جمرة الحلال

✨part 33✨

《جمرة الحلال 》 ♡33♡

ايوا ياسيادي شي ضحك شي كتمها وستر وجهو بالفولار كايولول زينة  السعد تصدمت حلت فمها وتبلوكات اما واحد غيتة كانت يلاه دخلت للصالة حماتها للضحك كيف الهبيلة وعمتها خديجة داخلة وراها كاتسكت فيها هادشي عيب وحشومة

عائشة شرعت عينيها كاتحلف على بنتها بالاشارات

لالة شامة كاتضحك  جرت زينب لحضانها كاتسكتها بالضحك :

ياك قلت لك ممنوع طلعي لبيت حبيبك غايخرج ليك بوعو

زينب غير ماازايدا فيه كاتنفض في كتيفاتها :

حبيبي هووو بووعو 《هربت من احضان جداها ورجعت اللور كاتمثل ليهم المشهد من نيتها》

كان ياكلها عنقها وفمها ..وحتى زيييزا ديالها وهو علياااان وهي معلييها (معريها)

يا شوهة مولات الشوهة لي قربت تنفض الدموع وتنوض تحيرلهم بالفقصة غطست وجها  في شالها وكون غير تحلت الارض وبلعتها كاتعض في شفايفها بالحشومة لي غرقت فيها ...
غيتة تلاحت على السداري كاتهز وتحط بالضحك :

وااااميمتي كرشي حصلو حصلة د الكلااااب واااا ميييمتي هههههههههه

نوارة تبعتها تضحك  وأمينة عيات ماتصبر حتى هي تبعتهم خديجة كاتسكت فييهم وتقول   :

عيييب وحشومة نووضي اعيشة هزي بنتك قليلة الترابي

لالة شامة كاتجبد فيها وتسكتها وزيينب وتقول واش بغات تسكت :

لاااا حبيييبي بووووعو كان ياكلهااااا بفمووو  هو خااايب سفتو كااان فوقها ياااكلها لحمها ويعضها

ربيعة غير تبرق بالعينين  المكحلين تخلع بهم الصبيان

ويامنة تخلط لها الضحك مع الصدمة ماقدرتش تزيد مزال تصبر دمعتها سالت بالضحك لي خرج من جوفها  بزز...!!

زينب هربت لهم وسط الدار تجري هازا جلايلها والسالف وراها يلعب غاديا جهة الصالون  لي مجموعين فيه الرجال والبراهش وارها

عائشة كاتضرب في فخاضها عارفة بنتها شوطينة ولسانها سليط :

وااامي زييينب مشات عند الرجال

شامة مبردا هزت كتافها  : 

ومن بعد البنت صغيرة  خلييها غاتلقى تماك حبيبها يعطيها شي سلخة  دوزي تكلسي  نكملو غدانا ..

شافت شامة في هاجر مصدومة وساترة نص وجهها بالشال ضربتها بمرفق يديها كتهمس ليها بمزاح:

ياك راجلك وحلالك  كاع رجالاتنا مرغواا فينا وكلاونا في الفراش .. رخفي فيك النفس ومدي يدك تاكلي

غيتة  كتنش بيدها على وجهها لي رجع طلو حمر بكثر الضحك:

يااا ختي حتى حنا بغينا نتمرغوا

لالة شامة هزت صندالة شي برهوش من حفايدها وعطاتها للصدر واخا هاك ماتهنات غيتة كتاكل وتقول اححح

قرصتها خديجة قرصة مسمومة خلاتها تصقل وتاكل بزز باغيا غير تضحك

في الصالة ياسيادي بدات الفراجة واقفة زينب على جدها تجبد في سلهامو وكتجبد في الكلام وعينيها على محمد لي مسح فموو واخا ماكلاش معهم :

بااااااا سييييييديييي

#يتبع