جمرة الحلال

✨part 26✨

《جمرة الحلال 》💥26💥

. قادات سعاد فطوره بالزربة  بلاطو منوع قهوة اسبريسو وطوسط واومليط بالفرماج الاحمر وكرواصان وعصير لافوكا مخلط بالبروتين والكركاع واللوز ماعندوش مع البلدي والمخامر والملوي فطوره رومي بامتياز  !!

لالة شامة واقفة كيف الخشبة ماقالت يا حسرا ولا عطفت عليها بالكلام .. حدها مسحت لها الدم السايل من الشفاه ومولات الهم كلها ترجف والدموع يتقطرو وتغمض عينيها  .. شعرها جمعاتو وكمساتو في الشال ..

شامة قصحت قلبها ودوات بالنفاخة:

نبغيك شديدة الدموع ماينفعوك اعروستي  خدمي العقل والحكمة 《شافت ناحية سعاد لي كاسرة الودن وبتهديد شديد عطات لسعاد تنبيه 》 الكلام اذا خرج من هاد الدار نقطعلك اللسان مع الرزق

سعاد بلعت ريقها وحنات الراس :

عين ماشافت ولا وذن سمعت.. 《سدت فمها بيدها ودوات》 صم بكم

لالة شامة حركت راسها ناحية الباب :

طيري نفضي الصالة قبل مايحضرو الطيابات الغدا لازم يوجد على حقو وطريقو

وداك الشي لي كان مشات تشوف شغالها وشامة وراها كاترعد بشراتلها وقفطانها راسها مرفوع والنظرة شديدة قربت من هاجر كاتحقف وتزيد  رطبت الكلام هاد المرة :

عروستي الغزالة.. دواها الصبر.. شحال من نعمة ظاهرها نقمة ..!! 《 حطت ابهامها على خد هاجر ومسحت الدموع》 ماتدوي ماتكلمي عطيه البلاطو بلا دميعات ..

هاجر شافت فيها مغبونة نظرة تفتن بالحزن وهمست برجفة مكلومة :

لالة شامة ولدك ماحاملني ماقابل فيا الشوفة .. في قلبو وحدة اخرى وصعيب ماشي ديال المفاهمة  الغلط لي درت حنيت وحشمت اما مانحطش قدامي في هاد الدار ونقبل بهاد الزواج 《حركت راسها باللا 》

لالة شامة قربت كثر منها هازة البلاطو مداتولها .. بادي عليها اليقين والصرامة :

دابا  يعشقك ويديرك سلطانة ومايشوف غيرك  ..، كاع صبرنا واخا تدبرنا..، الراجل يدور يدور ويتنفخ يرجع لخيمته .. نتي اختيار والديه ومدام اختاريناك الا وشفنا فيك خير ليه...، دابا توكضي بلا دموع وسيري خودي ليه الفطور .. 《تبسمت تبسيمة مبشورة ونهات حديثها 》 طريق خيمتك عارفاها مايحتاج نوريك مابقيتيش برانية.. 《رمات كلامها وزادت مخليا وراها هاجر تتنفس الهم وقلة الحيلة ثبيت يدها على البلاطو وزادت بخطاوي ثقال  مخلياها على ربي ...!!

وصلت للطبقة المعزولة حتى الا ضربها وبخ فيها  سمو حتى حد مايسمع واللغى  بين الحيطان مدفون ..، المكان كلو منظم ونظيف.. السرير غطاه حرير والقديم خداتو شامة خزناتو..، بلعت ريقها كتشوف يمين وشمال وعليه تقلب لا حس لا مس، ماعدا الجبادور مليوح في الأرض  ..، قربت لطبلة طويييلة  أنتيك دايرين بها عشر كراسا حطت البلاطو بلا حس، هزت جلايل القفطان وعينيها ماراصينش في بلاص.. رجعت هاربة كاتسلل وقفها صوته كيف الرعد جاثوم على روحها يخنق ..

افين سالتة ابنت الفقيه ؟!
✨Part 27✨

《جمرة الحلال》  ♡27♡

خارج من الحمام عريان كلو ولا شرويطة ساتراه يتهز ويتحط  كيف سلطان زمانو فخاضو عراض وباين فيه يهز الحديد والعضلات مقادين بالرياضة والبروتين قاصح الصدر مبندر  شعرو كثيف ولي وسط الصدر أقصح والشوفة عندو مابغات ترطاب ولا تهدى مع درات تقابلو شهقت باستغفر الله حاطة يديها على عينيها والشوفة فيه عيب وحشومة وقف عليها مايفصلهم غير عرض خيط.. هز يدو حطها على شالها  وسحبو بالنتير  رماه في الارض كيف شي طرف خانز  عايف الشراوط ...عينيه فيها ماراصيينش كذاب الا نكر انها ماشي حلوة وماتسرش العين كل شي فيها يجلب  بجذب زينها في شكل حلو وبنين  .. شوفاته  ليها شهوانية مخلطة بالحقد والغضب .. تهز سالفها من الجدر طالقو على طولته يلعب حد الخصر وعينيه على صدرها الوافي يتهز من الخوف والتوتر  .. ماحست غير بترمتها العريضة بين يديو يبجع ويتمتع..، ويدو الأخرى على يديها باغي يشوف وجهها ويحقق .. بنترة وحدة نزلت يديها.. والعيننين مزالهم مغمضين كاتموج مع يدو لي كسرت قانون الاحترام والحشمة .. وقربها كثر حتى حست بجسمها محطوط عليه  .. قاصح اللمسة...  وهمجي الطباع.. جسمو على جسمها كايتمحكك وناوي يديرها تحتو ويتنشوا بها
يديه على خصرها يلعبو براحتهم كأنه كايعبر ويقيس دابا صاحي مزيان وموكض باغي يعبر ويتفنن في طرف اللحم  شفاهو تحطو على شفاهها مابانتلو غير الجرحة جنب فمها لونه جوري  طري يشهي..  عضها من نفس المكان  عضة مسمومة خلاها تصيح بين يديه وتكرز على صدرو بالنتير ..  توجع و وقربو خانقها نافراه وماقتة قربو ليها  عيفها في ذاتها وعافتو كرد فعلها منها قمشاتو من صدرو قمشات واضحين، شعلت نارو وهيجاتو .. ماحس براسو حتى شفايفو ندامجو  قبلة مجنونة صوتها قوي مع صوت انفاسه المسموعة بحال شي سبع جيعان وطال جوعه وتحطت قدامه فريسته... تعافرت على شحال باش تبعد من همجيته وتفرقت على فمو مبعدا قابلة وجها خلا دمها ثاني يسيل  وعينيها حلفو واش بغاو يتحلو دوات بكلام زعجوا وثار جنونه بنبرة ثابتة جريئة:

مابغيتكش ..

قلب وجهها بالنتير حاكمها من ذقنها وزمجر في وجهها خلا قلبها يفزع عارفاه خبيث وما في قلبو رحمة عليها :

حلي عنييك

#يتبع

لي قرات تحط البصمة!!!!