس ومخبية دموعها تحت السالف قبل ماتكمل الخطاوي حست بفكها تنهش هاز راسها صوبه وفمها مبجووغ تقابلت عينيهم و العين على العين ..
سالت دمعة من عينيها ويديها على يدو كاتقاوم بطشو وفمها مازال جرحو مابرا وباغي يزيد يعطب ويسيل الدم .. زمجر في وجهها كيف الثور حاقد وحقدو عليها ماقادرش يكتموو حتى غمضت عيينها ماقدرت تشوف فيه ولا تجاوب :
المرة الجايا مانعيدش الكلام ..!! 《نفض راسها نفضات صحاح خلاها تخرج أنين موجوع معطوب》
المرة الجايا قبل مانتكلم نعطب ط**بون مك
#يتبع
أنت تقرأ
جمرة الحلال
Romantik❤️🔥من رواية "فلتغفري" لقصة "جمرة الحلال" ❤️🔥 بأسلوب مغاير .. فكرة مغايرة.. #بقلم hajar Lotus قصة من قاع الخابية...، حروفها مطروزين بالحكمة.. وبالميزان.. لعُشاق الكلام الفاخر .. تلقى فيها حكمة مدسوسة.. قصة صبر وحكمة و لا كلام فوق كل...
