طول الطريق وهي حاضنة على دراعووو تغنج عليه وتزيد تثبت فييه، حطها شويا بعيييد وقبل لا تنزل شافت فيه بعينيها الكبار كاتغمز فيييه وتعلقو بهاا تقول هادي غير شي فقيهة ماتهز العين بلبسها لكن العيون فضاحة تعطيك الخبار..، نطق معجب :
الشيطان طالب معك التسليم
ضحكت وقالت :
ونت الشيطان في مدرستك كايتفقه..!! بلغ سلامي لضرتي
نزلت كاتعدل في خطاويها قبل لا توصل لدربها جبدت ضمسة الفلوس كاتحسب بلهفة مع عرفت انو تلاتة دالمليون ونص عضت على شفاايفها باغيااا طييير بالفرحة ورجعت خباتهم حاضيا الجناب والقنااات ضحكت : وهذااا بريكول صحييح...
مع قربت للدرب كايبانليها واحد سيدي مولاي الطولة والتجريدة والهمة والشان والزين الفتااان دازت حداه سمعاتو كايهضر بالانجليزية ونطقت كاتغزل به عند بالها ماغايفهمش حيت ماشي ولد البلاد :
العيين الزرقااا طيحتني في الشبكة المنتوج الغربي ذوب قلبي...
سمعها معجب كون كانت شي بنت اخرى قريبة ليه كاع مايشك بلي هي مولات العفة في اللباس لي نطقت بهاد الكلام.. زادت جنبووو رامية عينيها الكباار عليييه كاترمش في دوك الشفار الكباار بان ليها فيه الربح كاتشوف فيه وتقول هاااد الوجه ماغريبش عليياا
قطع التييليفون وغمزها عرفها من صحاااب حجابي عفتي وطر***متي سر سعادتي .. الزيين زيينة تحير العين والقلدة هي هاااديك ملامحها مألوفين عندو بحالا شبهها بشي حد.. ونطق بنبرة لعوبة شاد معها النزاهة ولكن مابغيش يبين انو ولد البلاد :
Hello beautiful "سلام الزيين"
كانت شويااا مفقهة في الانجليزية حيت يامااا فتخت الاجاانب ها الميريكاني هاا السويدي ها الطالياني كل شي قولبتهم بلا تخمام حضات القنات وعطاتو الفون نطقت كاتبسم دايرا فيها حشمانة :
Your number
شد الفون وقيد النمرة كايبتسم ويقول في خاطرو : ارااا بررررع....!!!!
عضت على شفايفها وعيطات عليه وقطعت باش تسجل نمرتها عندوو ...شيرت بصبااعها لودنها كاتبسم بغنج ونطقت بالهدااا والغنج 'call me ' 《اتصل بيا》 زادت خلفة مخليااه يسجل نمرتها مبسم تبسيمة الرضاا كايحك في صدرو وعينيه على الطرف لي قداامو باااينة فيها حراايفية في الصيد.. تسند على الحديدة الفريع آخر ماغنات ام كلثوم في شركة الأودي حاضيها كيف كاتفتل بدوك الخيورات حضاها حتى بعدت كايحك في لحيتو ويخمم كيف يسميها في تيليفونو غبرت من قدامو وهز الفون كايدخل نمرتها باسم 《العريضة》 وكايغني راشقة ليه كيف ديما "خبز الدار ياكلو البراني ويلي هاااويلي ومن العشق الروحاااني وااش يصبر قلبي .. شويااا وهو يشوف الحاااج جلال جاي كايشالي بسلهااامو مول النخوة والاصالة موقر ومولاحق شوفتو خشينة ووقفتو مهيبة تحسو راجل واقف على تراب الشهامة.. وقف عليه ولقى سلامو ومعاد تحنى باس يدوو محترمه وعاطيه وقرو :
أنت تقرأ
جمرة الحلال
Romance❤️🔥من رواية "فلتغفري" لقصة "جمرة الحلال" ❤️🔥 بأسلوب مغاير .. فكرة مغايرة.. #بقلم hajar Lotus قصة من قاع الخابية...، حروفها مطروزين بالحكمة.. وبالميزان.. لعُشاق الكلام الفاخر .. تلقى فيها حكمة مدسوسة.. قصة صبر وحكمة و لا كلام فوق كل...
