ادريان طلعو ونزلو بالنفاخة ولحمو البيض رجع حمر دم حيت تعصب فوق القياس حاس براسو مرض نفسيا بهاد الاهانة .. زاد قدامو كايتمختر في المشيا مخلي الگارد تابعو كايضحك بالحس على هاد ربع سانتيم لي كايتجابه مع الرجال الكبار..
كانوا برااا سَرب من الغربان مستفين من لي گارد كلها حاضي قنت كايستنااا حفيد الملك تشارلز الكندي يخرج من الكازينو... مع شافوه تلقاولو ...!!!
حدا الرياض الفْسيح لي حاشا واش يكون رياض عادي تحلف عليه قصر السلاطين بتواسعو والمعمار لي باين فيه واكل ملايير صحاح باش طلع ينافس قصور الأبّهة .. كانوا واقفين بجوج ضاربين الكحل في الكحل باين فيهم الفلوس ووقر صحاب الحبّة ...!! الكتاف عند الكتاف حاضنين جيوبهم والدخاخن حايمة فوق ريوسهم بالجوان...
بحة صوتو فايضة :
واش هاد البرهوش ناوي يسيفط لحمنا مشلض للبرگاصا ياكلونا الكلاب بفعايلو...!!
نفض جوانو رامي الرماد معبّس عينو حتى هو بحتو مدعدعاا جارا وراهاا ودان الغاشي :
مع سُطت في وجهوو قلب عينيه شوياا ويودع ولد الهاربة...!!!
ضحك ضحكة من الگلب حتى تغمضو عينيه تحنى على الحيط رامي ثقلو عليه كايسوط في الدخان منشوي مع الجوان :
خاصو يدوز في برنامج مبتسمون رغم الاعاقة...!!
فتل لحيتو بيديه حاضي الگارد مستفين كيف الذبان خرج نص ضحكة من ثغرو :
لي يشوف هاد الحالة يقول هت***لر ناض من قبرو .. برهوش داير فيها معلم ..!!
"ولكن ولد الحرام دخلنا على ظهرو الملايير ..
محمد رمى الجوان طاافيه تحت سباطو كايحكو مع الارض نطق بصوت عْميق جنو لي يرمي جهدو ويلقيه في ظهر غيرو :
لواه ز***بي .. اشمن على ظهروو باين لك كايفرق فيهم..
"واصاحبي راه يلعب على نيتوو مسكين ويغشوه صحابنا ويعاود يراهن وجهو صحيح حتى خوا الحصيصة لي عطاهالو جدو ... حفيد الملك د كندا ا گليع الگلب.!!
معاد بعد عليه غااادي جهة الجاغوار حاضن على الفون بيدو كايسمع لصوتهاا الرقيق مصدعو في مخو لاعب عليه بالمزيان خلاها على راحتها حتى طفات حجرتها ونطق بالبارودي كايقلي ليها السم :
ايييه حاضن على زوج پباسات صحاح مدور بيااا اللوز والأكاجو والفرماج ماكان غير البومبا عند ختها تفرگعي نتي گاع.... 《بعد الفون من ودنو صمكاتن بزگاها واصلة بها للطوپ د الاعصاب رجع الفون مكمل على حديثو المسموم》 كووني هااانية ديك السخفة لي كاتجيك غير بومزوي والفقايص اما اناااا داگ مع كر**ي يبْراا د العگر باش مانولدش معك.. واااحلبي البگيرات ونقي الزريبة وسرحي البهاايم ادواحة مو الگمل وكثري من خبز الگوديار وخبزي معك حتى الجاودار اطعمي معك المسكين والفقير..!! 《مع سمع صريخهااا تعالى فصل الخط قاطع عليه الهواس مبرررد وكايضحك مع راسو رجع عند صاحبو كايتمختر في المشيااا حاضيه بنص عين كايضرب في رجليه مع الأرض باين فيه كاره 》
أنت تقرأ
جمرة الحلال
Romance❤️🔥من رواية "فلتغفري" لقصة "جمرة الحلال" ❤️🔥 بأسلوب مغاير .. فكرة مغايرة.. #بقلم hajar Lotus قصة من قاع الخابية...، حروفها مطروزين بالحكمة.. وبالميزان.. لعُشاق الكلام الفاخر .. تلقى فيها حكمة مدسوسة.. قصة صبر وحكمة و لا كلام فوق كل...
