《جمرة الحلال 》
الظلم صعيب والقهرة تقتل مولاها عايش ..
لتامها البيض تلون بالدم مع كل كملة تنطقها يعطيها بدالها دقة مسمومة.. حتى تحس بفكها تهز من مكانو .. كايسوق متهور ويتخطي اشارات المرور .. همجي وبحالو قالت موحال واش كاين ... ماباغيش يتكلم خدم يديه معها وهذا هو اسلوبو لي يفهم فيه ...!!! طول الطريق والبكا كلامها ..شادة نيفها وفمها خايفة تنطق بكلمة اخرى ويزيد في طغيانو ..دخل مع الدروبة بحالا الطرقان في اسمو والبشر ماعندهم حق.. وقف حدا الدار مفريني بالجهد مخضها ونزل كايقنص بعينيه الشراجم كاين اخل الباب بالنتير قلبو مغلغل وعينيه معميين بالحقد والغضب ..، باغي يتعاطى ويشم باش يتحلو بيبان عينيه المعميين ..كان يقلب لها على شي سبة يندمها كثر وكثر على قبولها بهاد الزواج جاات السبة لبين يديه راجل غيرو كان يحسن العوان ويمررها ولكن هو كاره زواجو منها كبلاتو وخلاتو يحط العناد والغرور وكلامها لي يمشي .. هذا هو ضرو العناد والغرور وكلمتو اذا مامشاتش ياويل داك لي كا سباب وحيلة.. لب عارف انو يستحيل يخليها في الوقر ناوي يذوقها الندم ويبخ السم لي مجموع في قلبو عليها ..!!
سد الباب وراه باللتيخ ونزلها كايمخض فيها جاب الله الدرب خاوي ومالحقوش البياعا والحضايا يشوفو دمها وحالتها .. الباب كانت مشرعة وشامة واقفة مع خديجة كايتبادلو الحتيت خديحة تلوم وشامة تحرك في عينيها كيف موكة .. مع شاافوه جاارها كي الدبيحة وراه ولتامها دم حمر .. شهقوا شهقة وحدة غاديين جهتوو يفكووها ..طاحت مرتين وهو جار فيها كي خنشة الطحين...، كاتبكي وبكاها يذوب الحجر وقلبو ماحن فيها...!!!! نطق بالسم صوتو يخلع
بعدووووو !!!
كان غادي بها جهة الدروج باش ينفارد بها منعاتو شامة وخديجة كايطلبو فيه ويرغبو وهو فرعون قلبو قاصح وسمو يقتل جرها من اللتام حتى بان وجها كلو مجلخ بالدم .. بانليه صاكها تحت ابطها نترو نترة وحدة فتحو بيد واليد الاخرى كامشها على جلايلها من الظهر ..، فرج فيها صحاب الدار مع تبكي وتشهق يهز يدو حتى للفوق ويعطيها للوجه.. ماقدوو عليه .. والصراخ ملا الرحبة دراعو كيف الحيط ثابتة ويدو مابغات تطلقها .. زلع كاع اغراضها لي في الصاك بانلو الفون طايح هز رجلو للسما ونزل عليه ماخلاش فيه بياس صحيح..،
شامة كاتجر وتفك هاجر من يدوو :
العاااار اوليدي حضر عقلك العاااار فك البنت غاتموت على يدك
محمد تعماولو العينين كايسمع بكاها يزيد يجعر جرها من عنقها بالجهالة وهي تبكي وتصرخ كلات العصا لي طيحت الرجال على طولتهم ..
بغااااات الزوااااج هاااانا كنوريهها الزواااااج...
هز يدو كلو خباطة قداش وينزل عليها للوجه حتى دايخة ويرجع يهز فيها
غيتة وسعاد مصدومين من المشهد واقفين قي بلايصهم خايفين يقربوا شكون لي يتجرأ يقرب من بنادم بحالو ..!!
أنت تقرأ
جمرة الحلال
Romance❤️🔥من رواية "فلتغفري" لقصة "جمرة الحلال" ❤️🔥 بأسلوب مغاير .. فكرة مغايرة.. #بقلم hajar Lotus قصة من قاع الخابية...، حروفها مطروزين بالحكمة.. وبالميزان.. لعُشاق الكلام الفاخر .. تلقى فيها حكمة مدسوسة.. قصة صبر وحكمة و لا كلام فوق كل...
