شمت ريح عطرو جالس حداها حاضن عليها جنب كايتشاطر الحديث مع شامة :
الفقيه حافظ شرع ربي..!! وراه متممو بنفسو.. مزوج زوج وكون ماا ماتت مراتو كان غايوفي تلاتة..!! اش خصو فيااا كلهاا يعيش حياتو كيف بغااا !!
شامة ماتقدر تعارض امرو حادرة عينها :
هضرتك على صواب اولدي..!! حقكم هذااا الله يتمملكم على خير ..
جوديا حاضنة على يديه خايفاه يبعد من قربها كيف غبر عليها قبل تابع مراتو... وهو ثاني مشابك يديه حاس معهااا بالراحة وبالرضى..!!
محمد حدد كلامو بالجد بخامة صوته الوافية :
عرسي ماغايكونش في الرياض
نطقت شامة ماعلى كلامو ضباب :
ولابد مايكونش في الرياض ماجاتش مراتك تحضر لعرسك...!!
محمد حرك لسانو على ثغروو مانطق ولاتكلم حتى نطقت جوديا باغياا تشاركهم الحديث :
عرس بسيط يكفي ويوفي ...!!
شامة بالشدة في خامة الصوت صاغت جوابهاا معارضة :
لواه ابنتي ..!! عرس ولدي الاول ماااقمت به كيف بغيت... عرسو الثاني غايكون بالفخامة والشان...!!! عرس الف ليلة وليلة يهضرو عليه شلا قومان ..!! 《شافت في محمد لي كان حاضي بعينو دواا هاجر فوق الطبلة ونطقت كاتراعي جوابو 》 اولاا اولدي
محمد حرك راسو حاضن على عيون جوديا :
همم عرسي الثاني بااغي نفرح به ويليق بمقامنا ونفرح بجوديا..
جوديا ماقدرت تعارض حتى هي شهوتها في عرس هماوي شافتوو مشوق وفي عينو لمعة بضاض ليها زلدت من هياج وصالها نغمة صوتها تحلى كثر وهي قربو :
انا ومحمد حددنا التاريخ ..!!
محمد حرك صباعو على يديهاا كابنبش في كفها:
من هنا لشهرين غايكون ..!! وضريب الصداق غايكون هاد السيمانة...!!
شامة ميلت حاجبها حاضنة عليهم بشوفات شريدة حتى نطقت بالعجاب:
هي ناويين تشركوو عرسكم مع زيادة ولدك امحمد..
جوديا معترضة :
لا اخالتي .. انا ومحمد بعد شهرين ناويين نسافرو لالمانياا هو عندو خدمتو وانا كذلك غانكون حدااه هذا علاش بغينا العرس في داك الوقت ونسافرو مباشرة ..!!
شامة كاتسنى في محمد ينطق كان حاضن على شوفاتو جهة فخضوو حتى خرجاتو من سكاتو :
محمد !!
مول السمية عطاها شوفاتو القتيمة مع نطوقو:
بعد الزواج غانغبر واحد المدة الوليدة.. عندي خدمتي لازم نوقف عليها..!!
أنت تقرأ
جمرة الحلال
Romance❤️🔥من رواية "فلتغفري" لقصة "جمرة الحلال" ❤️🔥 بأسلوب مغاير .. فكرة مغايرة.. #بقلم hajar Lotus قصة من قاع الخابية...، حروفها مطروزين بالحكمة.. وبالميزان.. لعُشاق الكلام الفاخر .. تلقى فيها حكمة مدسوسة.. قصة صبر وحكمة و لا كلام فوق كل...
