شامة كانت معنقة نوارة كاتهدي فيهاا واخا هي براسها النار شاعلة في قلبها :
لعني الشيطان ابنتي ..، غير ثبتي دابا تطفى نارك ..!!
نوارة عاضة على شفايفها كاتخنق فيهم وتنطق بالرجفة :
ماغاتبرااا حتى نحرر عيشتهم وناخد حقي ...!!
شامة حاضنة عليها كاتهديها وياخوفها من الفضيحة واذا درى ولدها :
راك غاتحرري عيشتنا كاملين ابنتي..، خوك هو الاول اذا درى ايقتل مراتو ويتبع ختهااا...اما داك الراجل لي عندك موووحال واش يشوف شمس الصباح..!!
ناضت نوارة كاتغزل بالنااار :
تريكة الخانزات ..، شفتووو دار الفقيه بااااش عاامرااا..، ماثيقتينيش نهار قلت ليك راه ماجاتش باللحية واللتام ..، سومهم رخيييص وخويا من الاول عارفهم رخاااص ماحملش الزيجة ونتي وبّا عاندتووه !!! 《حطت يديها على جنابها مبلقة عينيها بالسم 》 ماغانسكتش .. غانذوقهم المرار وخويا جاتو السبة باش يطلق ديك الفاجرة كيفها كيف ختها
وقفت نواارة كاتهديها وتساسيس :
ياريت كون جااات غير في الطلاق وتشتات الشمل واش ماعارفاش خووك ابنيتي باغي ليها غير السبة باش يدفنها وزايدون هي اش ذنبها ياك ختها لي رخصية !!
نوارة ضحكت بالفقصة كامشة جنابها شوفاتها قباح مشرارين :
لا تبارك الله هي رمانة مغمضة ... راه كيفها كيف ختها امي كلهم تربية وحداااا .. غير خويا خانق نفاسها اما كون راه وراتك سومها الرخيص في ليلتها ..!!! اذا درى بالمصيبة نبغيه يقتلها هي وديك الفاجرة د ختها ...!!! 《خنقت عنقها بيديها ولونه وجهها مبدل تقول هادي كانت في فران طايب 》
شامة تهز قلبها من قولها كمشتها من دراعها ونطقت كاتحذر :
وايااااك ابنتي .. ماشي من مصلحة سمعتنا ..، و تبغي خوووك يوسخ يديه .. راه سمعة دار الفقيه من سمعتنا .!!! العدياااان ابنتي غايشيروااا ليناا الصباع.... والفام ماصابرااا على الهضراا، نسيب الحاج جلال وخت عروستوو كايتمعشقووو ..!!!
آل الفاسي على خر ايامهم يعودوو علكة وضحكة..
النار شعلت في قلبها كثر من كلمة يتمعشقوو ..تموت على راجلها واخا عارفا راسهاا ظالمااه في حقوو لكن باش تشوفو مع غيرها داير فيها العاشق الولهان ماترضاها واخاااا تفني الروح قبل مايلقى راحتو ورا ظهرهااا..!!
كاتعض شفايفها النار زاهرة في ذاتها نطقت كاتغزز الكلام :
وشنو المعمول امي ماتوقليليش انبقى ساكتة راه 《حطت يدها على عنقها》 اذا مااخديتش حقي غانطرطق ماتبراليش الكية حتى نااااخد حق هاد الشمتة.. راجلي عارفاه انا سبابو ماغايشوفش برا بالساهل حتى توصل به للعظم ..ولكن باش توصل بديك القح***بة انوووو تحط العين على راجلي وتتمادى بنت الرخص لحاجتي والله لا بقات فيها!!!
كون جات وحدا بعيدة مانحير فيها لكن دااار 《قلبت فمها عيفانة الكلمة ونطقت》نساب خويا ..!! عارفاه دمو سخون وماغايحيرش فيهم يقدر يتهور ونزيدوها بالفضيحة !! 《مسحت على صدرها》 هااا انا صابرة الصبر ياربي الصبر !!!
أنت تقرأ
جمرة الحلال
Romance❤️🔥من رواية "فلتغفري" لقصة "جمرة الحلال" ❤️🔥 بأسلوب مغاير .. فكرة مغايرة.. #بقلم hajar Lotus قصة من قاع الخابية...، حروفها مطروزين بالحكمة.. وبالميزان.. لعُشاق الكلام الفاخر .. تلقى فيها حكمة مدسوسة.. قصة صبر وحكمة و لا كلام فوق كل...
